وقفت ترف عند محل الشموع وهي تناظر بدريه اللي كانت تحاسب ورفعت يدها تمسح دموعها بعنف : حيوان يحسب اني بسكت له ، لو انهم معجباته ابتسم لهم الخروف
سكتت من شافت بدريه جايه : سنه !
بدريه وهي تناظرها : عجزت اقاومهم
هزت راسها ترف : نمشي ؟
بدريه : بس انتي ماتسوقتي ! بالعاده تطولين هنا
ترف : مابي اقعد دقيقه هنا
استغربت بدريه ولفو كلهم من سمعوا صوت سلمان : ترررف
انصدمت بدريه ولفت تناظر ترف اللي طلعت من المول بسرعه : شفيهم ذول
طلع وراها سلمان ومسك يدها بقوه : وقفي
ترف بعصبيه : وخر عني
سلمان : اسمعيني طيب !
ترف وهي تفلت يدها منه : مابي اسمعك ولاعاد اشوفك هنا
جتها بدريه وطلعوا وركبوا السياره
بدريه بعصبيه : وش صاير بينك وبينه ؟
ترف بتوتر : مافي شي
بدريه : غبيه انا ؟ تكلمي
ترف : شفيك انتي قلت مافي شي
بدريه : زين انا بقول لأمي واخليها تتصرف معك
سكتت ترف بخوف ولفت : علميها !
وصلوا البيت وراحت غرفتها وانسدحت بضيق وهي تشوفه يتصل وقفلت جوالها ونامت
ركب عوض الطياره وهو مبتسم ورد على اتصال سليم : انا عندهم بنفس الطياره
سليم : ممتاز !
قفل ولف من سكرت الطياره ووقف يبي يشوف وين جلسوا ، انصدم ووسع عيونه وهو يشوف حمد يأشر له من تحت الطياره ومبتسم
عض شفته بغضب : كلب!
اقلعت الطياره ولف حمد لـ ليال اللي كانت متمسكه بكتفه وتناظر عوض بخوف : حمد اخاف يجي
حمد وهو يضرب راسها بخفه : غبيه ! اقلعت خلاص
مسكت راسها : مب غبيه خير
لف واخذ شنطتها ورجعوا لـ لبيت واجلوا رحلتهم
في غرفة الهنوف
كانت الهنوف تتابع مسلسلها وتمسح دموعها من الضحك : جني شلكم هلكتوني
لفت من دخلت امها وسعود وطفت جوالها : شفيكم
سعود : عندنا لك خبر قوويي
الهنوف بعدم اهتمام : وشو
ام سعود : ناصر ولد عمش جاء وخطبش
انصدمت الهنوف ومسكت بطنها وهمست : مايمزح ذا
سعود : استخيري وخوذي راحتك وعطينا خبر
هزت راسها وطلعوا وصرخت بأحراج تغطي راسها بالبطنيه : ناصرر ياناصر لااا
فزت من اتصل جوالها وبلعت ريقها وهي تشوفه ناصر وقفت تقفل الباب ورجعت تجلس وترد عليه
ناصر : الو
الهنوف بصوت خفيف : هلا
ناصر ببتسامه : عروستيي
شهقت بأحراج وتلعثمت : وجع
بعد عدة أسابيع
الليـله المنتظره وهي ملكة الهنوف وناصر
وكان الكل مشغول بالتجهيز ، نزلت ليال من السياره ودخلت بيت ابو سعود وهي مبتسمه : وين العرووسسه
ضحكت نوف وهي تأشر على الغرفه : ماتبي تفتح لنا الباب !
ليال ببتسامة شر : الهنووف اذا مافتحتي بنادي ناصر وتعرفينه انتي تـرا..
