عند ريناد وفيصل بالفندق
طلعت من دورة المياة وصارت تنشف شعرها وتناظر نفسها بالمرايه وتشوفه رايح لدورة المياه فتحت شنطتها واخذت ملابسها ولبست وحطت ميكب خفيف وابتسمت
فيصل ببتسامه روقان : يالبييه لو داري انها انتي والله ماتعبت نفسي!
ريناد بخجل : شتقصد
فيصل وهو يقربها له : قصدي ياحلوه امي قالت بزوجك وحده وتمدح فيك وانا ابي اللي شفتها بالسوق وطلعتي انتي ياحلوها من صدف !!
ابتسمت بخجل : ماتوقعت تكون انت !
فيصل بضحك : كان لسانك طويل وقتها ومعك شلة فتيات القوه اللي ماعندهم من القوه شي
ريناد : عاد الا صديقاتي ماسمح لك
فيصل وهو يبوسها : من عيوني
عند ناصر بالمستشفى
طلع الدكتور وعنده حمد وسلمان وعبدالله والعيال
عبدالله باستعجال : شصار يادكتور!
الدكتور وهو يناظرهم : ناصر مريض بالقلب !
انصدموا كلهم وناظروا لـ عبدالله
عبدالله وهو يناظره : يمديني ادخل؟
الدكتور : ايوه يمدي هو صحى لكن لازم يجري عمليه ويتعالج لان وضعه شبه خطير !
دخل عبدالله عند ناصر وحب راسه وجلس
عبدالله : ليه ماعلمتني؟
ناصر ببتسامه : بسيطه ترا اسوي عمليه وانتهينا
عبدالله: بس مو كل شي ينحل بالبساطه حنا اخوانك مفروض تعلمنا !
دخل سلمان بخوف وناظر لـ ناصر : ناصرر
ابتسم ناصر : ياهلا
سلمان وهو يمسك يده : شفيه الدكتور ليه يقول عندك مرض القلب مايعرف انك بخير؟
سكت ناصر وناظر لـ عبدالله
عبدالله وهو يسحب سلمان : تعال ، الدكتور صادق !
سلمان بدهشه : ايش؟
لف ع ناصر بزعل : ليه ماعلمتنا
سكت ناصر وصرخ سلمان : ليييه ماتقول لناا ليه!!
عبدالله وهو يمسك يده : سلمان اهجد حنا بالمستشفى ترا
وخر سلمان يد عبدالله وناظر ل ناصر : ليه يا ناصر حنا اخوانك مفروض تقول لنا ليه ساكت وفجاه تتعب وندري من الدكتور !
ناصر : ماكنت ابي احد يعرف كنت بسوي عمليتي واخلصها بسرعه مابيكم تقلقون علـ..
سلمان بعصبيه : وش اللي مابيكم تعرفون وبسوي عمليتي استهباللل هو ، اذا خايف امي وابوي يدرون ع الاقل حنا نعرف مو بس انت شف كيف وجهك متغير ومنهلك ذبحك السكوت ع الاقل علم اخوانك !!!!
عبدالله وهو يمسكه : سلمااان اهجد وقصر صوتك
دفه سلمان بعصبيه : والله مصخره ياخي
طلع وشاف حمد والعيال يناظرونه ، وخرج من المستشفى وهو معصب
عبدالله بهدوء ؛ معليك منه بس هو متوتر وخايف
سكت ناصر ودخلوا العيال عنده
جلس حمد بجنبه : سلامات
ناصر : الله يسلمك
سعود : ناصر ليه ماعلمت احد؟
ناصر بهدوء : خلاص قفلوا الموضوع بتعالج وانتهينا !
فهد بخوف : سلمان طلع وهو معصب اخاف يسرع
خالد : رح يافهد شوفه يمكن ماراح لسى
طلع فهد وراح يشوف سلمان
عند البنات جالسين بالصاله بتوتر بعد مادروا ان ناصر بالمستشفى والامهات راحوا مع الرجال لـ ناصر ، قامت ليال وراحت الغرفه تبي ترتاح لفت ع صوت بالغرفه فتحت الباب وشافت الهنوف تبكي ومنهاره
ركضت لها بخوف : الهنوف شفيك !!
الهنوف بدموع : ناصرر
ليال : اعرف انه بالمستشفى ليه تبكين وترجفين!
