صحت ليال الصبح تمشت وشافت ريوف تاكل شوكلت وتتابع بالايباد
ليال : عطيني معك
ريوف : لا
ليال : تكفيينن
ريوف وهي تعطيها : خوذي
ابتسمت ليال : ششكرا
طلعت برا وهي تاكل وتشوف الشروق ابتسمت يوم شافت حمد وناصر جالسين يسولفون بالمزرعة وراحت لهم
ليال : صصباحكمم اناا
ناصر : احلى صباحح
ضحك حمد بخفه وهو يناظرها
أستغربت ليال وناظرت لـ ناصر اللي كان يضحك بهدوء
ليال : شفيكم؟
ناصر وهو يقوم وكاتم ضحكته ؛ بكمل نومي انا
ناظرت فيه باستغراب ولفت لـ حمد اللي يناظرها
ليال وهي تتفقد شعرها وملابسها : وش السالفه
قام حمد وقرب منها ورفع يده يمسح بقايا الشوكلت اللي ع شفتها : بزر انتي !
ليال بربكه : وش
حمد : حتى ريوف البزر تعرف تاكل !
ليال وهي تناظره : ماله دخل بزر
حمد : اجل وش تسمينها ؟
ليال بتفكير : اسميها اني مانتبهت
حمد : والله؟
ليال ببتسامه : ايوه
حمد : ليه مو نايمه
ليال وهي تقلد كلمته : احتريك تنومني
طير عينه بصدمه وضحك : مجنونه!!
ليال : اقلدك
حمد وهو يسحب خصرها له : احلى من يقلدني
حطت يدينها عند صدره تبعده : حمد ترا بتجي جدتي وتشوفنا كذا !
بعد عنها حمد وابتسم وهو يناظرها : ليت المزرعه مافيها الا انا وانتي
شهقت برعب : الحمدلله انه ليت مو حقيقه
طلعت من عنده ودخلت داخل وهي تشوي وتموت من الخجل
الهنوف : وش فيش وجهش كانه مصفوق
ليال : لا ولاشي بروح اكمل نوم
الهنوف باستغراب : شقومش ماتساعديني
ليال وهي ترسل بوسه : من بدا بـ عملًا فل ينهيه
الهنوف : اي هين نامي وشوفي شلون انكد عليش
ليال : والله لو جيتيني لا اكفر فيك
الهنوف : الخلا بس
دخلت الهنوف المطبخ تسوي لها قهوه وطلعت برا تجلس بالعشب ابتسمت من ريحة الطبيعه والهواء البارد لفت ع صوت ترف
ترف وهي تفرك عيونها بنعاس : وش تسوين هنا
الهنوف ببتسامه : ابد اتقهوا تجين؟
ترف وهي تنسدح عندها : جاني كابوس ماقدرت انام
الهنوف : اقري اذكارش وسمي بالرحمن
سكتت ترف وغمضت عيونها ونامت
ابتسمت الهنوف وصارت تلعب بشعر ترف بهدوء
قامت ترف : بروح انام داخل
الهنوف : زين واقري اذكارش وتلحفي
راحت ترف تنام وصبت الهنوف فنجال ابتسمت وهي تدندن بروقان :
يا نايم الليل الطويل .. والدنيا من حولك سهر
ما همّك الصّب العليل .. إللي دموعو كالمطر
ماراودك في الحلم طيف .. ولا نبّهك شوقي العنيف
مسكين يا حظي الضعيف .. مع نايم الليل الطويل
شافها ناصر تغني وابتسم وهو يسمعها وبحة صوتها كانت كفيله انها تجيب راسه
مر من وراها ونط قدامها : بووو
شهقت الهنوف بخوف : الله يهبلك بسبعه عفاريت يقصفو رقبتك
ناصر : اعووذذ بالله منكك
الهنوف : ايش قومك خرعتني
ناصر : يقصفون رقبتي مره وحده
الهنوف : ايوه
ناصر : يطاوعك قلبك !
الهنوف وهي تشيل القهوه : اي يطاوعني ولا عاد اشوفك تعرض من عندي كل شوي ترا بالخيزران !!
ناصر : لحول الله شفيها متشدده بقوه ذي
دخل داخل شاف سلمان نايم ودفه : سلماننن
ناظر له سلمان بغضب : شتبي
ناصر : قم طفشان
سلمان : والله لو تحركني او تكلمني قسم اجلدك
ناصر وهو يدفه برجله : اقول قم اخوك الكبير وتهايط عليه!