فتحت الباب بسرعه ودخلوا البنات وهم يضحكون وسكرت الباب وانسدحت : اخ يابناتت مقدر
نوف : يلا بسرعه مافي وقت تجهزي
الهنوف بتوتر : بنااتت مابي
ترف وهي تجلس عندها : بلا دلع انتي وليال تحبونهم واذا جو يخطبون تسوون نفسكم مستحين
وسعت عيونها ليال وقرصتها : كذابه !
ترف بألم : وربي انتم كذا تراا اوفررر يعني والرجال مايحب البنت اللي تستحي كثير
الهنوف : جعل عمره ماحبني شدخلش انتي
ترف : نصائحح ياغبياتتت
نوف ببتسامه : انا اقول وفريها لنفسك
ليال وهي تتكتف : نشوفك بعدين اذا تزوجتي عاد اللي بتتزوجينه جريئ مو نفسنا الله يعينك !!
انلخمت ترف : وانتي وش دراك من هو زوجي المستقبلي!
ليال بغمزه : اعرفه حق المعرفه تبين اذكرك منهو ؟
نطت ترف وهي تسكر فم ليال : انا اقول روحي لـ حمد افضل
الهنوف بضحك : يعرف يسكتها ام لسان
وسعت عيونها ليال : خير من قال
نوف : بناتتت خلاص وربي مافي وقتتت
ركضوا البنات يتجهزون بسرعه
ابتسم ناصر وهو يلبس الشماغ ويتعطر ويناظر المرايا نظرة اخيره ولف على صوت سلمان : مزيوون الله يصبر قلب الهنوف ع ذا الجماال
ناصر ببتسامه : يازيينك عقبالكم جميعع يارب
عبدالله وهو يزين عقاله : اقول امشو يلا
سلمان وهو يرفع جواله : شفيك مستعجل يالحبيب ما اخذنا سلفي للحين تعال
صفو قدام المرايا وكان وسطهم سلمان ويمينه ناصر ويساره عبدالله وصور ونشرها بالانستا ، لف عليهم وكمل : يلا روحو السياره بصور نفسي واجيكم
عبدالله : أستغفر الله بس
ناصر : ارسل لي الصوره
سلمان وهو يضبط غترته ويصور : طيب
ركبوا السياره كلهم متجهين لـ بيت ابو سعود ، وكانوا ام ناصر وابو ناصر والبنات واصلين قبلهم
دخلت ترف المطبخ : اخ ابي مويا
اخذت كوب وشربت شهقت وهي تشوف سلمان جاي نزلت الكوب على الطاوله ونزلت تحت الطاوله وحطت يدها على فمها بخوف
دخل سلمان المطبخ وهو يشوف الكوب واخذه : والله اني عطشانن جلس على الكرسي وشرب المويا
وسعت عيونها ترف وهمست بقلبها : لاااا كوبي !!
نزل الكوب وانصدم وهو يشوف طبعه الروج الخفيفه وقف بفشله وحط الكوب بالمغسله ومسح شفايفه
لف ونزل عيونه من شاف طرف فستان وتوتر : من اللي هنا ؟
ترف بخوف : اطلع برا
انصدم سلمان وابتسم بخبث : اي بطلع ابشري
راح للباب وقفله وطلعت من الطاوله ووقفت رجعت على ورا بصدمه وعقدت حواجبها بغضب : ليه ماطلعت !
تقدم لها سلمان وهو يغني : شفت خلي بعد غيبه
شفته في حاله غريبه ، ضاع من عينه الحنان اللي عشناه من زمان
كشرت ونزلت دمعتها : انت اللي ضاع منك الحنان
ابتسم وسحبها بلهفه يحضنها : وحشتيني !
غمضت عيونها وهي تشم ريحة عطره الرجاليه وبكت رفع يده يمسح دموعها : وش الجمال ذا !
ناظرت بيده وشافت الساعه وابتسمت : ترا زعلانه وخر
رجعها لحضنه وشد عليها : تكفين لاتزعلين والله اني مشتاق لك !!
..
بارتات اليوم 💖🥺
