عند ريناد و فيصل
صحت وهي تحس بصداع رفعت يدها لراسها تتحسسه ونطقت بآلم : اهخ
فيصل صحى ع صوتها وناظرها : بسم الله شفيك؟
ريناد ناظرته : راسي يعورني
قام فيصل وراح يجيب لها حبوب : خوذي كوليها
اخذته واكلتها وشربت مويا ولاحظت نظراته لها
ريناد : فيه شي بوجهي؟
جلس قدامها وناظرها بحده : ماتذكرين شصار امس !
ناظرته باستغراب ثواني شهقت وحطت يدها ع فمها
ناظرها بحده : انتي تشربين اي شي؟؟
ريناد بخوف : والله هي خلتني اذوق ماتوقعت انه خمر
ياربي سامحني !
فيصل بعصبيه : مو اي وحده تقولك اشربي تشربين معها لمتى اعلمك لمتى انتي غبيه وفاهيه !!
ناظرت فيه وعصبت ووقفت : مالك دخل فيني ومو كل شي غباء او فهاوه لاتسوي نفسك بطل عليي وترفع صوتك ترا انا بعد اعرف اصرخ !
سحبها له ورص ع اسنانه بعصبيه : لاتراددين !!
ريناد برجفه وانفعال : انا اكرهك يا فيصل اكرهك بالمره تحسسني اني غبيه وانك انت الفاهم وانت المسيطر والقوي صح اني خوافه ومهايطيه واحيانا ابكي لكن مالك حق انك ترفع صوتك علي وتحملني الذنب مفروض ماتركتني لحالي..
فيصل وهو يناظرها : ماتركتك رحت اكلم امي
ريناد ببكاء : تقدر تكلمها عندي طيب ليه كذا تتركني ماعرف شي بالبلد هذي وتهاوشني اذا شربت اي شي انت من وين تفهم يافيصل اكرهك ابعد عني
لفت بتمشي لكن سحبها لحضنه رغم مقاومتها وهمس لها : انتي تحبيني مو تكرهيني
ريناد ببكاء : كذاب ماحبك لا تجيب كلام من راسك
ابتسم وناظرها وهو محاوطها : امس اعترفتي !
ريناد بتوتر : ا ايش
فيصل : لين متى تكابرين ، اعترفي وريحيني من عذاب مكابرك تكفين !
تذكرت ريناد كل شي ورجف جسمها من الخجل بعدت عنه وجلست بالسرير وهي تناظر الارض
ابتسم فيصل وعرف انها متوتره قرب لها وشاف بقايا دموعها ع خدها ومدمعها ، رفع يده ومسح دموعها
حاولت تبعد لكن مسك ظهرها وقربها له : انا حالف اي دمعه تنزل منك مايمسحهم غيري!
سكتت ريناد وهي تناظره ، سحب يدها ورفعها له وباسها بحنان : لاتزعلين مني ولو تبيني اعتذر لين بكرا من عيوني ، اسف !
عند ليال وحمد
ليال وهي تتهرب : امي تناديني ياحمد !
سحبها له وهو يناظرها بهدوء : نفذي !!
ليال بوهقه : حمد صادق انت
حمد ابتسم ع جنب : اي يلا
لفت تشوف اذا فيه احد وبسرعه البرق عطته بوستين على خدوده وغطت وجهها بخجل
حمد بضحك : بقى وحده!
ليال باحراج : حممددد تكفى
حمد : طيب بسامحك بس بشرط !
ليال : وششوو
حمد : ابوسك انا وبالمكان اللي ابي
ليال وهي تمسك راسها : حمد تكفى لا
حمد : مالي دخل
قربت ليال منه باحراج تبوس خده ، بعدت عنه وناظرت فيه بخجل
ابتسم حمد وتنهد : يالبيه!
ليال وهي تدفه : انقلعع
راحت للبنات وهي مغطيه وجهها من الفشله وتتمتم : اخخ يع حسبي الله
الهنوف وهي تتابع بجوالها : الحمدلله والشكر ياكثر اللي يسولفون مع نفسهم
ترف وهي تسوي ميكب : منجد ناس غريبه
ليال بصراخ وهي مستحيه : ماتعرفونننن شييييي
الهنوف : شوفي طريقش لا تهبدين !
ترف وهي تنتظر جوالها : ياخي الارسال ماشش ليه؟
الهنوف : جالسين بالخلا وتبين يجيش ارسال اشك في عقلش الصراحه
عبير : يابناتت تعالو نتقهوا
الهنوف : صبي لي يلا
عند فهد وسلمان
فهد بتعب : حسبي الله عليك ياسلمان
سلمان وهو ميت ضحك : ياخي ماتوقعت انه بعيد كذا اهم شي صورت خلاص
فهد : كل تبن طولنا ترا !
