غمضوا عيونهم البنات من نور السيارة وتمسكوا كلهم بـ ليال من الخوف ، نزلت راسها ليال وهي خلاص ماتقدر تتحمل خافتت كثير وشالت هم البنات
صرختت نوف : ترففف وسلمانن
فتحت عيونها الهنوف : الحمدللههه
رفعت راسها ليال وهي تشوف سلمان وترف
كلهم قاموا الا هي كانت جالسه بالارض وماقدرت توقف ، انحنى سلمان لـ ليال : ليال انتي بخير ؟
رفعت راسها وهي تناظر له : ا اي بخير يلا نمشي
وقفت ليال لكن ماتوازنت
مسكها وهو يثبتها قدام عيونه : ليال !
ناظرت فيه وتمسكت فيه : مدري سلوم
قربت منها ترف وحضنتها : بسم الله عليك
سلمان وهو ماسكها : خايفه ؟
ليال برجفه : لا ابي نمشي يلا
ركبوا كلهم السياره وكان هدوءء والذكل خايف من هدوء سلمان
نوف وهي تهمس للهنوف : اخاف عصب علينا !
الهنوف : اكيد عصب حبيبتي لو خواته حنا كان ذبحنا
ترف وهي تهمس : لا حنون سلمان شوفوا حتى ماهاوش ليال
قاطعهم سلمان : باقي ماصفيت حسابي معكم
شهقو البنات وضحكت ليال
سلمان بعصبيه : ابعرف شي واحد ليه تروحون بدون ماتعلمون احد !
ليال : كنا بنجي مراح نطول واذا قلنا لاهلنا بيرفضون
سلمان بعصبيه : حتى لو ، فرضًا لو صار لكم شي خطفكم احد وانا مادريت عنكم ولا احد انتبه كلهم نايمين وش بتسوون وقتها تبون نجي ونلقى اعضائكم بس !
ترف بخوف : سلمانن لاتقول كذاا بسم الله
سلمان : الا بقول ، وانتي ليه تو تعلميني!
ترف : شسوي عاد هم قالوا اسكتي
سلمان : بس يوم شفتيهم طولوا روحي علمينا مو تجلسين ساكته
ترف بعصبيه : خلاصص مالي ذنب ترااا ماسويت شي الغلط عليهم ليه تدخلني معهم !!
تنهد سلمان وسكت ، لفت ليال لـ ترف : لاتبكين تكفين مالنا خلق
ناظرتها ترف ولفت للباب : اننننن
ضحكوا كلهم ع ترف اللي دمعتها جاهزه وكملوا طريقهم
عند حمد بالسياره
وصلوا المزرعه نزلوا ونزلت بدريه واخذ شنطتها حمد
وتقدموا شافوا سيارة سلمان توها وقفت ناظر حمد باستغراب وشاف سلمان ينزل والبنات معه
تقدم سلمان ببتسامه : الحمدلله ع السلامة ع كيفكم تسافرون بدون علمنا !
حمد : الله يسلمك ، رحنا نجيب بدريه
ابتسم سلمان : نورتي يابدريه حياك الله
بدريه بهدوء : الله يبقيك
قاطعهم صراخ ليال وترف : بدريييييههه
لفت بدريه بخوف وابتسمت اول ماشافت البنات حضنتهم كلهم وهي تبكي : اشتقت لكمم بالحييل
بكت ترف : وربي ماعاد تروحين خلاصص
ضحكت الهنوف وهي تبعدهم : خلوني احضنها خلاص
دخل حمد قسم الرجال ودخلوا معه حمد و عبدالله
حمد وهو ينسدح : مشكور عبود ع المساعده مشورتك معي
عبدالله وهو ينسدح معه : بالعكس افضل سفره لي
سلمان وهو ينسدح بينهم : ليتني معكم بس ، اللي هنا نفسياتت ماصبرني الا خالد و فهد
حمد وهو يلف له : ليه ؟
تنهد سلمان : قهرني بدر مزحت معه وجلس يهاوش ويسب ويشخصن الموضوع
عبدالله: اكيد مزحك ثقيل نفس دايم ولا ماكان زعل
ناظر له سلمان : حتى انت تشوف مزحي ثقيل !
عبدالله استغرب : ليه
لف سلمان : ولا شي
راح عبدالله يطفي النور وانسدح ينام
