عند البنات بعد العشاء جلسوا يسولفون اما الحريم دخلوا داخل الخيمه عشان ينامون
راحت ليال بعيد وجلست تناظر القمر : اخخ يازيينه
الهنوف وهي تجلس معها : انشهد
لفت ليال : الرقم اللي دق عليك
الهنوف : ايوه؟
ليال : منهو
الهنوف : والله اني مدري
ليال بغمزه : هيي
الهنوف وهي تطير عينها : والله اني ماعرفه يقول فديت بحة صوتش ومدري ايش
ليال : اوبب ذا عاشق ومنتهي
ناصر وهو يناظرهم من بعيد همس : جعله السلال منهو ذا
استوعب ولف : استغفر الله صرت ادعي نفسها
الهنوف : اقولش خليه يطس الحين انتي متى تخلصين اغراضش ؟
ليال : اي اغراض؟
الهنوف وهي تقرصها : ياهبله اغراض زواجش
ليال وهي تمسك بطنها : الهنووووففف
ضحكت الهنوف : فاهيه !
ليال : اهخ بطني مغصني وجع
ترف وهي تجيهم : شعندكم تاركيني عند المثقفات ذول ادودل راسي !
الهنوف بضحك : احسن عشان تتعلمين منهم
ترف وهي تاشر على ليال : شفيها ذي ماسكه بطنها
ليال : اخخ ترف شوفي الهنوف
ترف : وش مسويه الهنوف
الهنوف وهي تحط رجل على رجل : ماسويت شي
ليال : الا خرعتني فجاه جابت طاري الزواج
ترف : طيب وهي صادقه جهزتي؟
ليال بزعل : بناتتت
ضحكوا كلهم وقامت ليال تدخل الخيمه الثانيه
انسدحت وصارت تناظر فوق وتنهدت تنهيده عمييقه
فتحت جوالها وشافت حمد مرسل صوره لها انصدمت وكتبت له : كيف جتك الصوره؟
حمد بروقان : ترف مرسلتها لي
ليال بعصبيه : وانت ليه تحفظها!
حمد : امم برايك ليه؟
ليال : ادري عنك ؟
حمد : اقول بدون كلام فاضي لا اعضك يالقطوه
ليال : القطو انت اوريك
حمد بسخريه : وش بتسوين؟
قامت من الخيمه وطلعت برا شافته بعيد يناظر جواله دفته من ورا ولف بسرعه : بسم الله!
ليال : وش اسوي اجل
حمد بذهول : ماتوقعت تجين
ليال : الا اجي
حمد ببتسامه جانبيه : جايه عشاني لهدرجه وحشتك
ليال وهي تطير عينها : وعع قال وحشتك قال امحق
ترف وهي تناظر جوالها وتتصور : شوفوا يامتابيع قاعده اتمشى بالبر الجو مره بارد ويخوف شوي
لكن انا قويه طبعا !
صرخت بخوف من حط سلمان يده ع كتفها ، سكر فمها بيده بوهقه : اشش انا سلمان
هدأت شوي وناظرت فيه : خيرر
سلمان : تقولين قويه ليه خفتي
ترف : ليييه تجي !
سلمان : ابد والله كنت اصور سنابات وشفتك هنا
ترف : طيب وش تبي
سلمان : ياليل النشبه خلاص بروح
سكتت ترف وهي تناظره ، لف لها : مصدقه اني بروح؟
ترف بصدمه : وجع!
سلمان : افا تدعين علي بالوجع
ترف : ايوه
سلمان : طيب خلاص امشي ترانا بعيد عن الخيمه
ترف بدلع : مابدي
سلمان باستغراب : وش مابدي
ترف وهي تلعب بشعرها : مابي ارجع غصب؟
سلمان : براحتك بس ترا المكان يخوف
ترف : انا ارجع بنفسي مو خايفه
سلمان وهو يمشي : بكيفك
ناظرت ترف وشافته يروح تنهدت وهي تكمل طريقها لكن سمع صوت رجول وقفت تسمع الصوت وكان قريب مره ارتجفت وحطت يدها ع فمها بخوف من الصوت الغريب ، صوت ورعان يصيحون وشخص يضحك ، رجعت على ورا بخوف من طلع قدامها شخص وصرخت بأعلى صوتها
سلمان وهو يسكتها : تررفف ترف
كانت تصارخ ماتسمعه وترجف وحاطه يدينها ع وجهها فتح يدينها عن وجهها وناظرها : انا سلمان ياترف
ناظرت فيه برعب وبكت : شفت جني سمعت صوت يخوفف
ضحك بخفه : مو جني انا امزح معك
بكت وهي ترجف : ابي ماما
سلمان : ابشري ، ماتقولين انك مو خايفه؟
ترف وهي تدفه وتمسح دموعها : مالك دخل
ضحك بخفه: اوك
عند الهنوف وهي جالسه تتابع المباراة
صرخت بوناسه من سجل الهلال هدف : كفوو جعلني ابوس ذا النخره
ناصر : وجع يالي ماتستحين
لفت له بخوف : من وين تطلع انت
ناصر : تبوسين مين تبيني امحطك ؟
الهنوف : ايش معناها امحطك ذي !
ناصر وهو يقرب لها : معناها كذا
ناظرت فيه وشافته قرب منها
دفته : وش تسوي؟
ناصر : بس بعلمك وش معناها
الهنوف : ناصر وخر لاتقـر..
قاطعها وهو يبوس خدها ويناظر عينها : هذا معناه
دفته الهنوف بخجل ودخلت داخل وهي ترجف
حمد وهو متكتف : ياشيخه ! احلفي طيب
ليال : يارجال وخر بس
مسك يدها حمد : تهربين صح!
ليال : لااا ماله دخل
ابتسم وهو يجلس : تعالي بوريك شي
جلست وهي تناظر : ايش
دخل سيارته وطلع كرتون هديه ومده لها
ناظرت فيه باستغراب : ايش؟
حمد وهو يناظر بعيد : خوذي وش ايش
اخذت الكرتون وابتسمت : لي؟
حمد : اجل لمين !
ضحكت بخجل وبانت غمازتها اللي تخلي حمد يسرح بعالمم ثاني فيها فتحت الكرتون وطلعت السلسال ناظرته باعجاب : وااوو
مد يده واخذه : قربي
لفت وقربت بهدوء ، ورفعت شعرها حط السلسال على عنقها وسكره وقرب منها بهدوء وباس عنقها
شهقت ليال بخجل ولفت : حمد ؟
شتت انظاره بعيد : مقدرت امنع نفسي !
..
اعتذر يابنات مقدرت اطول البارت لكن صدعتت وتعبانه اعذروني 😔