سلمان : يارجال معليك مشينا ننزل
نزلوا بتعب ووقف فهد : بجلس ارتاح
سلمان : بكيفك
جلس فهد وهو يهوي ع نفسه : انا حمار لاني سمعت كلامك
سلمان : ياشيخخ والله صارت احلى سنابات لقيت محتوى حلو انزله
فهد بتعب وارهاق : شف الشمس حر وصار لنا ٣ ساعات انت ماتحس؟
سلمان : ياخي والله حتى انا حران وتعبت بس لعيون محتواي يهووونن كل شي
فهد : كل خرا انت ومحتواك بالاخير محد يتابعك غير عيال عمك وخوياك
سلمان : نو ياحبي عندي فانزاتت كثيررر روح شف حسابي يلا
فهد : سلوم لو ماتسكت وربي انحرك هنا ومحد يدري عنك
سلمان : اعوذ بالله منك خلاص طيب
عند ناصر وخالد وسعود
دخل عندهم عبدالله وهو يضحك وجلس ، شافهم يناظرونه واستغرب : شفيكم بسم الله
سعود : فهد وسلمان وينهم؟
عبدالله : و انا وشدراني تلقونهم قريب هنا يتمشون
خالد : شفتهم طالعين من هنا المغرب ولا عاد جو للحين
ناصر بتنهيده : بيجلطونا ذول ليكون ضاعوا بعد !!
عبدالله : لا يا رجال انت تعرفهم يحبون يتمشون لحالهم ويسولفون خلك شوي يجون
سعود : ماش ماني متطمن لهم والله
دخلت عندهم ريوف : ناصر شفت سلوم ماما تبيه؟
ناصر وهو يمسك راسه : شفتوا عرفت امي والله لتقوم الدنيا علينا
خالد وهو يقوم : مشينا نشوفهم قبل تغرب الشمس
قاموا كلهم يدورون على فهد وسلمان بالبر . اللي راح فوق الجبل واللي صار ينادي عليهم بخوف وقلق..
عند البنات وهم يسولفون
ليال وهي ماسكه بطنها بضحك : تكفينن اسكتيي خلاصص
نوف وهي مكمله : قهرنيي قسم ويقول ليه ماتغارين علي انا اصور مع سلوم يجلطططط!!
ضحكوا البنات على نوف ، الهنوف وهي تجلس عندهم وتناظرهم : شسالفة ضحكش انتي وهي واصل اخر الدنيااا
عبير وهي تضحك : فهد طلع يرسل لـ نوف يقول ليه ماتغارين علي دايم اصور مع سلوم اخخ
الهنوف وهي تطير عينها : يويلي يالمبزره ذا متى صار يحب ، خلوه علي المروح
ليال بضحك وهي ماسكتها : هدي هدي يالهنوفه كلميه بعدين فيه العيال لاتفشلينه
الهنوف : الا بفشله فشلني خيررر
نوف : عادي يابنت خليه واضح مراهق
الهنوف : مراهق هاه ذا اكبر مني ومنش تقولين مراهق
ترف وهي تجلس عندهم بعصبيه : بنات
ليال بضحك : وش بعد
ترف : سلمان اخذ شاحني ؟؟؟؟؟
ضحكتت الهنوف وليال مره وحده ، وناظرتهم بعصبيه : وش يضحك انتي وهي ، دقي على اخوك يجيبه بنص السنابه طفى جوالي!
ليال بضحك : ابشري حبيبتي
دقت عليه ومارد ناظرتهم باستغراب ورجعت تتصل
الهنوف : شفيش
ليال باستغراب : مايرد !
عبير : تلقينه مو عند جواله
ليال : اقولك مغلق سلوم ماعمره قفل جواله!!
الهنوف : اسالي نويصر طيب
اتصلت على ناصر ورد عليها بعجله : نعم
ليال وهي توقف : ناصر سلوم وينه !
ناصر : مدري هذاني رايح مع العيال ندوره هو وفهد لحد يدري وينخرعون !!
ليال بخوف : تمام
قفلت وعلمت البنات ، شهقت الهنوف بخوف : وين رايح الاهبل ذا ، افف مو ناقصه مصايب اناا
ترف بخوف : يعني وش اخذهم حرامي؟
ضحكت نوف وسط خوفها : بالله اسكتي تكفيينن
سعود وعبدالله وهم يشوفون خالد جاي
خالد : لقيتوهم؟؟
سعود وهو يهز راسه : لحد الان لا !
تنهد خالد : وين راحو ذول حتى مايردون
سعود : ان شاء الله نلقاهم امش ندور مكان ثاني
عبدالله : خوفي بس مغمى عليهم او صاير لهم شي ماني متطمن بالمره
