بالمستشفى ،، غرفة ناصر
كان نايم وجنبه ليال جالسه هي وحمد بعد ماراحوا اهلها للبيت عشان ينظفونه .. لفت من شافت حمد يقرب الكاميرا من وجهه
ليال : وش تسوي ؟
حمد وهو ياشر : فيه شي هنا
قربت منه : ورني
لف وجهه لها وقربت تشوف بتركيز ورفعت نظرها له وشافته يناظر عيونها ارتكبت ونزلت نظرها لباقي وجهه : ا فيه هنا
حمد : اي ادري وشهو !
ليال وهي تلمس مكان خده : اتوقع جرح من سكين او شي متى جاك ذا
حمد وهو يحط يده على يدها اللي فوق خده : مدري
تنحنح ناصر : شدعوه ماتقدرون تصبرون !
نزلت يدها ولفت لناصر بخجل : صح النوم
ناصر وهو ماسك راسه : احس بصداعع
ليال : بسم الله عليك ثواني اجيب لك حبوب
لف يناظر حمد : عيني عليك ترا
حمد : يارجال روح بس
ناصر : عشاني تعبان تهايط اصبر اصحصح و اوريك
حمد بسخريه : يصير خير
جتهم ليال و معها الحبوب
حمد وهو يوقف ويناظر جواله : بروح اكلم ثواني
طلع برا و تعدل ناصر وجلست جنبه تعطيه الحبوب ياكلها وهمست له : تراك جبت العيد عند ابوي
ناظرها باستغراب : وش
ليال وهي تقرب منه : يومك مخدر قلت وين زوجتي الهنوف !
برد وجهه بذهول يناظرها : صادقه انتي
ليال : اي ابوي واضح عصب يويلك منه
سكت ناصر وهو ينزل راسه : طيب جد وينها ؟
رفعت يدها لجبهتها بتعب : ياربي منك
ناصر : لا جد ليه ماجت او سالت عني
ليال : من قال ماسالك طول ما انت بالعمليه جوالي ماوقف من اتصالاتها
حط يده على قلبه وابتسم : صادقه ؟
ضحكت : ايوا
دخل حمد وجلس : كلمني الدكتور ترا
ناصر : وش قال
حمد : يقول طلوعك بعد شهر
شهقو كلهم وناظروا بصدمه وضحك حمد : امزح بكرا تطلع
ليال وهي تتنهد : اوفف خرعتني عبالي فيه شي
ناصر : ياشييخ ياثقل دمك بس
حمد وهو يناظر ليال : ترا مانمتي ارجعي البيت
ليال وهي تناظره : مابروح بقعد مع ناصر ، انت مانمت روح نام
ناصر : روحي ياليال انا الحمدلله مافيني شي
ليال وهي تهز راسها : لا لا مابي
حمد وهو يسحبها معه : امشي بس
طلعها برا وناظرت فيه وسحبت يدها منه : خير
لف يناظرها وتنهد : امشي
ليال : قلت مابي بقعد مع ناصر اكيد مابخليه لحاله !
حمد : مو لحاله انا بجيه امشي اوديك البيت
ليال : بس انت مانمت
حمد وهو يمشي : مافيني نوم
طلعت ليال وراه وهي تركب معه وتناظره يفرك عيونه بنعاس تنهدت ولف يناظرها وابتسم : شفيك
ليال : ليه ماتقول الصدق اعرف ان فيك نوم !
حمد : ماودي اخليه بعد ويقعد يوسوس ويهوجس
تنهدت تناظر له ووصل عند باب بيتهم وشافت عبدالله طالع من البيت يودي الزبايل : ارحبوو
ابتسم حمد وهو يأشر له مع الدريشه : ياهلا
لفت ليال وهي تشوف عبدالله مصحصح : عبود
عبدالله وهو يجي عند بابها : هاه ياقطوه
ليال : روح رافق مع ناصر ، حمد مانام زين من امس
حمد وهو يناظرها بذهول : لي لسان انا بعدين انا اساسا ابي اروح بكلمه بموضوع
عبدالله : لا والله اقعد ارتاح سافرت انت وتعنيت للرياض وتعبناك بسبة البزر ذي
ابتسم حمد : لا وربي عادي نشيط ماعلي
لفت له وهي تضرب يده : كذاب تنعس !
حمد وهو يناظرها : لا وربي ما..
حطت يدها على فمه : تكفى حمد وربي ماودي تمشي وانت نعسان تكفى تكفى
ارتخى يناظرها بتخدر ومسك يدها
وتنحنح عبدالله : احم ما شاء الله ولا كاني موجود
ضحكت ليال : انزل يلا بزين لك مكان للنوم
تنهد حمد ونزل من سيارته وهو متكسر الف وتعبان عقد حواجبه من شاف شخص واقف عند سيارة سلمان ولف : عبدالله
عبدالله : سمّ
حمد وهو يأشر : ذا من !
عبدالله : مدري والله من اليوم اشوفه يفرفر هنا
تقدم حمد للرجال ومسك كتفه وارتبك ولف يناظر حمد برعب
حمد باستغراب : شتسوي هنا !
.. : ا لا ابد بس انتظر سلمان
حمد وهو يتفحص وجهه : ومين انت
.. : خويه
عبدالله وهو يناظرهم : بس ماقد سمعت بك ولا قد شفتك وش اسمك
.. : تحقيق هو !
حمد رفع حاجبه : وليه تسميه تحقيق ، ليه ماسميته تعارف !
