الصباح بالفندق
صحت ليال على صوت المنبه وطفته وتوجهت لدورة المياه ولبست طلعت وهي تناظر لـ حمد اللي متعمق بنومه وهزت كتفه : حمد الساعه 7 بقى ساعتين لازم نمشي بدري
مارد عليها وتأففت : حمد قومم
فتح عينه ورفع يده يسحبها ويطيحها جنبه
شهقت : حمد بنتأخـر
حمد بنعاس : اشش
سكتت وهي تناظر وجهه عن قرب وحمّر وجهها من حست فيه يقبل خشمها وقام يلبس ضحكت واخذت جوالها ترد على رسايل البنات
عند عوض
طلع من الغرفه اللي مقابله غرفة حمد وليال وكان لابس كاب وجكيت اسود وتكتف : يليل العرسان لازم يتأخرون يعني !
رجع بسرعه من شافهم يطلعون ومعهم شناطهم وابتسم وهو يناظر ليال : فديتتت العيون اناا
اخذ حمد الشنطه وركبوا المصعد
عند ترف اللي كانت حاضنه دبدوب وتناظر التلفزيون وهي تفكر ، اخذت جوالها وفتحت ع قوقل تكتب :
كيف اعرف اذا الشخص معجب فيني ولا لا
جتها ردود كثيررره ومن ظمنها : النظرات .. إذا نظرت إلى الشخص الذي تحدثه ووجدته يرفع حاجبه إلى الأعلى ولكنه أنتبه لرؤيتك له فهذا يدل على إعجابه بك
الشعر: إذا كان الشخص الذي أمامك بين الوقت والآخر يُعدل من شكل شعره وتسريحته فهذا الشخص معجب بك ، ويريد أن يكون بأجمل منظر له وهو أمامك
إذا أردت أن تترك المكان فسوف تجده يحك أنفه أو عينه وهذا دليل على أن رحيلك سوف يسبب له الإزعاج والضيق على الرغم من وجود باقي الأصدقاء في نفس المكان
زفرت بضيق وحلطمه : مايسوي ولا وحده منهم اففف
دخلت عندها بدريه : بنت ترف
ترف : هممم
بدريه : انا اخاف اني حامل !
لفت ترف بسرعه : شتقولين انتي
بدريه : مدري ياترف احس اني شاكه
ترف : طيب حللتي ؟
بدريه : لا لحد الان والله اذا طلعت حامل بسقطه
ترف بذهول : وجع وش دخل النونو فيك وفيه !
بدريه بضيق : مابي اي شي منه
ترف : امشي معي طيب نروح المستشفى ونشوف
توترت بدريه ووقفت معها وطلعوا بعد ماقالوا لأمهم
ابتسم حمد وهو ياخذ الشناط ويطلع وجنبه ليال لف من حس احد يناظره واستغرب ركبوا السياره عشان يروحون المطار واخذ جواله يتصل ع نايف
نايف : ياهلا
حمد : هلا والله
نايف : امرني
حمد : شف لي عوض وينه بالله
نايف بشك : ليه !
حمد : بس
قفل ولف يشوف ليال متمسكه بذراعه وساكته : غريبه ساكته
ليال : وش تبي بـ عوض ؟
تنهد حمد وناظرها : موضوع ثاني لاتشيلين هم
ليال : كيف ماشيل هم !
حمد : انتي زوجة حمد فاهمه !! محد يقدر يجيك
سكتت بأحراج وشالت يدها عنه : مفهوم
ضحك وهو يشغل لها اغنيه ويغير جوها
انفجع سلمان من صحى على صوت قوي وفتح عيونه : بسم الله
ابتسمت ريوف : صباح الخير سلوم
سلمان : وجع شفيك !
ريوف : ولا شي ودي اصبح عليك
حط يده على قلبه : بالله انك تنقلعين قسم خوفتيني
ريوف : سلماان تكفى طلبيتي جايه وابيك تستلمها
رجع ينسدح : قولي لـ ناصر او عبدالله
ريوف : بس ناصر رايح يخطب مع بابا وعبدالله رايح معه
فتح عيونه بصدمه : ايشش
ريوف : صحوك ماما وناصر بس مارديت
سلمان : تستهبلين كم لهم طالعين ؟
ريوف : لهم نص ساعه
تنهد وناظرها : وانتي شتبين
ريوف : ابيك تستلم الطلبيه
سلمان : طيب روحي بجيك
ريوف : لا قوم الحين اعرفك بتنام
سلمان : بلبس اطلعي
طلعت ريوف واخذت جوالها تتابع سناب الاماراتي : ليه ماصار يصور معه ؟
استغربت ولفت من طلع سلمان يجيب اغراضها
في بيت ابو سعود تحديدا بمجلس الرجال
ابو سعود : يالله حيه يامرحبا استريحو
جلسوا كلهم وابتسم ابو ناصر : الله يبقيك
ابو سعود : وش هالزياره الحلوه ناقص سلمان بس وينه
ابو ناصر : والله قلنا له بس نايم
ضحك ابو سعود ودخل سعود بالقهوه وهو يرحب فيهم ويقهويهم : ياهلا والله نورتونا
ناصر : نورك يابعدي
رفع جواله ابو سعود يرد على اتصال فهد : هلا
فهد : يببهه جننتني بنتك ذي ماتعقل السوق مقفل وتبيني انتظره يفتح !
