عند العمام
كانو يتمشون ودخلوا الخيمه وناظروا باستغراب
ابو ناصر وهو يتفقد العيال : وين العيال !
ابو خالد : مدري والله اتوقع يتمشون
طلعوا برا الخيمه وشافوا سعود رايح جاي ومعاه خالد استغربوا وصاروا يناظرونهم
ابو حمد بصوت عالي : ياولد !
لف سعود وصارخ : هلا عمي
ابو حمد : وش تدورون انتم
همس سعود لـ خالد : يويلي بيدرون
خالد بصوت عالي : يا عمي ، ندور فهد وسلمان
صفقه سعود على راسه : غبي !!
ابو ناصر : شصاير ليه تدورونهم؟
سعود : ابد ياعمي رايحين يتمشون وشكلم ضيعوا الطريق معليه بنلقاهم الحين
ابو سعود بهدوء : ومن متى رايحين !
خالد بتفكير : اتوقعع الساعه ٣ العصر
ابو ناصر بعصبيه : وللحين محد جاء
ابو سعود : وراك واقف هنا قم قم دور اخوك اخلص علينا ، مجنن ذول ليه تخلونهم يروحون
سعود : يبه تراهم كبار يعرفون الطريق معليك بس يمكن طفت جوالاتهم
ابو سعود بصراخ : اقولك رح دورهم بسرعه !!
راحوا كلهم وتفرقوا يدورون العيال
نوف وهي تراقب لفت للبنات : شفتوا ؟
الهنوف بعصبيه : فهد غبي طول عمره
ليال وهي ترفع شعرها : بنات امشوا ندور معهم يلا
عبير بصدمه : سلامات منجدك انتي
ليال : اللي بيجي يجي الي مايبي لايتكلم
الهنوف : يلا انا معك
ترف بتردد : بروح معكم
الهنوف : يلا
نوف : هي استنونيي
عبير : انا اخاف بجلس انتظركم
ليال : طول عمرك خوافه مشينا بنات
راحوا يدورون معهم وكان كل وحده معها كشاف عشان الظلام
ليال : بنات خل نصير فريق انا معي وحده والهنوف معها وحده تمام
الهنوف : تمام مين معي
نوف : اناا بروح معك
ليال : اجل مشينا يا ترف
ترف بخوف : يلا
انقسموا كلهم قسمين وراحوا يدورون سلوم وفهد ( المشاكسين )
عند فهد وسلمان
كان سلمان منسدح وحاط راسه على فخذ فهد : بكرا اليوم الوطني يا فهيد
فهد وهو يناظره : بالله اسكت لا اهفك
سلمان : جوالاتنا طافيه حتى مانقدر نشوف الطريق
فهد : اهخ والله بيهاوشوننا
سلوم : خلني اغني لك عشان ننسى همومنا
فهد : حنا مصفوقين منهم لاشك ، غن يلا
سلمان ببتسامه وهو يناظر فوق ومنسدح :
كل عام واحنا باول الصفوف
جيل يوصي جيل سيروا لا وقوف
فهد وهو يكمل معه :
يا وطن شعبك على قلب رجل
القلوب اتعانقت قبل الكفوف
ضحك سلمان وهو يرفع راسه يناظر فهد
ابتسم فهد وهو يلعب بشعر سلمان
سلمان : تصدق عاد فهيد
فهد : وشو
سلمان ببتسامه : كذا احس باحساس حلو لما اكون معك يعني تعرف شلون احس بالسعاده اذا هربنا و اذا هاوشنا جدي وجدتي احس انك توامي
فهد : امم الله يدييمنا ، خايف بس تجي الدوامات ونبعد عن بعض نفس اول
سلمان وهو يعدل جلسته : يخسى الدوام ، يخسى كل شي يبعدنا يارجال والله نجي بعض كل شوي حتى لو تبيني اتغيب عن محاظراتي تبشر
ضحك فهد : حييك حيكك
ناصر وحمد وهم بوسط الصحراء
ناصر وهو يلهث : حسبي الله عليهم دخت وانا ادور
حمد بهدوء : والله مايسلمون مني بس خل القاهم
لفوا على صوت بنات واستغربوا
حمد : فيه صوت صح؟
ناصر بعصبيه : صوت بنات عمي !
راحوا لمصدر الصوت وهم يشوفون الهنوف ونوف يهاوشون بعض
ناصر بعصبيه : شعندك انتي وهي؟
ارتجفت نوف : بسم الله
حمد : وش جايبكم بذا المكان تبون تضيعون !
الهنوف وهي تحط يدها على خصرها : لا مانضيع بس بدور اخوي معكم فيها شي ؟
ناصر وهو يمسك راسه : بتجلطني بتجطلني !!
الهنوف : بدال ماتقول بتجلطني قم دور معنا
راحت الهنوف ومعها نوف
ناصر لف لـ حمد : وش السواة؟
حمد وهو ويرفع كتوفه : مالنا الا نمشي وراهم لايضيعون وتصير بدال المشكله مشكلتين
