صحت ريناد على صوت فيصل ولفت تناظره
فيصل وهو ياخذ جواله واغراضه : يلا وصلنا الرياض
رفعت راسها واخذت اغراضها وشنطتها ينزلون من الطياره وهم ينعسون تنهد فيصل : ترا علمت اهلي
لفت له : مالي خلق بنامم
هز راسه : تمام اذا صحصحنا نروح لهم معليك
ركبوا السياره اللي جابها خوي فيصل لهم وراحوا للبيت
حط الشناط بالغرفه وناظرها : بروح اجيب عشاء
رفعت يدها تناظره : مابي ابي انام مو قادره اشوفك حتى
ابتسم بخفه : حتى انا مالي خلق تصدقين
انسدحوا كلهم بنعاس وتنهد فيصل : ريناد
ريناد بهمس : هلا
فيصل : نسيت اطفي النور طفيه
ريناد : قوم انت مقدر اتحرك ابدا
فيصل : اسمعي كلام زوجك وخليك عاقله وطفي النور
لفت له تناظره : واذا قلت لا !
فيصل : بيصير شي مايرضيك
ناظرت فيه ثواني وطفت النور ورجعت تنسدح
فيصل ببتسامه : شطوره ريناد
ريناد : ماني فايقه لك ولا كان عاندتك
فيصل : داري مايوقفك شي
ام ناصر وهي تمشي بقلق في البيت لفت تناظر عيالها واردفت باستغراب : عبدالله
عبدالله : سمّي
ام ناصر : اخوك وينه ؟
عبدالله : مدري والله
دخلت عندهم ليال وهي تجلس بالكنبه : اهخ ظهري
ام ناصر : بنت
ليال وهي تتالم : وشو بعد
ام ناصر : شفتي سلمان ؟
ليال وهي تتذكر : كان بالصاله وقال لي انه ماقدر ينام ومسجت له راسه بعدين مدري ما اذكر وين راح بس شكله وداني غرفته انام
ام ناصر : وليه ماتنامين في غرفتك ؟
ليال بإحراج : حمد نايم فيها
سكتت ام ناصر وهي تلف ل ريوف : قومي عطيني جوالي
قامت ريوف وعطتها واخذته تدق على سلمان
كان سلمان منسدح على ظهره بالسياره يحاول يغفى ولف من اتصلت امه : الو
ام ناصر : سلمان وينك ؟
سلمان بتعب : موجود امري
ام ناصر : وينك ماشوفك بالبيت
سلمان : رحت مع خويي مشوين
ام ناصر بتنهيده : خرعتني عليك لاتطول
سلمان : ابشري
نزلت جوالها من دخل ابو ناصر ونزل شماغه : السلام عليكم
ام ناصر : وعليكم السلام
ابو ناصر جلس وهو يناظرها : شفيك
ام ناصر : والله مدري
قامت وراحت غرفتها ولف ابو ناصر على ليال اللي كانت تتثاوب : بنت
فزت : سم يبه
ابو ناصر : شفيها امك
ليال وهي ترفع كتوفها : مدري
قام ابو ناصر : دايم مفهيه نفس اختك ريوف
ريوف وهي تناظر ايبادها : وش دخلني
ليال : مدري قرادة حضي يوم شبهوني فيك
ريوف : انننن روحي لحبيبك حمد بس وفكينا من لسانك
لف عبدالله لليال اللي قلب وجهها احمر من الخجل وضحك : عرفت تسكتك البزر
ليال وهي تقوم : مو هينه شبر ونص
ضحكت ريوف وهي تتابع : شف شف عبود
لف عبدالله يتابع معها يعطيها على جوها
دخلت ليال غرفتها وقشعرت من برودة الغرفه والظلام اللي فيها تندهت تفتح النور وهي تناظره نايم ومتعمق قربت منه تناديه : حمد حمد
مارد وشالت اللحاف : ياخي يالله صحصح تراك طولت بالنوم
مارد عليها ولفت بملل تجلس بالسرير : ياخي قم مالي خلق اصحيك ترا توني خلصت تنظيف المطبخ
لفت من شافته مايتكلم وعقدت حاجبها بتوتر : حمد؟
جلست جنبه وتفحصت وجهه وحطت يدها على قلبه : يارب يتنفس
ضحك بقوه وهو يناظرها
وناظرته ليال بخوف : حيوان خرعتني
ضحك يناظرها : تكفين ليال وربي احلى نومه اصحى فيها على وجهك
لفت للباب : قوم بس لحد يشوفك نايم هنا فشلتني
حمد وهو يحط يدينه ورا راسه : ليه ؟
ليال بربكه : مدري يعني عيب يشوفونك بغرفتي وكـ
سكتت من شافته يقوم بسرعه ويبوس خدها قبل تكمل كلامها واخذ ثوبه يلبسه ويطلع
فتحت عيونها بصدمه وهي تناظره يطلع من الغرفه وعضت شفتها باحراج : حيوان وربي !!
