بعد عدة ساعات .. في اراضي الرياض
نزلوا كلهم من السيارة ولفوا يدورون الهنوف
سعود : بسيارة خالد هي مع البنات شويات يوصلون
دخلت ام سعود البيت وفتحت الانوار : ييوه
ابو سعود بضحك : يالله نظفوا بيتكم بروح انام انا
دخلت الهنوف : السلام عليـ
ناظرت للبيت وتنهدت : ياليييل
ضحك سعود : عادي عادي تتخطين
لفت تناظره : اي عادي عندك !
ام سعود : معليش بساعدش يابنتي
الهنوف وهي تنزل اغراضها : لا روحي نامي انا بشتغل
ام سعود : والله ماودي اتعبش
الهنوف وهي تتبسم : معليش يمه بس روحي اخمدي وتلقين كل شي جاهز
ابتسمت ام سعود وراحت غرفتها تنام ولف سعود لها : انا بيجيني خويي بروح معه
الهنوف وهي تنظف : بتطول ؟
سعود : شويات كذا ، لاتنامين انتظريني عشان تفتحين لي الباب
الهنوف بعصبيه : ترا انا مو آله اقعد اشتغل واسهر وانتظر عشان حضرتك تجي
سعود بذهول : بسم الله خلاص اخمدي
سكتت الهنوف واخذت الشناط وودتهم الغرفه ورجعت تكنس البيت وترتب الأغراض وتمسح الارضية لفت من سمعت جوالها يرن واخذته
ليال : هنننووووفيي
الهنوف ببتسامه رفعت يدها تبعد شعرها : ارحببيي
ليال : جاني طرف علم انكم وصلتوا
الهنوف : اي تو وصلنا بسم الله من علمش ؟
ليال بضحك : دريت من عبدالله
الهنوف وهي تجلس : تعبت وربي من اليوم انظف
ليال : ياروحي انتيي
الهنوف : خليك مني كيف ناصر ؟
ليال : الحمدلله معليه اليوم يطلع
الهنوف : صدقق؟؟
ليال : ايوا
الهنوف : الله حماسس بنسوي له حفلة اجل
ليال : ايي ماما بتسوي
الهنوف : تحمستت
ليال : يالله انقلعي كملي شغلك بروح اشوف سلمان يناديني
الهنوف بضحك : انقلعي انتي
سلمان وهو ماسك راسه لف من شاف ليال تدخل غرفته : ليال
ركضت ليال تمسك يده : سلمان شفيك
رفع يده وشد على راسه بآلم : اهخ
ليال برجفه : سلماننن!!
اخذت جوالها وهي ترجف واتصلت على حمد
حمد : لبيه
ليال بخوف : حمد تعال سلمان يتألم مدري شفيه
حمد وهو يسوق : شفيه !
ليال : مدري ، سلمان شفيك ؟
تنهد سلمان ورجع ظهره على ورا : قفلي قفلي
ليال : لا خل يوديك المستشفى
ناظرها بحده : قلت قفلي !
قفلت جوالها برعب وهي مستغربه نظرته الغريبه لها : سلمان !
سلمان وهو يتلحف : اطلعي برا
ليال وهي تناظره : ماني رايحه لين تعلمني شفيك
سلمان بعصبيه : انتي ماتفهمين !!!
رجفت بخوف وهي تناظره يصرخ بوجهها ونزلت دموعها وقت دخول حمد يركض لهم
حمد بعجله : سلمان وش بك !
لف وشاف دموع ليال : امش معي
سلمان بعصبيه : فكوني ياخي مابي المستشفى انا اعرف وش فيني وافهم خلاصص اطلعوا
رفع حمد حاجبه باستنكار : لا عز الله ماتفهم اذا تشوف نفسك تتالم وساكت تراك ماتفهم
ليال بدموع : تكفى سلوم روح شوف لاتخوفوني عليكم يكفييي لاتصيرر مثل ناصر لاتصييرر مثله
سلمان وهو يناظرها : يابنت مافيني شي شفيك انتي
بكت وهي تترجاه : سلوم تكفى مابي افقدك !!