.. : ليه اتعرف عليكم انا ماعرف الا سلمان بس شكله نايم
لف يمشي بعيد ويركب سيارته ، ولازالت عيون حمد تراقبه لين مشى وابعد عن الحي
عبدالله : شكله مايطمن !
حمد وهو يحرك راسه بتعب : بتفاهم من سلمان وبشوف وش علاقته مع ذا
لفوا البنات اللي كانو يفطرون على ترف اللي تسولف وهي نايمه ، قامت الهنوف واخذت فنجالها وهي تجلس جنب ترف : بنت
كانت متعمقه ترف بالنوم ومو حاسه بأحد فزت من قرصتها الهنوف وصرخت : حررراااممييي
ضحكت نوف : بسم الله عليك
ترف وهي ماسكه قلبها لفت للهنوف : الله يفجعك شفيك انتي ماتخلين احد بحاله
الهنوف : قومي بس تجهزي بنمشي للرياض
ترف وهي تلم شعرها وتربطه : اوف اوف يعني الواحد مايرتاح بنومته حتى
عبير : بنات بشتاق لكم جد لاتطولون علينا
نوف وهي تظفر شعرها : انا صراحه احس مدري وش تبون بالمزرعة يعني خلاص تعالوا الرياض
عبير وهي تتنهد : ليت اقدر والله
الهنوف وهي تشرب : لو بكيفي اساسا عشت هنا يازين المزرعة بس
دخلت ام عبير وجلست عندهم وهي تناظرهم : اهخ
ترف وهي تحضن ام عبير : عمه بشتاق لك
ابتسمت ام عبير : وانا بعد والله بتوحشوني
نوف : ياخي ليه ماتجون معنا شدعوه ليه تبقون انتي وجدتي لحالكم !
ترف : ايوا منجد تعالوا معنا
ام عبير : مستحيل اساسا امي تحب المزرعة ومستحيل تهجرها
لفت الهنوف على جوالها وابتسمت : ليال
ليال : اهلااا هنوففييي
الهنوف ببتسامه : هلا فيش شحالش
ليال : الحمدلله كيفكم انتم والبنات وجدتي
الهنوف وهي تهمس : كلنا بخير بس شحال ناصر ؟
ليال : الحمدلله بخير جاب العيد عند ابوي بس يقول اسمك
شهقت الهنوف ولفوا يناظرونها البنات وطلعت برا وهي تغطي فمها : وش تقولين انتي
ليال بضحك : وربي حتى حمد صوره وهو يقول الهنوف
ابتسمت الهنوف : في ذمتش ارسلي لي المقطع
ليال : من عيوني بس ثواني مشغوله الحين تبين شي ؟
الهنوف : الله يحفظش
قفلت الهنوف وحطت يدها على بطنها : اهخ وش ذا الشعور
لفت ليال تشوف امها والبنات نايمين وناظرت حمد اللي مييت نوم : اسمع حمد
حمد وهو يناظرها : وش
ليال : بحط لك فراش هنا بالمجلس
حمد وهو يقوم : تخسين
ناظرت فيه : وششوو
حمد : بنام بغرفتك وقولي لا بعد !
سكتت بخجل : ياخي من زمان مانظفتها
فتح غرفتها وشغل الانوار وشاف الغرفه ثالجه
غمض عيونه من بروده الغرفه : الله
ليال وهي تحط يدها ورا رقبتها : نسيت المكيف اطفيه
انسدح وهو يناظرها وفتح ازرار ثوبه بتعب : طفي النور
ليال : منجدك انت امي شوي تصحى بتشوفك
حمد : طيب عادي تراني زوجك
ليال : يمه لاتقول ذي الكلمه احسها تخوف
ابتسم حمد بتعب : طيب ابشري بس عطيني اللحاف
تقدمت له تغطيه وهي تناظره وبلعت ريقها من شافت عروقه وعقدة حواجبه اللي تشوفها من مميزاته اللي تعجبها ، صرخت من شافته يسحبها ويطيحها بالسرير
ناظرت فيه برعب : وش تسوي انت
ابتسم حمد بخفه : اهخ ياليال لو تنامين هنا بتصير اطلق نوم..
دفته وقامت وطلعت وهي تسكر الباب وتتنفس بسرعه : مريض !!
طلع سلمان مع غرفته وهو ماسك راسه وناظرها : منهو ؟
ليال : محد ، كيفك سلوم وين مختفي
جلس سلمان بالصاله : حاولت انام ماقدرت من جيت من الرياض وقت عملية ناصر عجزت انام
جلست ليال بخوف عنده : ليه شفيك ليكون ارق !
سلمان وهو ماسك راسه بألم: مدري والله احس بصداع فظيعع
قامت ليال تجيب له حبوب : خذ
اكل الحبوب وجلست ليال بالكنب : تعال انسدح جنبي وخلني امسج راسك يمكن تنام
انسدح وحط راسه على فخذها وغمض عيونه يسمع سوالفها اللي كانت تحاول تجيب له النوم فيها
بعد عدة دقائق
رفع عينه يناظرها نايمه ويدها على راسه وتنهد وقام وهو يناظرها وحط يده ورا رقبتها ووحده ورا رجلها يشيلها وفتح غرفتها وشاف حمد نايم تنهد ولف ودخل غرفته يحطها على سريره : نوم الهنى
طلع وهو ماسك راسه ويكلم خويه عن مشكلته
..
بما ان الاسبوع ذا انهيت اختباراتي برجع لكم من جديد وبارتات جديده بأذن الله ❤️