الهنوف : اوعديني ماتقولين لاحد
ليال : بسسرعه خوفتيني
الهنوف بربكه : ناصر مريض قلب
شهقت ليال بصدمه : ايشش شتقولين انتي من قال؟
الهنوف : هو قال لي اصص ليال لحد يسمع
سكتت ليال بخوف ورجفت يدينها : من متى؟
الهنوف وهي تبكي : ماعرف
راحت ليال واتصلت على عبدالله لكن مارد عليها توترت واتصلت ع سلمان برضوا مارد ، جلست ويدها ترجف رجعت تتصل ع حمد ورد بسرعه
حمد : هلا
ليال برجفه : حمدد
طلع حمد برا الغرفه : شفيك
ليال : شصاير لـ ناصر!
حمد : ماصار الا كل خير تطمني
ليال : وشش تطمني وهو مريض قلب !
حمد بهدوء : من قالك؟
ليال بدموع : حمد خذني تكفى
حمد بذهول : وين اخذك؟
ليال : بشوف ناصر تكفى
حمد : يلا تجهزي
راحت تلبس عبايتها وهي تبكي شافتها الهنوف وهي تلبس : وين رايحه؟
ليال : بروح لـ ناصر تروحين معي؟
الهنوف : ايوه انتظريني
لبست الهنوف وطلعوا مع بعض وجاهم حمد اخذهم
عند ابو نواف
جالس بالصاله هو وام نواف
ابو نواف ببتسامه : لها فقده ريناد
ام نواف : اي والله ماقدر اصبر عنها
دخل نواف عندهم : ما شاء الله قعده رومنسيه
ضحك ابو نواف : تعال عطنا علومك
نواف وهو يتربع : علومي ياطويلين العمر اني بتزوج
ام نواف بصدمه : تتزوج؟
نواف بضحك : اي ولا بس ريناد تتزوج؟
ابو نواف : لا ياولدي لكن صدمتني توقعتك بتطول شوي كلكم بتتزوجون مره وحده
نواف ببتسامه : خايف ياخذها غيري واندم
ام نواف وهي تغمز له : ومن هي اللي ماخذة عقلك
نواف : وحده بعطيك عنوانها سيري عليهم وشوفي اهلها وطبعهم
ام نواف : تمام ياولدي
عند حمد بالسياره
لف وشاف يد ليال ترجف مسك يدها بحنان وناظرت فيه بخوف ، ابتسم لها يطمنها
الهنوف وهي تناظرهم همست : مو وقت رومنسيتكم انتم بعد خلصوني
وصلوا ونزلوا كلهم ودخلوا غرفة ناصر
لف ناصر وعيال عمه من شافوا البنات ، تقدمت ليال وراحت عند ناصر وبكت بصوت عالي مسكها ناصر يسكتها ومتفشل من الناس
ناصر : اشش ليال العيال عندي وخوياي تكفينن
بكت زياده : ليه ماعلمتنييي
ناصر وهو يناظر امه : افزعي لي
جت ام ناصر : اسكتي يابنت فيه رجال
حاولت تسحبها معها لكن كانت متمسكه بناصر وتبكي
ام ناصر بعصبيه : يابنت!
ناصر : خلاص خليها
حط يده ورا ظهرها يطبطب عليه ويسكتها
احمد بذهول : من ذي
ماجد : اتوقع اخته مدري زوجته
احمد : عيونها حلوهه
ماجد وهو يدفه : غض البصر ياكلب
لف احمد : نسيت معليش
لفت الهنوف وشافته يناظرها ومبتسم لفت عنه بغضب وكان بخاطرها كلام لكن مقدرت
طلعوا برا كلهم بعد ما سلموا عليه وراح حمد يسوي اوراقه بالمستشفى
قامت الهنوف بتطلع لكن مسكها ناصر مع يدها : الهنوف !
الهنوف وهي صاده عنه : شتبي
ناصر : جايه تزوريني ولاكلمتيني لحد الان!
الهنوف بعصبيه : ولا راح اكلمك اذا ماتعدلت
ناصر بدهشه : وش انا مسوي؟
الهنوف : مفروض ماتسوي رياضات تتعبك مثل الكوره وغيرها لانك تعرف انها تضرك خاصة ان فيك..
سكتت الهنوف ، ناصر : فيني ايش كمليها شفيك؟
حطت يدها ع فمها وطلعت برا تبكي
تنهد ناصر بضيق : والله مو حاله ذي !
..
اشوف كلام كثير بالتعليقات اني أطول بالتنزيل تراني انزل يوميًا والواحد عنده ظروف واشغال مو كل وقته فاضي يكتب يعني قدرو تعبي شوي لو سمحتوا 💗💗
