الساعة 8 مساء "
حمد وهو ينبّه ترف قبل تنزل : مثل ماقلت لك ادق عليك تردين ع طول الساعه 12 تمام.. وانا عندك
ترف بتملل وهي تنزل : خلاص وربي فهمت لو انه درس حفضته !!
حمد : لايكثر بس
التفتوا كلهم ع صوت دق بوري وراهم بتكرار ويكبس لهم ، عقد حواجبه حمد بحده ونزل من السياره وهو ناوي الشر ، نزل سلمان بسرعه عنده وهو يضحك عرف انه عصب
سلمان وهو يضرب كتف حمد من ورا: حميّد
حمد بصدمه : سلمان !!
سلمان بضحك : شفيك
حمد : عبالي واحد ثاني نويتك والله
سلمان: الحمدلله اني سلمان !
نزلت ليال وراحت لـ سيارة حمد عند ترف وصرخوا يحضنون بعض
سلمان بستغراب : مو كانهم تو شايفين بعض بالمدرسة!
حمد ضحك بخفه : يلا عاد انا ماشي
سلمان : وييين ابيك تخاويني للأستراحه
حمد : عندي شغل والله
سلمان بتنهيده : تمام مراح انسى انك رفضت عزيمتي ياولد العم
حمد ببتسامه : شدعوه ارفض اجيك المره الثانيه معليك تطمن
سلمان : زيين يلا تشااو
حمد وهو يرفسه : استرجل !!
ضحك سلمان وهو يركب السياره ويروح
والبنات دخلوا داخل المول
عند سلمان بسيارته "
رفع صوت المسجل ببتسامه وهو يدندن بروقان :
عـن جـمالك لـو دروا اهـل الـجنوب
صـارت الـخطوات لـجلك مـشمله
واجـتمع كل البـشر من كل صـوب
وكل عاقل بان طيشه وجهله
قطع عليه روقانه اتصال تركي
رفع جواله وهو يرد بنرفزه : نعمم !
تركي : اقول وينك فيه ؟
سلمان : ابد افرفر ورايح شوي الاستراحة
تركي : بالله عليك !
سلمان : ايوه
تركي : انت تدري ان الدكتور ناوي يعطيك حرمان
شهق سلمان : احح ليش؟
تركي : ماسلمت المشروع حقك وهو له كم ينبهك !
سلمان : نسيته قسمم اليوم قال لي الصبح
تركي : عاد ارسل لي يقول بلغ خويك بكرا يجيبه ولا راح اعطيه حرمان
سلمان : يليلل صدق خلاص بجيك نسوي المشروع
تركي : تمام انتضرك
رجع يشغل المسجل وهو يدندن
عند البنات في المول "
ليال : يابناتت والله اعرفها ذوقها مو كذاا
ترف : اممم طيب امشوا نشوف ثاني غير ذا
نوف : اقولل عادد ترا قفلت معيي من اليوم نحوس من محل لـ محل تعبت !!
الهنوف : امداش جيتي انتي كيف حنا اللي من اليوم واقفين ع عظم ندور للحسناء فستان
ترف : اقول انتي وهي عن الحلطمه بس بناخذ الفستان بعدين امشوا فلوها
ريناد: يلا مشينا
راحوا كلهم يدورون شهقت ليال يوم شافت فستان
وراحت تركض : بنااات تعالووو
جو البنات وانهبلو : الللهههه
ترف بأعجاب : الله بيطلع يجننن عليهاا
ريناد : صراحه اهنيييككك!!
ليال : شرايكممم بس
الهنوف : الله عليش شلون نخشتيه من الحوسه ذي
ليال برزه : اضبطكم!
ترف : بس بنات مالاحظتو انه قصير شوي
ريناد : مو قصير حلوو وربي
ليال : امم شوفوا هو قصير شوي لكن عادي بيطلع بيرفكت عليها !
فتحت جوالها نوف وهي تصور سناب
نوف : شوفي عبير اختيار ليال وربي حللوو مرره تحمست اشوفه عليك
ترف : مررره كيوتتت
الهنوف : انا حس اني تخيلتش لابسته
ليال : انا اذا تخليتها اتخيلها بقمصيها الروز
انفجرو البنات ضحك وارسلت السنابه لـ عبير
الهنوف : يلا بنات خل نروح فوق
ترف : اول شي بنات ابي اروح اخذ حلاو الهبه
ليال : اي حلاو؟
ترف : فيه حلاو عندهم هنا يمدحونه بشتريه
الهنوف : يلا امشي
راحت تاخذه من محل وتصوره
ليال بخوف : بنت شكله مايطمن وش الحلاو ذا
نوف : ايي شفته صديقاتي يمدحونه بس صراحه حسيته مو حلو
ليال : لاتاكلينه يا ترف احسه مب زين
ترف : ييووه جات امي الثانيه ياخي عادي بذوقه
صارو يتمشون ويفرفرون بالاسواق ودخلوا محل عطور
الهنوف : بناتت شوفوا هذا العطر يبيعونه عندنا بـ ابها يجنن مرره
ليال : هاتي اشمه
نوف : وانا بعدد
ليال : يالبيييه ريحته ، مو كأنه عطر رجالي ؟
الهنوف : الا رجالي بس اشمه مع خوالي يحبونه
ريناد : الله ريحته حللووهه
ليال : شكلي بشتريه ابهديه
ترف بغمزه : لـ مين تهدينه هاه !
