اخذت المويا تشرب بتوتر ونزلته ووقفت تتجه للغرفه : ببدل
دخلت الغرفه وحطت يدها على قلبها : اووفف وش ذا التوتر ياربي
فتحت شنطتها تاخذ بجامه قصيره لونها ابيض ودخلت الحمام
فتح حمد جواله يشوف تصوير العيال بالزواج وفرحتهم ابتسم وفز من سمع صرخت ليال وفتح باب الغرفه بسرعه : شفيـك !
ناظرها وهي طايحه عند باب الحمام : اخخ
ضحك بخفه وانحنى لها : وش جـاك انتي !
ليال بفشله عضت شفتها : يوم جيت بطلع زلقت اخ ظهري
ابتسم بخفه وشالها بيدينه وجلسها على السرير : الله يعيني عليك ياليال من اول يوم طايحه
زمت شفايفها بغضب : شتقصد
رفع كتوفه ببتسامه جذابه : ولا شي !
حطت يدها على ظهرها بألم ولفت من شافته يناظر ملامحها بتدقيق ، توترت وهمست بخوف : حمد !
ابتسم وهو يقرب لها : عيـونه !!
ارتبكت وهي تبعده شوي : حمد بقـولك كـلام
رفع يده يسكتها : اجلي كل شي مـثل ما انا اجـلت
وخليني أستمتـع
مسكت يده : بس الموضوع مهم بكثـير !
مسك خصرها وشدها له وهو يقرب لوجهها يتأملها : الأولويـه عيوّنك ، الباقي يهـون !
حمر وجهها وشتت انظارها عنه ، رفع يده يلفها لـ جهته واقترب يقبّل عيونها وغمضت عيونها بخجل : ا وموضـوعي ؟
حمد بهمس : اسحبي عـليه !
عند البنات بالقاعه
ابتسمت الهنوف وهي تصفق لـ ترف اللي ترقص شرقي ونوف تصور ، جتهم سلمى وهي مبتسمه : عااشتت ترف
صاروا لبنات يصورون ويرسلون على القروب عشان ليال تشوف ، جلست ترف بضحك وفتحت جوالها تشوف تصوير البنات بالقروب وابتسمت : اخخ احس طاقتي راحت حللت زواج ليال
قامت سلمى بعد مانادتها امها : هلا
ام ناصر : شوفي الباب يدق يمكن ناصر يبي شي
طلعت سلمى من قسم الحريم ووصلت عند الباب : هلا ناصـ..
وقفت بصدمه من شافت سعود واقف بكامل كشخته رفع عيونه لها وألجمه منظرها بفستانها الاسود الماسك ووجهها الفاتن استوعب من صرخت ورجعت للخلف وعض شفته يهمس بأعجاب : ححلـوه !
عند عوض
نزل من سيارته وهو يشوف القاعه وابتسم ابتسامة عريضه : يحليـلك ياحمد !
اخذ جواله يرد على سليم : سم طال عمـرك
سليم وهو واقف يناظر الكمبيوتر : وشصـار !
عوض : هذا انا عندهـم فرحانين !
ضحك سليم وجلس يلعب بشنبه : توهم على الفرحه
عوض : طال عمرك ادخل الحين ؟
سليم : تفضـل لايـردك شي !
عند البنات
ترف وهي تشوف سلمان مصور لعب العيال بالسيوف ابتسمت وردت عليه : كييـوت ، ليه ماترقصون شرقي ؟
طلعت وراحت للسناب من شافت رد ليال على تصويرهم : يحضكمممم ليتني معكم
الهنوف : حمد مو عندش ؟
ليال : الا موجود
نوف : ليييال قفلي الجوال ياماما مو وقته
ضحكت ترف : اساسا ليه تردين علينا وين زوجك عنك !
ليال : انننن انقلعوا بس
استغربت ترف اتصال سلمان وردت عليه : هلا
سلمان : وش اللي ارقصوا شرقي ! عيب ارفعي علومك
ترف : وليه عادي حنا رقصنا شفيها !
سلمان : اقول بس ودي اشوفك
ترف : عيب !
سلمان بخبث : يايي عيب ؟ ومن اللي داخله غرفتي وشايفتني بدون ملابـ.
قاطعته وهي تصرخ بخجل : سلووومم
قفلت جوالها على طول ولفت من ضربتها بدريه على كتفها : من تكلمين ها ؟
ترف : ا اكلم ليال
بدريه : وجع شـتبين بها
ترف : ا هي كلمتني مالي دخل !
سكتت بدريه بأستغراب وقامت ترف عند للبنات تتصور معهم
