الصباح الساعه 9 في الديره
صحت الهنوف وهي تتوضأ وتصلي
وطلعت برا اول ماخلصت شافت عماتها مجتمعين
الهنوف ببتسامه : صباح الخير
ام ناصر : صباح النور
ام سعود : وش هالنوم كانكم موتى !
الهنوف جلست بخجل وهي ترجع شعرها ورا اذنها : معليش والله امس مانتبهنا للساعة ونمنا متأخر
ام حمد : صحيهم يصلون لاتروح عليهم الصلاة
وقفت الهنوف : ابشري
دخلت غرفة البنات وشافت اشكالهم وضحكت كان واضح عليهم تعب السفر والسهر
الهنوف : بنااات بنااات قوموا صلاة
محد رد ..
الهنوف بصوت عالي : بنااتت قوموا صلاااة الساعه 9 بتروح عليكم
صحت سلمى وجلست بخرشه : كم كم قلتي؟
الهنوف : 9
وقفت سلمى بسرعه وهي تروح الحمام
الهنوف : بناااتت قوموا
عبير وهي مفتحه عين ومغمضه عين : نقوم وين !
الهنوف : صلاة يابنت الساعه 9 بتروح عليكم !!
جلست عبير بكسل : يلا قمت
الهنوف : حركي ذول خل يقومون بعد
نوف وهي تضرب كتف ترف : ترف قومي
ترف بكسل وتمتمه : وخرو عنيي بناام
الهنوف بعصبيه : اقولش فزي ع حيلش صلاة اتقولين بنام !
جلست ترف بسرعه : هاه
الهنوف وهي تتكتف : صلاة !!
نوف : ليال قومي
ليال بتعب وهي تتغطي وجهها بالبطانيه : والله اللي تقرب صوبي لا اطلع فيها دروس ناصر كلها
نوف : اعوذ بالله
طلعت سلمى وهي فاكه شعرها وتظفره : قومي صلي لا انا اللي اطبق دروس ناصر فيك
الهنوف : وش دروسه !
سلمى : معلمها مصارعه
ليال من تحت البطانيه : الله يخلف ع ابليس اسمها مصارعه اجل
سلمى : قومي صلي
الهنوف : قومي الصلاه اهم من النوم
ليال وهي تنزل البطانيه وبعصبيه: علموا نفسكم انبح صوتي وانا اصحيكم اول ما اذن عمي
سلمى : يعني صليتي
الهنوف : اما قمتي ع صوت عمي والله ماحسينا
ليال : نومي خفيف توكلوا عني وطفو هالنور بنااامم
فرشت السجاده سلمى والبنات جو يصلون معها
الهنوف : دامش مصليه قومي نفطر
ليال بصوت باكي : تكفييين يا هنوفيي خليني انام والله احس ببكي كل ما اغمض يصحى احد جيت بنام صحى ناصر ودق علي يقول عطيني ماء ورجعت انام صحى سلمان يبي الشاحن
واخرتها صحيتي انتي وقروشتي ام امنا تكففونن ياناسسس بنااامم بنااممم بناااامم
الهنوف : بس بس بسم الله اشغلتيني
ليال وهي توخر شعرها سوت فيس حزين بوجهها : احبش نفداش خليني اخمد ساعتين ثم اقوم ولا يهمش
الهنوف بضحكة : عشانش حكيتي بالشين والله لا اخليش تنامين كم ليول عندي
سلمى : خلوها تنام لاتنفس علينا شوي عند الناس
ضحكت نوف : عبير شفتي جوالي
عبير : ما ادري اتوقع شفت ريوف تلعب فيه
نوف : يويلي عز الله راح فيها جوالي
سلمى : ههههههههههههههههههه الله يعينك
ليال : سواليفكم لاهنتوا برا
سلمى : خلاص انخمدي
طلعوا البنات
وصرخت ليال : النننوررررر !
رجعت سلمى بعصبيه : قصري صوتك يمال العمى
ليال بحزن : اللي يعمي ابليسس
طفت النور سلمى وطلعت بالصاله عندهم
سلمى بعصبيه : يمه بنتك ذي بجلدها يوم من الايام !
ام سعود : بسم الله عليش هدي يايمه شفيش!
استوعبت سلمى وضحكت بخجل: ازعجتني تبي تنام
ضحكت ام عبير : اي شفتها صاحيه الفجر تصلي
عبير : استغربت انها صحت ع صوت عمي
ام ناصر: هي كذا نومها خفيف مثل ناصر اما الباقين لو اصحي فيهم عام محد صحى
سلمى بشهقه : انا منهم !
ام ناصر : انتي ع حسب مزاجك اذا صلاه فزيتي لو غيرها ماتقومين لو اكسر الغرفه
ام خالد : زين انها تقوم للصلاة اجل
ام عبير : والله ريان نومه ثقيييلل مره
ام حمد : اغلب العيال كذا نومهم انا حمد نومه خفيف مره لكن اذا تعب يصير ثقيل
ضحكت الهنوف : بغت تاكلنا مشوين عشان تنام
ام ناصر : هههههههههههههههههههه هي كذا لا صار فيها نوم لحد يجي يمها بتاكله والله
عبير : امس اقتنعت انها كبرت وتغيرت وصارت كيوت لكن اليوم غسلت يدي
ضحكوا الحريم وهم يفطرون