صرخوا البنات بضحك : هاااه مييينن؟
ليال : انطموا العالم تناظر الحمدلله والشكر يعني مين يعني اكيد ناصر
الهنوف : وانتي مالقيتي الا ناصر عطيه سلمان
ليال: ليه شفيه ناصر !
الهنوف : مافيه شي بس كذا
ريناد : انتي شفيك ع ناصر عاد احسه طيوب
ليال : والله اكثر من الطيوب شكلها متوحمه عليه!
ترف : من سبك حبك !
الهنوف بتوتر : شفيش انتي من قال احبه
نوف بضحك : محد قال انتي قلتي
ضحكوا البنات من انحرجت الهنوف منهم
نوف : بنات تكفوون نبي نروح للألعاب فوق
الهنوف : ايوه ايوه
ريناد : قداممم
ليال : خلاص مشينا
ترف : انا ابي دورة المياه روحوا واذا خلصت بلحقكم فوق
ليال : لااا مانبي نترك بعض
ريناد : اي منجد نروح مع بعض ونجي مع بعض
ترف : روحوا وانا بجيكم دايم اروح للمول ذا اعرفه
الهنوف : بكيفش مشينا بنات
راحوا البنات فوق وهم يسولفون ، دخلوا قسم الالعاب
ليال : اللههه بناتتت نبي نلعب ذيي
نوف بتوتر : منجدك ليال ؟
ليال بيتسامه : اييوه
ريناد : يلا مشينا
نوف بخوف : روحوا انتم انا مابيها
الهنوف : شفيش مخترعه ؟
نوف : ا لا لا روحوا انتم انا بنتظر هنا
ركبوها البنات وهم يصارخونن ويضحكون ، كانت ريناد رافعه رجولها وتضحك وطاحت وحده من نعولها
صرخت بضحك : بناتت
ليال وهي ترفع صوتها : هلااا
ريناد : نعولي طاحتت
ضحكوا كلهمم وانتهت اللعبه ونزلوا عند نوف اللي كانت جالسه ومستغربه ضحكهم
ليال وهي ميته ضحك : نوففف
نوف : شفيكم
الهنوف : تخيلي نعولها طاحتت
انفجروا كلهم ضحك وريناد طنشتهم كانت تدور نعولها شافت واحد ماسك فرده منهم ووجهه باين انه معصب استغربت وقربت منه والبنات جو معها
ريناد : لو سمحت
لف لها فيصل : نعم
ريناد بستغراب : نعولي معك
فيصل بعصبيه : اجل انتي اللي صقعتيني فيها !!
ريناد : وش دخلني كنت العب وهي طاحت
رماها عليها بعصبيه : انتبهي المره الثانيه
راح وهي انقهرتتت منه صرخت : مريضض
لف فيصل بعصبيه : عيدي؟
تقدمت ليال قدام ريناد وهي تحطها ورا ظهرها بعصبيه : خير ياخوي ؟
فيصل : طاقتني وترفع صوتها علي شتحس فيه !
الهنوف : قالت لك بالغلط تدور الحرش انت
فيصل : والله ماندري من يدور الحرش
نوف بخوف : خلاص قالت بالغلط
طنشهم وراح
لفت الهنوف لـ ريناد بعصبيه : شفيش انتي طاقته وترفعين صوتش عليه
ريناد : لا احسن تعالي طقيني انتي بعد؟
ليال : خلاصص انتي وهي انطموا نبي نشوف ترف ذي طولت امشوا
راحوا كلهم لدورة المياه شافوها جالسه بالأرض وخافوا ركضوا لها بسرعه
ليال بذهول : ترف شفيك؟؟
الهنوف وهي تسندها : شفيش يابنيه تكلمي
ترف بهدوء : بطني يوجعني
ليال : يمكن من الحلاو اللي اكلتيه !
الهنوف : قالت لش ليال لاتاكلينه ماسمعتي حكاها
ترف بدوخه : بنات خلاص
نوف : خلاص اسكتوا البنت دايخه
ريناد : تعالي داخل
دخلوها البنات داخل المسجد وشربوها مويا
الهنوف : ترف ناخذش المستشفى؟
ترف بهدوء وهي تقوم : لا احس اني احسن الحين
ليال : متأكدة ؟
هزت راسها ترف : ايوه مشينا
راحوا كلهم فوق وكملو لعب
