الصباح في بيت ابو حمد "
كان الكل مشغول ويرتب لسفرتهم في الاجازة للديره
ترف بصوت عالي : ماما اخذ ملابس كثيره صح؟
ام حمد : اي يمكن نطول خوذي اللي تحتاجين
ترف وهي تقفل شنطتها : طيب تراني خلصت اساعدك بالمطبخ ؟
ام حمد : لا تقريبا خلصت روحي شوفي حمد يمكن يبيك تساعدينه
راحت ترف غرفة حمد وهي تفتح الباب
شافته يرتب ملابسه : تبي مساعده يا حميدان ؟
حمد وهو يناظر الغرفه بهدوء : شيلي الزباله بس
ترف : اوكيه
اخذت الزباله وهي تناظر العود المنكسر ورا الدولاب اخذته وهي تحطه بالكيس ، ناظرها حمد وانصدم يوم حطته بكيس : وش تسوين !!
ترف : انت مهمل هذا مكسور ليش مارميته
اخذه منها بعصبيه وصرخ : قلت لك شيلي الزباله ممكن تتركين اللقافه شوي ؟؟
ناظرته وماتنكر انها ماخافت من زمان ماصرخ بوجهها زي كذا ، دمعت عيونها ورمت كل شي بالارض وراحت وهي تسكر الباب بقوه
زفر بانزعاج وهو يحس انه مشوش ماكان قصده يرفع صوته نزل يده للعود وهو يحطه بالشنطه
ابو حمد : يامره جهزي القهوه بدق عليهم يجون
ام حمد وهي تقوم : ابشر
نزلت ترف من الدرج وهي مكشره
ناظرها ابو حمد : شفيك عابسه؟
ترف بنرفزه : ولدك مريض !
ابو حمد بحده : احترمي اخوك الكبير !
ترف : بابا دايم تقول لي احترمي طيب ليه مايحترمني هو بعد
ابو حمد بهدوء : وش مسويه عشان يعصب
ترف بتبرير : ماسويت شي كنت بساعده وانظف معه غرفته شلت العود وعصب مادري ليه
ابو حمد بتنهيده : لو تدرين شكثر يحبه
جلست ترف تناظر ابوها اللي جلس يقولها سالفة العود كل شي لين نهايته
شهقت ترف : يعني وقت ماكان يجيب ليال جدي شاف العود حق حمد ؟
هز راسه ابو حمد : اي
ترف ببتسامه : بابا تدري اني انا تحديتها تروح فوق
ابتسم ابو حمد بخفه : عارف كنتوا اطفال ماينشره عليكم !!
ضحكت ترف وقامت وهي تساعد امها بينما
وابو حمد اتصل ع اخوانه وعزمهم عنده
بيت ابو ناصر .. العصر
البيت صاير فوضى واكثر من الفوضى الكل جالس يرتب الملابس والشناط
سلمى بصراخ : مين ماخذ الشامبو حقي؟؟
ليال : تلقيينه مع سلوم
سلمان وهو يدخل : وجع كل شي ع راسي انا !
ليال : لانك سروق اول واحد نشك فيه انت
سلمان بحزن : امي تشوفينهم يظلموني؟
عبدالله : ماخليت شي مازرفته وتقول يظلموني!
ام ناصر : يا أولاد اهجدو
ناصر وهو يناظرهم : وش فيكم
ليال : الاخت سلمى تدور الشامبو حقها
ناصر : اهااا اخذته انا امس وحطيته بالحمام حقي
سلمى : لا والله ليه تاخذه بدون ما تستأذن !
ليال : عادد ناصر حددكمم عليه مايسرق شي يمكن انه كان مضطر !!
ناصر بضحك : اي ليول صادقه حيل مضطر كنت !
ابو ناصر وهو نازل من فوق ويعدل غترته وساعته : ياعيال جهزتوا ؟
عبدالله : تقريبا جهزنا
ناصر ببتسامه : الله وش هالكشخه عريس عريس!
ام ناصر ببتسامه وبيدها المغراف : نويصر ماقد جربت تسلم ع عمانك وانت مصفوق!
ضحك سلمان : يييوه يالغيييره
ابو ناصر ببتسامه وهو يقرب من ام ناصر : مدام مـعي الـقمر مالي ومال الـنجوم !!
ضحكت ليال : الله ابويي صاير رومنسي
ناصر وهو يناظر امه بطقطقه : اشوف أستحيتي؟
ام ناصر بخجل : روح ياولـد !
ضحكوا كلهم وراحوا يلبسون
ريوف وهي تمشي بالسيكل مرت من عند غرفة ناصر ونزلت ودقت الباب فتح ناصر اللي كان يسكر ازرار ثوبه : شتبين يانتفه !
ريوف : ابييي البقاله ودني تكفى
ناصر : بس عندي شغل ياريوف !
ريوف بحزن : تكفففى
ناصر وهو يتنهد : يلا امشي ماقدر اقولك لا
ابتسمت وهي تركض تلبس نعولها
