حمد : وش صاير بينكم ليه تهاوشتوا !
تنهدت ليال : لاني رحت مع ناس ماعرفهم هاوشوني
تنهد بهدوء : طيب انتي تدرين انه غلط صح !
هزت راسها : اعرف
حمد وهو ماسك خصرها ابتسم بخفه : خلاص اجل معليك من هواشهم دامك عرفتي غلطتك لاتكررينها تمام ؟
حطت يدها على يدينه اللي ماسكه خصرها بتوتر : تمام
ناظرها بجديه : ماودك نستعجل بالزواج ؟
ليال بربكه : لا حمد شفيك مستعجل
كان بيتكلم بس قاطعهم اتصال جوال حمد ، زفر بعصبيه ورد
حمد بهدوء : نعم
ناصر : بسم الله شفيك
حمد : اخلص شتبي
ناصر : طولتو ترا امي تسال عن ليال
حمد : تمام
قفل وناظرها شافها تلعب باصبعه وتدندن
ضحك بسخريه : وش تسوين
ليال وهي تقوم : ولا شي مشينا تاخرنا ياحمد
هز راسه ولف ياخذ الفرشه ويطفي النار ويركبون السياره متجهين للمزرعة
عند الهنوف
دخلت الغرفه وشافت الكل يضبط عبير
استغربت : وش تسوون انتم
ترف : نكشخ الحلوه عشان زواج خالها
استوعبت وصرخت : ايي صحح نسيتتت
ضحكت نوف : بدري وش ذي الفهاوه
جلست الهنوف وهي تصب شاهي وتذوقه ، كشرت من طعمه وتفلته بقرف : من مسوي الشاهي جعله الكسر !
شهقت ترف : يويلك جدتي مسويته
الهنوف بصدمه : اخت سعود ، في ذمتش !!!
كتمت ضحكتها عبير وهي تشوف الهنوف تستغفر
نوف : مو صاحييه لو سمحتي مره ثانيه اضربي بريك قبل تدعين
الهنوف وهي ماسكه راسها : مانتبهت والله
دخلت عندهم ليال وهي تصرخ : هاييي
لفوا البنات وضحكوا : هاياتتت
نزلت شنطتها وركضت تجلس بجنب الهنوف ببتسامه تتناسى اللي صار : صبي لي ياحلوه من شاهيك الحلو
ابتسمت الهنوف بخبث ومدت لها الكاسه : سمّي
ليال وهي تاخذ الكاسه : سمّ الله عدوك
شربتها وسكتت بهدوء ونزلت الكاسه وكشرت
ضحكت الهنوف : كيف الطعم ليال !
ليال بتقرف : يعع منجدك وش الشاهي ذا
الهنوف : شاهي جدتي مدري ليه طعمه كذا
ليال بضحك : استغفر الله بس
نوف وهي تناظرها : وشششوو ترا بقول لجدتي
ليال : شدعوه ماقلت شي
الهنوف وهي تناظر ليال : معليش منها امشي معي نسوي لنا قهوه تقعد الراس
ليال وهي توقف : تم مشينا
عند البنات بالغرفه
لفت عبير من اتصلت امها
عبير بعجل : امي تدق تاخرت عبايتي وين
نوف وهي تركض ومعاها العبايه : خوذي بسرعه
سلمى بدهشه ابتسمت : عبييرر تهبلييننن
لفت بدريه : منجد مره صايره كيوتت
ابتسمت عبير : ياقلبيي انتتممم
ترف وهي توقف قدامها : ابتسمي بصورك للذكريات يمكن تتزوجين بعد هالمناسبه
عبير وهي تطقها : وجع ياللي ماتستحين
بدريه وهي تظفر شعرها : اختي صايره وصخه شكلها تتابع مسلسلات واجد
نوف : مو شكلها الا اكيد
طلعت بسرعه تناظر امها وركبت مع السواق يوديهم
عند العيال برا لف ناصر على جواله من اتصل عليه رقم غريب
رد بهدوء : الو
الدكتور : هلا ، ناصر ؟
ناصر : وصلت ، مين معي !
الدكتور : معك الدكتور المشرف على حالتك
ناصر وهو يوقف : ايوه؟
الدكتور وهو يناظر الاوراق : ناصر لازم تبتدا العمليه بكرا لان لازم نستعجل قبل يصير اي حاجه او اثر سيئ
تنهد ناصر وفتح ازرار ثوبه : طيب بجي بكرا
قفل وناظر عيال عمه اللي يناظرونه باستغراب
ناصر : دكتوري يقول لازم بكرا اجي وابدا العمليه
سلمان بصدمه : جد ؟
ناصر : اي ، بروح انا خلكم انتم
عبدالله وهو يوقف : بنروح معك
ناصر : شدعوه بسوي العمليه وبس
عبدالله : وش وبس ؟ ماتظمن ترا هي تنجح ولا لا
سكت ناصر بضيق ولف : بروح اجهز شنطتي علموا اهلي
سعود وهو يناظر عبدالله وسلمان : روحوا كلكم مع بعض لازم تكونون معه