غمض عيونه حمد من شدة كلمتها ومسك كتفها : ماهو صاير شي لاتخافين
لف لسلمان وغمز له : خلاص بيروح المستشفى صح ؟
هز راسه سلمان ومسك راسه : بروح بروح
طلع برا وركب مع حمد وجت معهم
حمد وهو يناظرها : مايحتاج روحي
ليال وهي تتعداه : لا بروح
تنهد ولف يركب سيارته ويمشي فيهم للمستشفى
في بيت ابو حمد
نزلت ترف جوالها وهي تشوف امها تتكلم مع ابوها بصوت خفيف : ارفعوا صوتكم فيني فضول اسمع
ابو حمد بتنهيده : يقول لي ابو ناصر ان سلمان تعبان
ترف وهي تتذكر : اي اعـ
سكتت وهي تناظرهم وادركت انها جابت العيد
ابو حمد : تعرفين !
ترف : ا اي قالت لي ليال
ابو حمد وهو يجلس جنبها : طيب دقي عليها طمنينا
توترت ترف واخذت جوالها : بابا احسها نايمه
ابو حمد : جربي دقي
قربت منها ام حمد : حطي سبيكر
رجفت وهي تدق على ليال وردت عليها
ليال : هلا ترف
ترف : ليال شصار على سلمان ؟
ليال : وانتي متى دريتـ
ترف بصوت عالي وهي متوتره : انتي قلتي امس شفيك
سكتت ليال باستغراب : توه دخل عند الدكتور مدري شفيه
ترف وهي تلف لامها وابوها ورجعت تتكلم : اذا عرفتوا علميني
ليال وهي تبتسم : ليه لذي الدرجه قلقانه عليه !
سكتت ترف وحمّر وجهها وقفلت الخط وهي تناظرهم وتبتسم بفشله
ضحك ابو حمد بخفه : منتهيه ليال والله
ام حمد ببتسامه : زوجة ولدي ما اسمح لك !!
قامت من عندهم ترف ودخلت غرفتها وغطت وجهها وصرخت بخجل : اههخخ
طلع من السوق وهو يدخن ويناظر الطريق لف من شاف خويه جاي
رامي : جييت اخيرا
بدر وهو يرمي زقارته بهدوء : اي ، شصار
رامي : نفس ماقلت لك امس ماصار شي غيره
بدر وهو يبتسم بخبث : بيندم على الساعه اللي تكلم معي فيها
رامي بتوتر : بدر ماله داعي ذا كله بالاخير هو يعني من لحمك تراه
لف له وشد على اسنانه بغضب : يستاهل ماجاه !
سكت رامي وتنهد وهو يشوف غضب بدر اللي باين عليه من وجهه
مرت من عندهم سيارة شرطه وبرد وجه رامي ولف برعب ل بدر : ولد مشينا
بدر ببرود : وش فيك
رامي وهو يسحب بدر : امشش مانبي نتوهق
مشى معه بدر بهدوء وهو يدخن بروقان عكس رامي
لف الدكتور يناظر سلمان بعد ماشاف نتايج تحليله
الدكتور : نتائج سليمه !
حمد : شلون سليمه وهو يتالم ومانام له ثلاث ايام
الدكتور : بس برضوا طالع عندي مافي شي ، الارق يمكن
حمد : وش علاج الارق طيب ؟
الدكتور : بكتب لك اسم العلاج روح الصيدلية يعطونك
سلمان وهو يناظر الدكتور تنهد ومسك راسه بألم ووقف : كنت حاس مافيني الا الارق
طاع سلمان للسياره ولف حمد لليال اللي كانت تبكي ورفع يده يسحبها له : ليه تبكين !!
ليال بدموع تمسكت بحمد : خااييفه عليه
ناظرها وسكت ثواني واخذ يدها يمسكها وطلعوا برا وركبوا السياره وراحوا يجيبون العلاج ويتوجهون للبيت
حمد وهو يناظر سلمان : ماكل شي ؟
سلمان : لا
حمد : احد غريب كلمك او عطاك شي ؟
سلمان وهو يتذكر : لا ماذكر
حمد وهو يفكر : اكيد احد معطيك شي يخليك ماتنام
سلمان : تستهبل انت محد يعطيني شي
حمد : مو بالصريح يعطيك يحطه لك باكل او شراب
ليال بخوف : ايش ذا
حمد وهو يناظره : سلمان تذكر اي احد معطيك شي دلني عليه لاتنسى ترا يضرك !
