طلع فهد وهو مقهور من تصرفات سلمان وركب سيارته وطلع يفرفر وهو ضايق جدا ، ناظر جواله وهو يشوف اتصال العيال ومارد عليهم اكتفى بأنه يتاجلهم وقف عند واحد يبيع شاهي وفتح الدريشه : شاهي لو سمحت !
البايع : ابشر ، سكر ولا بدون؟
فهد : شوي بس
عطاه الكوب وابتسم : بالعافيه
فهد وهو يعطيه الفلوس : يعافيك
مشى وكمل طريقه بدون وجهه فتح الانستا وشاف ستوري سلمان اللي مصور دلة القهوه بمجلس مهلهل سكت وحذف جواله بالمقعد الي جنبه : طقاق!
دخل سلمان عند مهلهل وابتسم اول مارحب فيه : هلا هلا بالغالي
جلس سلمان بعد ماسلم عليه : اخبارك
مهلهل وهو ياخذ الدله ويصب القهوه : ابشرك علومك انت ماجاء معك فهد ؟
تنهد سلمان : والله مدري شقول
جلس مهلهل مقابل سلمان : افا لييه شنوحك؟
ابتسم : معليك خل نكمل المباراه يشتغل التلفزيون ؟
مهلهل وهو يقوم : اي اي بشغلوه لك هالحين
جلسوا يتابعون وسرح سلمان وهو مو حاس بالمباراه ولا منتبه لها ابدا
عند الهنوف
قامت بعد ماراحوا البنات تنظف المكان وهي فرحانه بنتيجة المباراه ، دخل فهد بعصبيه وفزت بخوف : شفيك بسم الله
فهد : شايفتني اصيح؟
رفعت حاجبها : لا بس حبيبي هد ! شوي وتطيرنا معك وش الدخول ذا
جلس فهد مطنشها وفتح التلفزيون ناظرت فيه باستغراب : فهد؟
فهد : نعم
الهنوف : شفيك؟
فهد بعصبيه : وش الي شفيك وشو ماداني السؤال ذا الهنوف : وجع حتى وجع هذا جزاي اساسا ابي اساعدك جني شلك
كملت تنظيفها وراحت تسوي قهوه وحطتها بالصاله وصارت تتابع مسلسلها بجوالها
قرب فهد وهو يشوف معها : وش تتابعين !
ناظرت له وطنشت وهي تتابع وتاكل حلا ، انصدمت اول ماجات لقطه وقفلت جوالها بخوف
ناظرها فهد بعصبيه وضحكت بخجل : وربي مدريت
احسبه نظيف ، تبي حلا ؟
سكت وهو يرتكي : لا بس احس اني زعلان
الهنوف : من ميين !
فهد : محد
ضحكت الهنوف وهي تضربه ع راسه : خبل انت !
فهد بألم : اخ شفيك انتي
الهنوف : تستاهل
مسك راسه وهو يناظرها : حشى طابوق مب يد
الهنوف : وجع قل ما شاء الله !
فهد : على وش ما شاء الله الا خففي لايهج زوجك بكرا
دخل ابو سعود : مجتمعين شعندكم
الهنوف : ابوي ولدك خبل شوي !
ضحك ابو سعود : افا لييه
فهد : خلها تتكلم لين بكرا الطابوق
عصبت وناظرت ابوها : شفف وش يقولل
عند حمد الساعه 6 الصبح
طلع من دورة المياه وهو يشوف ليال منسدحه وتتابع مشهور بالسناب وهي ميته ضحك : ليال !
لفت له وهي مبتسمه : لبيه
ابتسم لا ارادي وانصدم من ردها : بتأخريني ترا
قامت وهي تاخذ ملابسها وتدخل دورة المياه بينما هو كان يلبس بدلته
طلعت وهي تناظره : برررددد يمممه
حمد : بردانه؟
ليال وهي ترجف ومتمسكه بالمنشفه : مراا
حمد : الايام ذي بارده شوي تدفي زين
انسدحت وهي تغطي نفسها بالبطانيه : احس مالي خلق اداوم ابي انام
حمد : لا والله ؟ بعدين تقولين حمد دور لي عذر قومي بس
تنهدت وهي تقوم تلبس ملابسها وتحط ميكب وتاخذ شنطتها : يلا
مشط شنبه بهدوء وهو يناظر المرايه : يلا جايك
