ضربت خده بخفه : ناصر تكفى رد علي
لفت وشافت علبة مويا اخذتها ورشتها عليه و حطت يدها ورا ظهره تسنده عليها وتضرب خده لين صحصح وفتح عيونه بخفه
ناظرت فيه بخوف كان قريب منها مره رفع عيونه لها
ناصر بتعب : الهنوف ؟
ماقدرت تمسك نفسها وبكت بنهيار
رفع يده بصعوبه وهو يمسح دموعها : ليه تبكين !
الهنوف بدموع : لاتخوفني كذا وربي قلبي وقف
ناصر بهدوء : تخافين علي !
رفعت راسها بخجل ومسحت دموعها
تعدل ورفع نفسه : اهخ
لف لها وشافها تمسح دموعها وتناظر له
رفع يده وقرص خدها : مابي اشوفك تبكين !
مسكت يده الهنوف : ناصر تكفى روح المستشفى
قاطعتهم ليال : يييوه يالاجواء الرومنسيه يع ماقدر
ارتبكت الهنوف وصد ناصر : انتي بسم الله جنيه؟
ليال : بسم الله علي وش جنيه
ناصر : بكل مكان تطلعين لي خليني ارتاح شوي من وجهك تكفيين
ليال وهي تتكتف : شكنتو تسولفون فيه هاه
الهنوف وهي تسحب ليال : ابيك شوي
ليال بصوت عالي : لاتصصرفيينن ترا بجييك اسالك يانويصر صاير مو مضبوط هالايام
ضحك ناصر وتوجه لقسم الرجال
كانو الشباب مجتمعين كالعادة في المجلس مشكلين دائره ويلعبون بلوت ومتحمسين جلس معهم وابتدا يسولف وينسى اللي صار له
دخلت الهنوف مع ليال عند الحريم
ليال وهي توخر يد الهنوف : انا مو بزر وش بينكم ؟
الهنوف بربكه : مابينا شي ياخي كنت اركض وشفته
ناظرتها ليال بعدم تصديق : مصيري بجيب خبركم صبرك علي
الهنوف ببتسامه : صبرك علي هذا قلييل
ليال شبكت معها : مهما ترا من تضحيات
الهنوف : هذا قليييل خل السهر لعييون من حبك
ليال : وخل العيون اللي لها عشقي تبات
جملا : يويلي البنات عاشقات !!
انفجروا البنات ضحك وجلست ليال بجنب جدتها : جده هذي اغنيه خالد مو عاشقه تطمني
جملا وهي تخزها : ايي ترا بعلم حمد عنتس
ضحكت ليال : شدخل حمد الحين ياجده
جملا : عشان يأدبس
اخذت ليال كاسة شاهي وهمست : يهبى
عند بدريه بالمطبخ
كانت تسوي الفطور ولفت تجيب الصحن لكن شافت عبدالله واقف ويناظرها ، توترت ورجعت ع ورا
صد عبدالله بهدوء : اخبارك بدريه؟
بدريه بتوتر : بخير الحمدلله ، اخبارك انت
تنهد عبدالله ؛ بخير دامك بخير ، دام ماحولنا احد فاضيه اكلمك ؟
بدريه : وش الموضوع !
عبدالله : بدريه بتزوجك
انصدمت بدريه وناظرت فيه : بس انا مـ..
قاطعها وهو يلتفت لها : مراح ياخذك رائد وحمد بنفسه قايل بتتطلقين منه تكفين عطيني فرصه بس
لفت عنه بخجل : اللي تشوفه
ابتسم وحس ان الحياه رجعت له من جديد
عند سلمان وهو يراقب قسم الحريم شاف ترف معها قطوه وتلاعبها همس : الواحد يتمنى يصير قطو
ناصر من وراه : قطو؟
لف سلمان بسرعه : وجع خرعتني
ناصر : وش تشوف وخر بشوف
سلمان وهو يدفه : انقلع محارمنا
ناصر باستغراب : مين محارمك انت !
سلمان وهو يدفه زود : اقولك امش مناك فيه حرمه
ناصر بذهول : والله اعلم امي انك تراقب حريم
سلمان : اي اي روح
راح ناصر وهو يضحك ، رجع سلمان شاف القطوه لحالها انحنى لها وناظر فيها : تدرين انك محظوظه !
رفعت يدها القطوه وخمشت وجهه
صرخ سلمان : الله ياخذذككك
طلعت ريوف ع الصوت : شفيك انت
سلمان : ليت مو انتي اللي جيتي
ريوف بفهاوه : هاه !
