لفت له وعيونها غرقانه دموع : شتبي !
تنهد وقرب منها يمسح دموعها بيده : انحل الموضوع لاتبكين بأول ليله لي ولك !
عدلت جلستها وهي تناظره : لا بس خفت انك تزعل مني
عقد حواجبه : وليه ازعل ! ، صحيح عصبت بس طبعًا مراح ازعل منك ، الهنوف انا معك في كل مَرة ومُرة
حنت راسها وقرب وهو يسحبها ويحضنها حضن عمييق يعبر عن مشاعره ، شدت عليه وهي تستنشق ريحة عطره الرجالي بثوبه : ناصر
ناصر : عيوني
الهنوف بجرأة غريبه منها : احبك !
وسع عيونه وهو يناظرها بصدمه : شقلتي ؟
ضحكت وهي تبعد ، سحبها وهو يناظر عيونها الي تسحره : عيديي تكفيين
الهنوف بخجل : قلت احبك !
ذاب من الاخر ، اول خل نقول داخ وهو ما توقع اعترافها ، تنهد بحب وهو يتأمل عيونها الوسيعه : تكفيين ارفقي بي يالهنوف والله انك جايبه اجلي !
عند حمد بعد ما اخذ ليال وراحوا لـ موقع البنت نزلت ليال بعصبيتها المعتاده ودقت الباب بقووه وهي شوي وتكسره ، طلع ولد يناظرها بأستغراب : شتبين؟
ليال بصراخ : ابي مي نادها بسرعه
استغرب الولد : من انتي !
ليال : اقولك نادها اخلص ابيها
رجع الولد وراح ينادي مي ، طلعت مي وهي تناظر ليال : اوهه ليال جاييه ؟ كان عطيتيني خبر اقلطك !
تنرفزت ليال ورفعت يدها تشد شعرها بغضب وتصفقها ، صرخت مي وهي تحاول تفلت من يدين ليال لكن مستحيييل هذي شخصية ليال ماتمشي لين ماتبرد حرتها ، صفقتها صفق الوييل لحد ما انهارت مي وطاحت تبكي : اوريك وربي ابلغ عليييك !
ليال بغضب وهي تدفها برجلها وتتنفس بصعوبه : بلغي ، اساسا بكرا وهم تالينك وراح نرفع عليك قضية التشهير ، ليكون على بالك الهنوف بسيطه ينلعب عليها ؟
مي بقهر اخذت الدبوس الي بالارض ورفعت يدها تغرسه بكتف ليال ، انصدمت ليال وصرخت بألم وهي تحاول تدف مي
عند حمد الي استغرب تأخرها ونزل من السياره وهو مو متطمن شاف باب البيت مفتوح وسمع صراخ ليال ، وسع عيونه ودخل بعصبيه ودف مي بقوه ومسك ليال : ليال اوجعتك الكلبه ؟
ليال بألم وهي تشوف مي الي كانت حاطه ميكب ومتزينه قدام حمد حست بالغيره وارتفع ضغطها اخذت الحجره الي بالحوش ورمتها عليها : انقلعي
مسك يدينها حمد وهو يثبتها : خلاص ليال امشي عقابها بتلقاه بالمركز
قامت مع حمد وركبت السياره وهي ماسكه كتفها بألم وتشتم فيها
حمد : قايل لك خليهاا بس ماتفهميين
ليال : مو منجدك تبيني اخليها وهي مبهذله بالهنوف وناصر !!
ناظرها حمد بهدوء : اوجعتك ؟
ليال وهي تناظر الباب : لا تخسي ماتقدر لي اساسا
ابتسم حمد وهو عارف انها تتألم بس ماتبي تبين : ححلو
ليال وهي تناظر كتفه ، لمستها بخفه وهي تناظر عيونه : توجعك ؟
ناظرها حمد ولف يسوق : انا لاشفت وجهك طابت اوجاعي كلهاا ، فما بالك بـ جرح !
ابتسمت بخجل ولفت تعدل سوارتها تضيع السالفه
عند الهنوف وناصر الصبح
صحى ناصر بدري ولف يناظر الهنوف الي نايمه ابتسم وقرب لها يبوس خدها عقدت حواجبها وهي ترفع يدها تدفه بتلعثم : فهدد وخر
ضحك وهو عارف انها متعمقه بالنوم وقام يتجهز ويطلب فطور على بال ماتصحصح