قام سلمان وهو يدف ناصر بقوه ويطلع برا
ناصر وهو يناظر سعود : شفيه ذا
سعود بضحك : ماعليك منه تعال اجلس
جلس ناظر وناظر لـ عبدالله اللي يبتسم بنومته
ناصر : بسم الله
سعود : شفيك
ناصر وهو يأشر على عبدالله : شف
لف سعود وضحك : شكله يحلم احلام حلوه
ناصر : خواني متغيرين علي تصدق
سعود : بالله عليك
ناصر وهو يلف له : اختك عليها دعاوي تخرع
سعود باستغراب : شجاب طاريها
توتر ناصر : لا بس كانت تسولف لي ليال وتكلمت عنها
سعود : اي هي متأثره بخوالي مره عكسي انا و فهد
ضحك ناصر وانسدح : اهخ
سعود : سلامتك ، الا تعال تدري ما اعرف وش دوام حميّد
ناصر : كلنا نفس الدوام
سعود : اهاا تو ادري والله
ناصر : انت الوحيد اللي تدرس طب بيننا
تنهد سعود : والله يتعب الله يعين
ناصر بطقطقه : شرايك تشرف على عمليتي
سعود : ناصر انت ماخذ الموضوع لعب ومزح ترا الموضوع جدي لازم تنتبه لـ نفسك ومو اي رياضه تسويها والعاب يعني فيه اشياء تضر القلب
كشر ناصر : اعرف اعرف فكوني من هالسيره ياخي
بعد ساعتين بالضبط
صحصحوا الكل الرجال والحريم وتجمعوا برا
لبسوا الحريم جلالهم والبنات عبايتهم ويحطون القهوه عند عمامهم لفت الهنوف لـ نوف شافتها تحط الحلا والقهوه سحبتها على جنب
الهنوف : وش عندهم مجتمعين كلهم ؟
نوف : مدري والله قالوا لنا حطوا القهوه نبي نجتمع بس مدري وش السالفه
الهنوف : طيب وين ترف ماشوفها
عبير وهي تحط الصحون : بالغرفه شفتها
ليال : وشو بنات
الهنوف : روحي شوفي ترف شعندها ليه ماتجي
عبير : اي ترا بتهاوشها جدتي
راحت ليال تشوفها وفتحت باب الغرفة وكانت ترف مشغله السماعه الكبيره وحاطه نانسي وتهز كتفها ع الخفيف ، ضحكت ليال ورفعت جوالها تصور بدون ماتنتبه ترف
ترف باندماج :
ماشي حدي وبعينيك مدرب الكل حواليك
بنظرة هيك وغمزة هيك ولا حلوة بتفلت منك
وناسي اني بغار بجن خصوصي لو ضحكولك هن
انت تقبرني بتحن بيوقع قلبك منك
لفت وشافت ليال تصور ووقفت : خييرر
ضحكت ليال : اهنيييك ع الروقان
ترف بضحكه : ارسلي لي المقطع
ليال وهي تأشر باصبعها : نوو
ترف : ليال تفكيينن
ليال : نو يعني نو
ترف وهي تمسك يد ليال برجاء : لييياال
ليال: خلاص طيب بس امشي جدتي بتصعب اذا ماجيتي بسرعه
ناصر وهو يهمس : شف خواتنا فجاة صاروا سنعات
ضحك خالد : اي شكل جدتي ممشية نظام لهم
ضحك سعود : الحمدلله ماحنا بنات
حطت القهوه عندهم الهنوف وهي تخز سعود وناصر
ابتسم ناصر : شفيها ذي
سعود بضحك : سمعتنا
ليال وهي تجلس : جده وش الموضوع ؟
جملا : لاتسابقين الاحداث يا ليال اهجدي
سكتت ليال بفشله وضحك سلمان بصوت عالي
سلمان وهو ياشر لها : وين جبهتك؟
ناظرت فيه بغضب وهمست : انقلع
ابو حمد : قررنا ياحريم ويارجال وياصغار ويا كبار نبي نكشت لنا يومين او ثلاث كذا بالبر وتعرفون الشتاء جاء والاجواء حلوه الايام ذي
ليال بحماس وهي ترسل بوسه : عمو وربي تفهممم
ضحك ابو سعود : ياربي وانت ربي
ابتسم ابو حمد وهو يرد البوسه لها : انتي بعد تفهمين
ضحكت ليال ولفت لـ حمد اللي يناظرها بحده طيرت عينها وهمست : خير
ابو خالد : والله انها فكره حلوه وش تقولون ياحريم
ليال وترف : مواااافقيييينن
سكتوا شوي وانفجروا ضحك على ترف وليال
ام ناصر : اللي تشوفونه بس ليال مابتروح
شهقت ليال : ييمه لييه؟
ام سعود: لانش مزعجه ماتهجدين
ليال وهي تناظر عمها ابو سعود : عمو شف زوجتك
ابو سعود بضحك : وهي صادقه
ضحكوا كلهم ع شكل ليال وهي تناظره بصدمه
ابو حمد : لا بنتي ليال اذا ماراحت ماتزين الطلعه
قامت ليال ؛ اششكرركك ياعمو البطل والله ابوس راسك
مشت وجت عنده وباست راسه وهو يضحك لفت بترجع لكن قرصها حمد وهو مبتسم صرخت بخفه وهي تناظره بعصبيه همست: خير
حمد همس لها : انقلعي عند الحريم لاشوفك توتوطين عند الرجال
طيرت عينها بصعبيه : عماني ترا مب رجال
حمد : روحي لا اهفك
ليال بعصبيه : تخسي
جملا : ليال تعالي صبي القهوه
راحت تصب القهوه وهي تناظر لـ حمد اللي يبتسم لها باستفزاز
