عند ليال نزلت تحت شافتهم من بعيد يحتفلون للحين والبنات يرقصون لفت وطلعت من الباب الخارجي وراحت للمزرعة وجلست فيها تنهدت ونزلت دموعها ماتبي تاخذ قرار وهي ماتدري اذا هو اصلا اخذها يبيها ولا اخذها عشان عوض مافهمته بالضبط وكانت محتارره وتبكي حست بصوت احد لفت وشافت ناصر واقف عندها
ناصر : قطوتنا وش تسوي هنا
نزلت راسها وهي ماتبيه يشوفها استغرب ناصر وانحنى يجلس جنبها : شفيك
لفت عنه ومسك وجهها وهو يلفها لناحيته شاف دموعها وانصدم : ليال وش بك !!
سكتت ليال وماكانت تبي تقول لأحد فهمها ناصر ومسك جواله يرسل لـ سلمان
عند سلمان اللي كان يلعب بلوت مسك جواله من جات رساله وفتحها " تعال المزرعة ليال تبكي مدري شفيها "
قام وهو يرمي الاوراق من يده استغربوا
خالد : شفيك !!
سلمان : دقايق بسس
جاء سلمان بيطلع وقابل حمد اللي كان توه داخل
حمد باستغراب : وين؟
سلمان وهو يهمس له : ناصر يقول قطوتنا تبكي بروح أشوفها
طلع بسرعه سلمان وهو يروح المزرعه وكان حمد واقف يناظر سلمان وهو رايح
وصل سلمان وهو يشوف ناصر طالع من عندها سلمان : وش فيها؟؟
ناصر : مدري عيت تعلمني بشيء قلت يمكن تعلمك انت !
انحنى سلمان لـ ليال اللي تمسح دموعها
سلمان : لولي !
ناظرته وهي تحاول تمسك دموعها : مافيني شي
سلمان : قال لك شي حمد !!
ليال بربكه : لا لا ماقال شي
سلمان : طيب شفيك ياقلب اخوك
ليال : مافي شي صدقني
ابتسم سلمان : طيب دقيقه خليك ثواني
راح سلمان عند قسم الرجال واخذ من الثلاجة اسكريم ورجع لها
جلس سلمان وهو يحط الاسكريم ورا ظهره ببتسامه : حزري وش معي
استغربت ليال ومسحت دموعها : وشو
طلعه وحطه قدامها : اسكريم !
ليال ببتسامه : االله
سلمان : لا عاد اشوف دموعك !
ليال وهي تاكل : طيب طيب
ابتسم : يلا عاد انا بروح ولاتطولين ادخلي داخل
ليال : تمام
طلع من عندها وراح لـ ناصر عند الرجال وجلس عندهم
ناصر : وش صار
سلمان : عطيتها اسكريم وفرحت
ضحك ناصر : لانها بزر اهخ منها
عند حمد كان يكلم وشاف سلمان طلع من المزرعه
تنهد : خلاص يا نايف ان شاء الله يومين كذا واجي
نايف : طيب انتبه لنفسك ترا ماندري وينه لحد الان
حمد : زين فمان الله !
قفل وحط جواله بجيبه وراح اتجاه المزرعة شافها وانحنى يجلس جنبها
ناظرته بارتباك : حـمد !
كانت بتقوم بس مسك يدها وخلاها تجلس وناظرها وهو يشوف ملامحها وخدودها اللي مانشفت من الدموع
حمد : ليه تبكين !
سكتت ونزلت راسها كرر سؤاله ورفعت راسها بجراءة غريبه : حمد
ناظرها بهدوء : هلا
ليال : انت تبيني تبيني ولا تبيني عشان شي ثاني ؟؟
استغرب وابتسم بخفه : ابيك ابيك !
ليال بربكه : بس انت كذاب
حمد : ليه
ليال : مدري مدري انا بروح
مسك خصرها وهو يقربها له : من صرتي زوجتي مابي دموع ع خدك تفهمين ؟
ليال بخجل : وش اللي صرت زوجتك وخر عني
حمد بهدوء : بسافر مافي وداعيه منا ولا منا !
ليال بسخريه : مافيه بس اوعدك اذا متت ادعي لك
حمد ببتسامه : يجي منك اكثر يازوجتي !
ليال بأحراج : حممدد وخر!!
ضحك وقام وقبل يمشي لف لها بهدوء : ليال انتبهي لنفسك !!
ارتجف قلبها بتوتر وهزت راسها وراح لقسم الرجال وهو يسولف معهم وراحت ليال ودخلت قسم الحريم
نوف : ويينك احسبك نايمه !
ليال ببتسامه : مانمت
الهنوف وهي تقرصها : وش سر الابتسامة وليه طالعه برا هاه
ليال بألم : وجع رحت شوي وجيت
ام خالد : تعالي تقهوي يا ليال
ليال وهي تركض وتجلس عندهم : جيييت
ام ناصر : الله يعينك ياحمد دام ذي زوجتك
ام حمد بضحكه : صدقيني يستانس الرجال مايحبون البنت الهاديه يحبون الفله
ام سعود : عز الله صدقتي احساسسي يقول انهم بيتوافقون
ليال بأحراج : ممكن تغيرون السالفة ذي انا القاها من حمد ولا منكم
ام ناصر بضحكه : ليه وش سوا حمد !
ليال : ولا شي خالتييي وين القهوه اللي تقولين !!!
ام خالد : ههههههههههههههههههه ابشري ابشري
جلسوا البنات عندهم وصاروا يسولفون قامت ترف من جاها اتصال من بدريه وراحت الغرفه وردت
بدريه ببكي : ترررفف
ترف بخوف : بدريه شفيك !!
بدريه برجفه : ترف رائدد ناوي حمد بنيه شينه تكفين لايسافر لايسافر
ترف : وشش تقولين انتيي كيف ناويه
بدريه وهي تشاهق : سمعته يكلم مدري مين بالضبط بس قالوا اذا جاء بيقتلونه تكفين ترف لايجي لايجييي
ترف بخوف : رائد وش سالفته !!
بدريه : هددني قال اذا قلتي لأحد بذبحك واذبح اهلك من وراك تكفين ترف لاحد يدري بس حاولي مايسافر تكفيين اشغليه
ترف بتوتر : ط طيب !
قفلت بدريه ع طول من سمعت صوت رائد دخل البيت وراحت تمثل انها نايمه
دخل عندها واخذ سلاح وطلقات ارتجفت بخوف ولاحظها ابتسم بخبث : تخافين هاه !
سكتت بدريه وشهقت من حط السلاح عند راسها
رائد : لو ادري انك داقه ع اهلك او معلمه احد ماتطلعين من هنا حيه صدقيني !
بدريه بصراخ : تستهبلل انت تراني زوجتك وش ذا الحقدد والكره !!
رائد وهو يمسك فكها ويرص عليه : ترفعين صوتك !
سكتت بدريه بألم وهي تبكي : تـ تحلم تطول حمد
صفقها ع وجهها بقوه وصرخت من الالم وناظرها بغضب : اطوله واطولكم كلكم مدري ع ايش شايفين نفسكم يا آل سُلطان بس صبركم علي !
