الصباح
طلع حمد من البيت وهو يتصل على نايف
نايف : هلا حمد
حمد وهو يركب سيارته : شفت اللي ارسلت لكم
نايف : اي بكرا نبدا صح ؟
حمد : اي انا جايكم اجهزوا من الحين عشان بكرا نطلع بسرعه ومانتأخر
نايف : تمام
قفل وتوجه لهم واخذ اغراضه يتجهزون جلس بالكرسي اللي جنبه بعد ما خلص
دخل نايف وهو يلبس : وش الاخبار
حمد وهو يناظره : مافي شي جديد
نايف : سليم ماتدري شصار له
حمد وهو يهز راسه : لا
فتح جواله يناظر اخر محادثه له مع ليال تنهد بضيق وقفل جواله بعد ماشافهم جاهزين ومشوا مع بعض
عند ناصر نزل من سيارته ودخل البيت
لف وهو يشوف البيت هادي استغرب : امي ابوي
ماسمع رد ودخل المطبخ : امـ..
وسع عيونه من لفت له الهنوف وبيدها الفراوله تزين الكيك صرخت : بسم الله
ناظرها ثواني وابتسم بضعف : ليه تطلعين لي دايم انتي تعرفيني ماتحكم بنفسي
صدت عنه وكملت تزين الكيك : ناصر اطلع ترا خالتي بتجي
ابتسم : وش تسوين ؟
الهنوف وهي تقطع الفراوله : اسوي كيكه ودي اغير جو لليال
تقدم لها واخذ قطعه من الفرواله واكلها : يالبيه لذيذه
الهنوف بخوف بعد ماسمعت صوت ام ناصر : ولد اطلعع
نشبت اللقمه بفمه وهو مايدري وين يروح وتخبى تحت الطاوله
الهنوف: لااا اطلعع برا
ناصر : ياحماره بتشوفني
دخلت ام ناصر : ها يالهنوف خلصتي
الهنوف : ا ايي خالتي خلصت صحت ليال ؟
ام ناصر : اي صحت
الهنوف : طيب حتى البنات لازم يصحون ريوف وسلمى
ام ناصر : تصدقين اني نسيت اصحيهم بروح لهم الحين
تنهد ناصر براحه وقرب يطلع ، دفته الهنوف برجلها بعد ماشافت ام ناصر رجعت : شفتي جوالي
الهنوف : ا لا ماشفته يمكن فوق عند البنات
ام ناصر : ييوه من اليوم ادوره
طلعت وراحت فوق وطلع ناصر من تحت الطاوله وناظرها : خير ليه ترميني برجلك
الهنوف وهي تحط يدها على وجهها برعب : بغيييت اطيح من عينها ، اطلع ناصر بتجيب لي المشاكل ترا
طلع ناصر وهو عينه عليها : انتظريني بسس
عند ليال بالغرفه شافت رقم حمد وترددت انها تدق او لا نزلت جوالها وانسدحت تناظر السقف بملل لفت على دخول ناصر للغرفه : ناصر ؟
ناصر : هلا والله بقطوتي
ليال وهي منسدحه : قطوتك ليست على مايرام
جلس جنبها : افاا ليه
ليال : مدري والله البيت كئيب بدون سلوم
ناصر بجديه : ليال ، امي لاتسمعك تراها تحاول هي والهنوف يغيرون نفسيتك لايسمعونك تقولين كئيب الحمدلله ترا شهرين وهو جاي احمدي ربك ماطولوها وخلوها سنين
تنهدت : صادق ، شعرفك ان الهنوف هنا
انلخم ناصر وضحك : سمعت امي تكلمها بالمطبخ
قربت منه وناظرت عيونه : يعني مادخلت المطبخ ؟
ناصر : ا لا لا سلامات
ليال : امم متأكد ؟
ناصر : وجع وش يدخلني هناك
ليال : مدري عنكم ، انت وسلوم خفيفين تطردون ورا الحريم
ناصر بذهول : حنا نطارد ورا الحريم ؟
ليال : ايي
ناصر: نسيتي نفسك انتي وحمد ترا كل شي شفته بينكم لاتخليني افضحك
ليال بتوتر : ماصار شي اساسا روح بس
ناصر : ماصار شي ؟ تبيني اقول وش شفت
دخلت ام ناصر ونطت ليال تسكر فم ناصر : نصوري حبيبي
ضحك ناصر ونزلت ام ناصر الكيكه ببتسامه : كيكة الهنوف شوفي
ليال : ياروحييي الهنوف ، وينها ؟
ام ناصر : قلت لها تعالي تقول مستعجله بروح البيت
ليال : من يوديها ؟ احد جاها
ام ناصر : مدري والله ماشفت احد
ليال وهي تلف ل ناصر : قم ودها
ناصر وهو يقوم : تمام
اخذت عبايتها ولبستها وتنهدت وهي تمسك بطنها بألم ، انحنت تلبس كعبها ووقفت وهي تطلع لفت على صوت ناصر : لحضه
الهنوف بعصبيه : شتبي
ناصر : هدي بوديك بس
الهنوف : لا مايحتاج اروح انا
ناصر وهو يمسك يدها : امشي بس
شغل السياره وركبت معه
ناصر وهو يدندن : ايوا ماقلتي لي شصار على جامعتكم
مسكت بطنها بألم وهي تلف للجهه الاخرى : ناصرر
لف لها بسرعه : شفيك
الهنوف بخوف : بطني يوجعني
ناصر وهو يرجع : بوديك المستشفى
شدت الهنوف على بطنها : اخخ
خاف ناصر واسرع للمستشفى واول ماوصلوا نزل ولف لها وفتح الباب : الهنوف
ناظرت له وهي تبكي : اخاف من المستشفى
مسك يدها وهو ينزلها : انا معك شلون تخافين ؟
تمسكت بيده ودخلوا المستشفى ودخلوا عند الدكتور
الدكتور : وش اللي يوجعك ؟
الهنوف : بطني
الدكتور : عليك الدوره ؟
انصدمت الهنوف ونطقت بأحراج : لا
الدكتور : حامل ؟
الهنوف : لااا
ضحك ناصر وجلس يناظرها
الدكتور : طيب ماكله شي
الهنوف : اي
الدكتور وهو يأشر على السرير : تفضلي اجلسي هنا
جلست الهنوف
وتقدم الدكتور : افتحي عبايتك بشوف
الهنوف ؛ ايش ، ليه؟
تقدم ناصر : سلامات وش اللي افتحي عبايتك
الدكتور : معليش انا اتفهم انك زوجها بس لازم اشوف بطنها واسوي اشاعه
انهبل ناصر : لا امشي نروح دكتور ثاني يالهنوف
سكتت الهنوف بخوف ومسكها ناصر يطلعها وهو ضاغط على يدها بقوه : سلامات يحسبني غبي
الهنوف بألم : ناصر تكفى بسرعه
راحوا مستشفى ثاني ودخلوا عند الدكتور
ناصر بغضب : شتقوول انت
الدكتور : طيب كيف تبيني اعالجها
ناصر وهو يلف : مافي بنت هنا طيب
الدكتور : لسى محد داوم
تنهد ناصر وهو يناظرها وطلع برا الغرفه ينتظرهم
..
اعتذر على الغيبه
نزلت لكم بارتين 🤍
