اخذ مفتاحه بصعوبه وهو بالكاد يمشي : تعالي بسرعه
لبست عبايتها وهي خايفه وركبوا السياره وطار فيها للمستشفى ، دخلوا عند الدكتوره نفسها وفحصت ليال وعقدت حاجبها : ليال ليه مجهده نفسك؟
ليال بخوف : وشو دكتوره
الدكتوره : فيه نزيف بسيط ومعليك بيوقف لكن انتبهي تجهدين نفسك ترا كذا يموت الجنين
وسعت عيونها وحطت يدها على بطنها : طيب الحين هو موجود؟
الدكتوره : اي بس لاتجهدين نفسك
نزلت راسها : بس انا ماسويت شي يادكتوره حتى ماتحركت كثير
الدكتوره : مو شرط اجهاد حركه يمكن اجهدتي نفسك بكيتي ؟
هزت راسها ليال : اي
الدكتوره : مايصلح ياماما لاتبكين
لفت الدكتوره على حمد : انت زوجها مفروض تنتبه لها لاتبكي ولا تجهد نفسها كثير
هز راسه حمد واخذ ليال وطلعوا برا : ماتقولين لي لييه كل ذا !
ليال وهي تناظر الطريق : شسوي خفت طيب
حمد : بس مو كذا ياليال قوي قلبك شوي شلون بكرا بيصير ولدنا قوي ؟
ليال : حمد اخاف بعدين يموـ..
رفع يده يسكتها بعصبيه : لو اسمعها مره ثانيه ياويلك
عند الهنوف
فتحت جوالها وهي تشوف رساله من الرقم الي كان يرسل لها
.. : صباح الخير !
الهنوف بغضب عطته بلوك وانسدحت بنعاس رفعت جوالها من شافت اتصال ناصر : هلا
ناصر : اهلااا كيف الحلوو ؟
الهنوف : بخير اخبارك انت
ناصر : قبل تكلميني او بعد ؟
الهنوف : كلهم
ناصر : قبل كنت ماش الحين بخييير واكثر من بخير
ضحكت الهنوف وهي تحس انها صحصحت : زين شعندك داق
ناصر : ابد بس كنت بشوف تجهزتي للعرس ؟
غمضت عينها بخوف : اي
ناصر : زين لان مابقى شي بعد يومين زواجنا
الهنوف : اعرف اعرف
ناصر : غريبه مو مرتبكه ولا خايفه
الهنوف : وليه اخاف ترا زواج يعني
ناصر : زين زين الله يستر بيوم العرس بس
الهنوف : شتقصد ياناصر
ناصر : ابدد تبين شي بدخل الدوام ؟
الهنوف : سلامتك
دخل ناصر وابتسم يسلم على نايف
نايف : اخبارك وكيف حمد عساه احسن
ناصر : بتقنعني انك مو متطمن عليه وداق عليه الف مره
نايف : حتى لو نتطمن زود
ناصر : ياعمي روح انت وحمد انا عندي شغل لييين الليل وابي اخلصه قبل زواجي
مشى ولف بسرعه : ولاتنسى تراك معزوم يويلك ماتحضر
نايف : متى لان عندي شغل ذا الاسبوع
ناصر : مالي شغل تحضر زواج حمد وانا لا؟ تعال بس
هز راسه نايف وضحك : ابشر ابشر
دخل حمد وناظروا له بصدمه
ناصر : نعم حبيبي شجايبك ؟
سكت حمد ودخل مكتبه وهو معصب وتعبان ودخل وراه ناصر : انت شفيك ماتسمع الكلام
حمد : ناصر اطلع ترا ماني فاييق لك
ناصر : ماني طالع وجع مداوم وانت تعبان صاحي انت صاحي ؟
زفر حمد بعصبيه : يعني الواحد مايرتاح حتى بشغله!
ناصر : قدامي برا والله ما اخليك تجلس دقيقه وحده
دخل الرئيس عليهم من سمع صراخهم : خير ان شاء الله شفيه ؟
سكت حمد وتكلم ناصر بغضب : بالله شف حمد تعبان وجاي مداوم واقول له روح بيتك مايسمع
ابتسم الرئيس ولف لـ حمد : ليه مداوم ياحمد !
حمد : انا صرت بخير الحين ما احتاج اجازه
ناصر بغضب : تستعبط انت امس طلعت من المستشفى امداك تتشافى
الرئيس : حمد روح بيتك ارتاح
حمد : والله اني بخير معليك من ناصر
الرئيس : انا اقول الحين روح بيتك يلا شغلك ملحوق عليه
تنهد حمد وطلع من مكتبه وهو مخنووق ومنقهر وبنفس الوقت خايف
