بعد يومين تحديدا يوم الإثنين وهو زواج الهنوف وناصر
الكل مجتمع بالقاعه وبدا الحفل
عند الهنوف الي متمسكه بيد امها : يمه طلبتش مابي
ام سعود بذهول : يابنت شفيش وش صار لش
الهنوف وهي تبكي : مابييه مابيه تكفين يمه
انجنت ام سعود ودقت على ام ناصر تستفزع فيها
راحت ام ناصر لـ ليال الي كانت تصور مع البنات : ليال يابنت
لفت لها ليال : هلا
ام ناصر : روحي معي لـ بيت ام سعود الهنوف منهاره ومدري شفيها
ليال بخوف ناظرت البنات : شفيها الهنوف؟
ترف : مدري مالاحظنا شي قبل زواجها
ليال : يلا يمه بجي معك ، بنات انتوا انتبهو للحفل بروح أنا أشوفها
نوف : تمام
طلعت ليال وركبت مع سلمان هي وامها
سلمان : شسالفه ليه بتروحون بيت عمي
ليال : الهنوف منهاره
ضحك سلمان : ياعزتي لها ، ناصر متوترررر الف
وصلوا ودخلت ليال على الهنوف الي تبكي : الهنوف ؟
رفعت راسها الهنوف وهي تناظر ليال : لييال تكفين ساعديني
ناظرت ليال لـ ام سعود : خالتي اطلعي شوي بقعد معها
طلعت ام سعود وراحت تشكي عند ام ناصر
الهنوف وهي متمسكه بـ ليال : لييال خاييفه
ليال : وش فييك يابنت ؟
الهنوف : شفتي الرقم الي دايم يرسل لي لقيته مرسل لي
ليال بغضب : شيبي ذا وش يقول لك
فتحت جوالها الهنوف وهي تبكي : شوفي مرسل صوري !!
وسعت عيونها ليال : يستهبل ذا شلون جابهم !
انهارت الهنوف : مدري مدري جنني الله يشتله
ليال : انتي كنت ترسلين لاحد صورك ؟ صديقات شي
الهنوف وهي تتذكر : بس صديقتي الي اطلع معها دايم ارسل لها صوري عاد وتصورني هي
ليال بغضب : ومنهي ذي وكيف تخليها تصورك وتاخذ صورك مجنونه انتي
بكت الهنوف وهي ترجف : وش اسوي الحيين !
لفت ليال لـ جوالها الي يدق وتأففت وهي ترد : نعم
ترف : ليييال وش هذا صور الهنوف بالتويتر !!
شهقت ليال وهي تناظر الهنوف الي سمعت وانهارت
قامت ليال وهي تاخذ اغراض الهنوف كلها وتدق ع سلمان يساعدها : امشي معي الفندق نتفاهم مابقى شي وينتهي الحفل !
الهنوف : كييف اواجه ناصر كيييف !
ليال وهي تشيل معها : انا بساعدك امشي يلا
عند ريناد وفيصل
ناظرت فيه : كلها بسبتك مفروض اني رايحه زواج صديقتي !
فيصل : طيب انا تعباان كيف اودييك
ريناد : ياكثر السواقين والاوبر !
فيصل : وانتي صاحيه اخليك تروحين مع سواق
تأففت ريناد واخذت جوالها بملل ، وسعت عيونها وصرخت : ييمه !
فيصل : شفيك بسم الله
ريناد : صديقتي اللي اليوم زواجها صورها منتشره !!
فيصل بذهول : كيف انتشرت؟
ريناد وهي تتصل على البنات ومحد رد توترت ودقت على ترف : تررف وش صايييير !
ترف بخوف : مدري يابنت الهنوف منهاررره وعندها ليال
ريناد : حسبي الله ع الي سوا بها كل ذا
ترف : ماكون بنت ابوي ان ماجلدته هين بس
ريناد : انتبهي لايهكرك او يسوي شي
ترف : يعقب الكلب !
قفلت ترف وراحت ترسل على الحساب وتزعجه : احذف الصور قبل ابلغ عليك بسرعه !
شافها وطنش وصار ينشر اكثر