سلمان : خلاص انقلعي داخل
عند ام ناصر بالغرفه
سكرت الباب ليال : ماما ناديتيني ؟
ام ناصر : اي تعالي اجلسي بكلمك قبل احد يجي
جلست ليال : لبيه !
ام ناصر : حمد بيحدد زواجكم قريب
شهقت ليال : يمه سلامات لا مابي
ام ناصر : خليني اكمل الرجال خليتيه ينتظر خلاص طول عمرنا نتزوج بدري ترا
ليال : بس احس قريب مره وخايفه
ام ناصر : معليه بالعكس تعرفين حمد مو جديد عليك
تنهدت ليال : خلاص اللي تشوفونه
طلعت من الغرفه وراحت برا تتمشى شافت حمد متكي ع جواله بالمزرعه
قربت من عنده ودفته من كتفه ، لف لها باستغراب
ليال وهي تتكفت: سويت اللي براسك
حمد باستغراب : اللي براسي !
ليال : اي بتحدد الزواج
حمد : ليه ماتبين احدده ؟
ليال : لا بس قريب مره وانا توني بدرس
حمد : ادري انك تدرسين من قال بمنعك !
ليال بتنهيده : مدري
حمد وهو يقرب منها : ولا خايفه تحملين؟
رجعت ع ورا بتوتر: لا شدخل
حمد بضحكه ؛ ما قدر اتخيل شكلك وانتي حامل
ليال : شتقصدد
حمد وهو يكتم ضحكته : مدري لكن الله يجيب ذاك اليوم بأسرع وقت
انحرجتت منه ودخلت داخل : قلييل ادب
عند رائد في بيته
جلس بذهول وهو يناظر درج الملابس فاضي وشاف ملابسه مكبوبه واغراضه مخربه واوراقه مقطوعه
زفر بعصبيه : شغلك معي بعدين والله لندمك
لف ع صوت جواله يتصل رد : هلا
سليم : وينك ؟
رائد : شتبي مني حتى زوجتي راحت وش تبوونن!!
سليم بيتسامه مستفزه : ابيك بشغله 5 دقايق وانت عندي تتاخر مشكلتك ، سلام
قفل وناظر الجوال بعصبيه : اف افف
عند البنات جالسين بالصاله يسولفون
سلمى بضحك : بدريه ذكرت يوم عبدالله ياخذ من ملابسك وانتي مستحيه
ليال : عبود يجنن بس مشكلته عصبي
بدريه : حرام عليك مو عصبي ترا
ترف وهي داخله عندهم : اخخ يابنات طفشانهه
عبير وهي تناظر لنوف : وش تسوين انتي
نوف وهي تتابع : ولا شي
ترف : وش تتابعين
نوف : مسلسل يجنن يابنات تخيلوا انه البطل كان يعرف البطله مـ..
ليال : بسسس بس مانبي نسمع طفشنا تراا
ترف : كل شوي مسلسلات ماتطفشين
نوف وهي ترجع تتابع : اصه بس
بدريه : ماعندكم الا الضعوي خلوني انام شوي
سلمى : حتى انا احس ابي اخذ غفوه
بدريه : طفو النور يابنات
طفت النور ترف وفتحت جوالها تتابع مقاطع فيديو شافت مقطع ل سلمان وانصدمت دخلت حسابه وهي مصدومه : هذا سلوم ؟
ضافته عندها وصارت تشوف التعليقات وكلامهم عضت شفتها بقهر من الغزل الكثيرر وكان يرد عليهم
ارسلت له بالخاص : مو من زينك !
رد عليها باستغراب : مين؟
ترف : شخص مجهول مو لازم تعرف
سلمان بروقان : امم احس عرفتك خلاص
توترت ترف : يلا اتحداك مين انا
سلمان : اممم احسك توترت !
قفلت جوالها ترف وهي خايفه : شفيه ذا ليكون يشوفني !
عند الشباب برا
سلمان وهو يرد ع اللي يرسلون له
ابتسم وهو يشوف بنات يمدحونه ورجال
سعود : وش سبب الابتسامة يا سلوم
سلمان : شف الانستا حقي
فتح سعود الانستا : اكشخخ حركاتت
ناصر : يبي البنات يمدحونهه اعرف حركاته
طنشهم سلمان وصار يراسل الحساب اللي يكلمه
سلمان بروقان : وين رحت ليكون خفت؟
..
ماقدرت اسحب عليكم من اليوم اكتب وتو انزل لكم😔❤️❤️❤️
