ضربت كتف ليال وهي تبكي : شوفي اخوك يع يع يع
ليال بصدمه وهي تمسك كتفها : وجع وشفـيك
ضحكت الهنوف : شدخل ليال طيب
ترف بقهر : لانها تشبهه اووفف
قامت تغسل وجهها وكل شوي تشتم بـ سلمان
اخذت جوالها ليال تتصل بسلمان
رد عليها وهو يضحك : هلا
ليال بعصبيه : وش قايل لـ ترف
سلمان بصدمه : شدراك
ليال : اخلص وراك مزعلها
سلمان : مازعلتها هي دلوعه
ليال : يعني تبكي بدون سبب ؟
سكت ونطق بهدوء : تبكي !
ليال : ايي ليه مبكيها
سلمان : بعدين اكلمك
قفل منها واتصل على ترف اكثر من مره بس ماكانت ترد تنهد : داييم تجيب العيد ياسلمان !
بعد عدة ساعات راحوا البنات لـ بيوتهم بما ان زواج ليال قرب ولازم الكل يجهز بدري
الصباح في بيت ابو ناصر
نزلت ليال بعد ماسوت شعرها مع ترف وحطت ميكب خفيف لان حمد موجود عند ناصر اخذت القهوه توديها لهم ، لف حمد من شافها تدخل ومعها القهوه وكمل شغله محاول انه يتجاهلها ، ابتسم ناصر : حي مـن جاب الفناجيـل والدلة
ضحكت ليال ونزلت القهوه وصبت لهم : عاد الـبنات بيـجوني يانـويصر ابـيك تجيب لي اغـراض
ناصر وهو يناظر اللابتوب : تمام ارسلي اللي تبينه وابشري
قامت ليال وهي تشوف حمد ماناظـرها ولا كلـمها نفس اول وعصبت : زيـن
لفت وراحت غرفتها عند ترف الي كانت تتصور : احد قال لاخـوك انه نفـسيه !
ترف وهي تنزل جوالها : نفسيـه افضل من يكون بلاير
ليال وهي تقعد بعصبيه : من قال حبيبتي البلاير احسن على الاقل مايعصب على اي سبب تافه
ترف : البلاير احسن ؟ يعني عادي عندك حمد يكلم بنات وعنده سنابهم
طيرت عينها ليال بغضب : ووجعع
ترف بصراخ : هاا شفتي كيف عصبتي وهو بس خيال شوفي من اللأحسن الحين البلاير ولا النفسيه
غمضت عينها ليال وانسدحت : اوفف
ترف بروقان : خليك منهـم تعالي بسوي شعرك
جلست ليال بحماس : تم
تحت عند الحريم
ام حمد وهي تتقهوا : ليـال صـايره هـاديه ما شاء الله
ام ناصر : اي مـدري شـفيها اليـوم وامـس كله هـاجده الله يـستر بـس
ضحكت ام حمد اول ماشافت ترف تركض ووراها ليال تشتمها وتصارخ : هونت مب هاديـه !!
ركضت ترف وجت ورا امها : ماما شوفي زوجة حمد مجنـونه
ليال بضحك : والله ماخلـيك تعالي
ام حمد بضحك : مالي دخل خليها تضـربك اكيد مسـويه شي
ترف بذهول من شافت ليال تتقدم ركضت لكن مسكتها ليال وعضتها بقوه صرخت ترف بألم وعصبت وركضت ليال لأمها : ماما شوفي زوجـة سلوم ال..
سكتوا كلهم بذهول وغمضت عيونها ترف بفشله : لياااااالل !!!
ليال وهي تركض وتضحك : قسم بالله انها جت بالغلط
عند حمد وناصر بالمجلس
لفوا من دخل سعود : سلام
ناصر : اررحب
قاموا يسلمون عليه وطلع ناصر : بجيب فناجيل لحضه
دخل البيت ولف من سمع صوت عند المغسله وتقدم وشاف ليال تغسل يدها : بسم الله
صرخت برعب ولفت : وجع خرعتني
ناصر : انتي اللي خرعتيني!
ضحكت ليال : وش تبي
ناصر : ابي فناجيل
راحت تجيب له واخذها ورجع للعيال
حمد وهو يسكر اللاب توب : خلصـت !
سعود : مابغيـت تخلص
ابتسم حمد بخفه ولف من دق جواله وطلع برا بالحوش يكلم
