وصلوا أخيرا للديرة ونزلوا كلهم بحماس
وصلوا لـ مزرعة جدهم سُلطان وهم يدخلون مع البوابه ويناظرون الزرع والنخل
ترف بحماس : بنااتتت تعالووو بسرعهعه
ركضوا البنات عندها وهم متحمسين الف
ترف وهي تأشر ع نخله : مين يذكر ذي النخله !
كلهم ضحكوا وهم يناظرون ليال اللي تتصدد عنهم
نوف بضحك : انتي النكبه يا ترف خليتي ليال تصعد
سلمى : عاد ليال جوها تحديات
ليال بهياط : ترا كنت اقدر انزل بس تعرفين امي تخاف علي وكذا
الهنوف ببتسامه خبيثه : وميين البطل اللي جاء ينقذش هااه
نوف وهي تضحك : هااه ليال شفيك أستحيتي
ليال بخجل : من زينه قالت بطل قالت
الهنوف بحده وهي تقرب من نوف : انـتي تعرفين من تـحاكين ؟
نوف بغضب : اعرف انك حمد بس لاتغتر بنفسك وبعدين تراني مو اختك يومك تهاوشني لي أخوان جزاك الله خير !!
الهنوف وهي تمسك ايد نوف بقوه وتضخم صوتها : بتكونين اقرب من اختي لعلمك بس !!
نوف بعصبيه : سخيف يحسب اني بخاف كذا !!!
ترف وسلمى اللي كانوا ميتين ضحك ع تقليد البنات لـ ليال و حمد
ليال بضحك وهي تلف ورا : بنات اوفر مو لهدرجه تراني ما...
انصدمت يوم شافت حمد وراها هو وناصر ومستغربين شهقوا البنات بتوتر ودخلوا داخل يركضون ولحقتهم ليال وهي تركض : يا خـونه !
ضحك ناصر : وش اللي يقولونه؟
حمد ببتسامه : مدري عنهم !!
التفتوا كلهم على صوت الجده جملا وهي ترحب فيهم ترحيب حار : ياهـلا ياهـلا بـعيالي !
تقدم ناصر وهو يحب راس جدته : هلا فيك يا جده
جاها حمد وهو يحضنها بشوق : ياحـي هالصوت !
جو عيالها الاربع وهم يحضنونها ويسلمون عليها
حضنتهم وهي تبكي : لييه هالغيبه ياعيالي ليه ماكفاكم من وقت لييه تخلوني اشتاق هالكثر حتى لأحفادي !
ابو حمد : حقك علينا والله وابشري باللي يزورك كل شوي بس ارتاحي انتي تعالي
جملا : اقلطوا داخل يالله حيه يالله حيه
مسكها ابو ناصر وهو يمشي معها رايحين للخيمه
جلسوا كلهم عندها قامت الجده وهي تروح المطبخ : اصبروا اجيب القهوه
ام حمد قامت : لا ياخالتي اجلسي انا اجيبها
الجده جملا : ماهو متعبني معليتس
ام حمد وهي تاخذ منها القهوه : خليها عنك خالتي
جلست عندهم وهي تسولف معهم
ابو سعود : شلونك يا يمه بشريني عنك
الجده جملا : ابشرس بخير الحمدلله علومكم انتم
ابو ناصر : كلنا طيبين الحمدلله
الجده جملا بستغراب : شفتكم كلكم الا بناتي وين بناتي ؟
ام ناصر : البنات دخلوا داخل عشان العيال موجودين هنا
الجده جملا : وش بيسوون العيال بياكلونهم ناديهم خل اسلم عليهم
قامت ام سعود : انا بروح اناديهم
راحت ام سعود عند البنات داخل : بنات تعالوا سلموا ع جدتكم يلا
الهنوف : فيه العيال؟
ام سعود : وش عليش من العيال تعالوا لا تزعل جدتكم عليكم
قامت ليال : اي والله وش علينا اهم شي لابسين عباياتنا امشوا بنات
ضحكت ام سعود : تعجبني ليال
راحوا البنات وكانت اول وحده ليال ووراها البنات
ليال بصوت عالي وهي ناسيه نفسها : تيييتته
ناظرها ابو ناصر : يابنت!
حضنت جدتها وهي تبكي : جدده أشتقت لككك
جملا : يابعد حيي انتي
حضنوها البنات وهم يسلمون ويجلسون عندها
الهنوف : شلونش ياجده
جملا : بخيير الله يسلمتس ، كيف الدراسه معكم
ليال بحماس : جدده تدرين تخرجنا !!
جملا : يا ماشاءالله بعدي يا بناتي شاطرات
ابو حمد : يلا يابنات روحوا داخل
جملا : وشوله يروحن داخل خلهن يجلسن
ابو حمد : العيال موجودين يا يمه !
جملا : افا يابو حمد ومن متى العيال يردون الحريم عن الجلسه خلهن بس يجلسن فقدتهن بالحيل!!
ابو خالد : ياعلك ماتفقدين غالي
جتهم مزينة بصوت عالي : ياهلااا باخواني ارحبو
قاموا كلهم يسلمون ع مزينه وعبير
عبير وهي تجلس عند البنات : بناتتت وحشتونييي
حضنتها ترف : اكثررر ياروححيي
عبير : كييف السفر وش صار وش ماصار علموني
همست لها الهنوف : نقولش كل شي بس اصبري
نوف وهي تمسح دموعها : اشتقتتتت لككك مره
عبير : لاتخليني ابكييي
ليال : وجع وش تبكون خير
عبير : ماشتقتي لي ؟
ليال بمكابر : لا ابدا !
عبير بعبط : صدق ؟
ليال وهي تشتت انظارها بعيد تخفي دموعها : ايوه
الهنوف بتنهيده : طيب ترا مافيها شي لو قلتي
ترف بضحك : شوفوا شوفوا دموعها الكذابه
عبير وهي تحضن ليال : احبببكككك
ليال وهي تبكي : حييوانه حقييره ماشتقت لك ترا
ضحكت سلمى : يا ليال لين متى تكابرين !
مزينه : هيي شفيكم ليه ليال تبكي؟
التفتوا كلهم ع البنات وانصدمت ليال ولفت تمسح دموعها بفشله ، ناظرها حمد وضحك بسخريه
سلمان : يالبكايه
فهد وهو يمثل البكي : ياييي اشتقت لكك
سلمان وهو يحضنه : ياروحيي وانا اكثرر
ضحكت جدتهم : عبيطين !
جلسوا يسولفون ويطقطقون ليين اذن الفجر
قامت الجده : يلا ياعيال روحوا صلوا وشوفوا هناك قسم الرجال ناموا فيه كلكم وهناك قسم الحريم بعد تدلونه
ام حمد : يابعد روحي خالتي ارتاحي ندل كل شي
جملا : اي صح قبل انسى تراني بكرا مسوية عشاء لكم وعازمة قرايبنا وجاراتي ومن اللي اعرفهم
ام ناصر : يمال العافيه ياخويله ماقصرتي والله
راحوا العيال كلهم لقسم الرجال
ابو حمد : يلا يعيال ناموا ورانا شغل بكرا
ناصر : ان شاء الله يا عمي
سلمان بهمس : عيال بتنامون صدق !
خالد وهو يتربع : عن نفسي ما احس فيني نوم
حمد : ناموا بس
سلمان : يا حمد ترانا مو بالرياض تعال نفلها مافي دوامات ولا شي
ناصر : اي والله امشوا شباب الجو ماينفوت
طلعوا برا بالحوش وهم يلعبون بلوت ويسولفون