ابو سعود : طيب يافهد انتظر وش وراك
فهد بعصبيه : مالي خلق سدران مانمت زين وذي مصحصحه تبي تتسوق
تنهد ابو سعود : عطني الهنوف طيب
رفع راسه ناصر من سمع اسمها وحاول يخفي ابتسامته
الهنوف : لبيه
ابو سعود : وراك عليه يابنتي تشوفينه تعبان
الهنوف : يببه كذابب والله مشوين متصل على خوياه يقول بنطلع الاستراحه
تنهد ابو سعود : حلو مشكلتكم بنفسكم
قفل وابتسم يناظرهم : معليش اصغر عيالي شقيين شوي
ابو ناصر : لحد يهاوش الهنووف يكفي انها بتصير زوجه ولدي
عقد حواجبه ابو سعود : زوجة ولدك ؟
نزل فنجاله ابو ناصر وابتسم : اي وجايينك اليوم طالبين يد الهنوف لولدي ناصر
انصدم ابو سعود وابتسم : والله ناصر كفو وينشرى وبشاور البنت وابشروا
ابتسم ناصر بأرتياح وقام يحب راس عمه
عند الدكتوره
لفت بدريه بخوف من دخلت وهي تناظرها وتناظر ترف وهزت راسها : للأسف مو حامل
ابتسمت ترف وحضنتها وبكت بدريه من الفرحه واستغربت الدكتوره
طلعوا وطلبوا سياره وراحوا السوق من الحماس وقعدوا يتمشون ووقفت بدريه عند محل شموع : بدخل ثواني
هزت راسها ترف وتمشت وهي تنتظر بدريه لفت انتباهها محل ساعات ، ابتسمت ودخلت وهي تناظر الساعات وكانو كلهم رجال اللي بالمحل وناظروها بأستغراب ، دخلت وهي تناظر الساعات وتختار
عقدت حاجبها وهي تسمع همسهم : جيب سنابها ، يزينها ، شف الجسم يالبيه
توترت وناظرت لـ صاحب المحل : ابي هذي الساعه
ابتسم صاحب المحل : ابشري بغلفها لك واجي
وقفت تنتظره وفتحت جوالها تخفي توترها ، دخلت الانستا وانصدمت وهي تشوف تصوير سلمان بنفس المول وسعت عيونها تشوفه يصور محل الساعات : يويلي بيجي هناا !
تصنمت من سمعت صوته خلفها : السلام عليكم
لفت للجهة الاخرى وهي تناظر لـ صاحب المحل وهو جاي : تفضلي
رفعت بطاقتها ودفعت ثمنها وطلعت بسرعه وهي متوتره ، وقفت برا وهي تاخذ نفس : اخ يخوف
تجمدت من مسكها من كتفها : ترف !
لفت له ورجعت على ورا بخوف : سلمان
عقد حواجبه بغضب : وش جابك ذا المحل تحسبين ماشفتك يوم طلعتي !
عضت شفتها وضغطت على الكيس اللي معها : كنت ابي اخذ اغراض
سلمان بحده : تستهبلين انتي ! سوق ملييان عيال وش تبين فيييه وش الاغراض ها ؟
سكتت بخوف وهي تشوف عصبيته ورفعت صوتها : خير سلمان مالك دخل !
صرخ بوجهها : الا لي دخل وش غرضك هنا ها ؟ جاااوبي
شهقت بخوف من صرخ بوجهها وحذفت الكيس بوجهه وعيونها غرقانه بدموعها : ماتستاهل ماتستاهلل !
مشت وتركته يناظرها بصدمه ولف يناظر الكيس اللي بالأرض ، رفع الكيس وفتحه وشافها ساعه رجاليه ، غمض عينه بقوه : الله ياخذك ياسلمان !
..
