صحت الهنوف الساعه 2 بالليل
طلعت من الغرفه وهي مو قادره تنام
جلست بالجلسات اللي برا وهي تناظر القمر
تنهدت : يازين القمرر
ناصر من وراها : اول مره اشوف احد يتغزل بنفسه!
فزت بخوف ولفت : نويصر خرعتني
ناصر بضحكه : شعندك مو نايمه
الهنوف بضيق : مدري
ناصر باستفسار : فيك شي يالهنوف ؟
الهنوف وهي تنزل راسها : لا
جلس جنبها ناصر وناظرها بتمعن : احسك تكذبين!
لفت الهنوف بقلق : ناصر روح لحد يشوفنا هنا ويفهموننا غلط
ناصر : يفهموننا غلط ؟
الهنوف بتوتر : ايوه
ناصر وهو يناظرها بهدوء : وش قصدك !
الهنوف : ما اقصد شي
ناصر : الا تقولين يفهموننا غلط وش مقصدك
الهنوف وهي تقوم : ولا شي خلاص
مسك يدها ناصر : الهنوف ؟
وخرت يده عنها ودخلت داخل وسكرت الباب وقلبها يرجف شافت ليال تناظرها باستغراب وراحت تنسدح
الصباح في بيت ابو نواف
ابو نواف وهو جالس يتقهوا : ريناد
لفت ريناد اللي كانت تسولف مع امها : هلا
ابو نواف : عندك خبر ان الزواج بعد اسبوعين؟
ريناد : اي قالت لي امي
ابو نواف بحنيه : طيب متى بتتجهزين
ريناد : بنروح انا وامي شوي للسوق
ابو نواف : زين اجل قولوا لـ نواف يوديكم انا عندي شغل اليوم
ريناد ببتسامه : تمام
عند البنات في المزرعه
كل البنات بالمطبخ مصحيتهم الجده بدري عشان يسوون الفطور
ليال بحلطمه : ياربي ماشبعت نومم
نوف : تستاهلين وقتك كله مراسل مع ذا الحمد وناسيه انك عند جدتي
ليال : نوف بتخاطرين بعمرك صح؟
ضحكت نوف وهي ترفع السكين : وخري ترا معي السكين اذبحك
ضحكت ليال وهي تطلع الساطور من الدرج : ايهم افضل ؟
دخلت ترف وشهقت : يمه وش فيكم !
ضحكت عبير : ابد حرب بين ليال و نوف
ترف بخوف : انتبهوا بنات تطيح منكم
نوف بتحدي : السكين حقتي حاده مو مثلك
ليال وهي تلعب بالساطور : بس ميزة الساطور تقطعك كلك بعشر ثواني بدون تعب!
دخلت جملا وام حمد عشان يشوفون شغل البنات
جملا بصراخ : يويليي انهبلن البنات !!
طيرت عيونها ام حمد : وش تسوون انتمم !
نوف بأحراج : كنا نمزح مافي شي
ليال ضحكت وقربت من جدتها : جده شفيك خفتي
جملا وهي تطير عينها : يابنت نزليها
ضحكت ليال بقوه وهي تحطها بالدرج : شفيكم ترا ماتخوف
ام ناصر وهي تسحبها مع اذنها : امشي امشي بس فشلتيني مع العرب
ليال بالم : ييمه شفيك ياخي ترا اهلنا ذول ليه افشلك
ام ناصر وهي تحبسها : اجلسي هنا لاتطلعين
طيرت عينها ليال : يمه مو منجدك تخليني لحالي هنا
ام ناصر : كم مره اقول بتكبر وتعقل وكل مالك تطيحين وجهي وتفشليني خليك بذا المكان تعقلين
ليال : يمه ماله دخل اعقل تكفيننن
سكرت ام ناصر الباب وقفلته وراحت تجلس عند الحريم وتتقهوا
جلست ليال بزعل وهمست : افف
عند البنات بالمطبخ
ترف وهي تقطع الخبز : وين راحت ليال
نوف بضحك : تلتها امها مع اذنها مدري وين راحت
الهنوف وهي تصب المويا الحار كانت مسرحه وما استوعبت الا يوم شافت المويا منكب عليها
صرخت بالم وهي تشوف يدها حمرا
ركضت ترف عندها : شفييك
بدريه وهي تاخذ يدها : تعالي بحط عليها سكر
ترف : وش سكر انتي تبينها تتالم
بدريه : الا ترا زين مره للحرق
نوف : لا حطي لبتون يابنت
الهنوف بالم : وخرووووو عني
بعدت بدريه باستغراب : طيب
طلعت برا وغسلت يدها وهي تتالم
جملا دخلت المطبخ : شصار يابنات
عبير : خلصنا ياجده
جملا : وين الهنوف
دخلت الهنوف : موجوده
جملا : زين خوذي هالصحون وديها قسم الرجال تقدرين عليهم ؟
الهنوف : اي اقدر
شالتها بيدينها بالم وراحت عند قسم الرجال
نوف بهمس : يدها منحرقه !
ترف : تعرفين الهنوف كل شي تقوله الا انها تتالم
بدريه : تعالوا ساعدوني خلو السوالف عنكم
أخذوا الصحون وراحوا قسم الحريم
