الهنوف : خل نرجع طيب مايمدي نكمل
نوف : اي تكفين ليال خل نرجع خلاص اخاف نضيع
تنهدت ليال : امشوا والله ان خوتكم ضايعه!
مشوا البنات ع الطريق اللي جو منه يبون يرجعون
عند ناصر وسلمى
وصلوا المستشفى ونزلوا وتوجهوا لغرفة ريوف
ناصر وهو بيده هدايا والعاب : الحلوهه صاحيه!
ناظرت فيه ريوف ببتسامه : ناصررر
ناصر وهو يبوسها : عيون ناصر انتي امريني
ريوف وهي تشكي : تعبت ياناصر ابي اروح عند ماما
سلمى وهي تجلس عندها : ان شاء الله اليوم تطلعين
ناصر : بروح اشوف الدكتور
راح ناصر وجلست سلمى تسولف مع ريوف عشان تغير نفسيتها
دخل ناصر ومعه الدكتور
الدكتور ببتسامه : ريوف شطوره مره وتسمع الكلام والحمدلله هي بخير الحين وتقدر تطلع
ناصر ببتسامه : مشكور يادكتور
ريوف : حماسس بروح البقالهه
سلمى بضحك : كلً على همه سرا
عند حمد نزل من السياره ومعاه عبدالله واتصل ع بدريه
بدريه : هلا حمد
حمد بهدوء : وينك ؟
بدريه : بالبيت مارحت مكان
حمد : طيب البسي عباتك وخوذي اغراضك وانزلي انا تحت عندك
بدريه بشهقه : حمد لااا
حمد باستغراب : شفيك؟
بدريه : حمد تكفى ارجع فيه كميرات قدام البيت رائد بيشوفك كذا
حمد بعصبيه : وش كميرات انا اخوك وجاي اخذك مب اخطفك انزلي بسرعه !
بدريه : تمام يلا
اخذت شنطتها وحطت ملابسها واغراضها كلها ولبست عبايتها ونزلت
عبدالله ناظر فيها وهي نازله وابتسم بهدوء وكان تو يزين حظه ، شافت حمد وتغرقت عيونها وحضنته وهي تبكي : حمد اشتقتت لكك
حمد وهو يحضنها : وانا بعد يلا اركبي
بدريه : ورائد ؟
حمد : اخوك عندك وتخافين منه؟؟
بدريه : لا مو قصدي خوف لكن مايعرف اني طلعت!
حمد : جعل عمره ماعرف امشي يلا
فتح لها حمد الباب اللي ورا ركبت وناظرت ل عبدالله بصدمه همست بينها وبين نفسها : غريبه شجابه!!
عند ابو حمد بالمزرعة
جالس يتقهوا ويسولف مع الرجال فتح جواله واتصل ع حمد يتطمن
حمد : هلا
ابو حمد بهدوء : شصار
حمد : معي بدريه وعبدالله جايين بالطريق
ابو حمد : زين انتبه لنفسك
حمد : ابشر
قفل ولف ل ابو سعود : يارجال انت ما شاء الله عليك تحب الهرج الزايد
ابو سعود : وانا اشوف زوجتي تقول حكاي واجد
ابو ناصر بضحك : والله ان سوالفك تهبل معليك منهم
ابو سعود : زعلت منك يابو حمد ترا
ابتسم ابو حمد بهدوء وهو يناظر له : كمل كمل
ابو خالد : سبحان الله بالابتسامه كأن حمد جالس
ابو ناصر : اي والله ذكر علي حمد
ابو حمد : اشبه حمد ؟
ابو سعود بضحك : هذا الشبل من ذاك الاسد
انسدح ابو حمد وهو يناظر السماء وظلامها : تصدقون عاد اني احب هالمكان
ابو ناصر وهو ينسدح بجنبه : كلنا نحبه مانسيت يوم ابوي يهاوشك عند المزرعه عسى الله يرحمه
تنهد ابو حمد : الله يرحمه ويغفر له ، كانت عيونه علي وين ما اروح لاني ولده الكبير ويشوفني طايش
ابو خالد : عاد ماكنت وقتها طايش كنت كفو والله
ابو سعود بضحك : اذكر يوم زرفت سيارة ابوي ولزقت التهمه بابو حمد مانكر قال انا
ابو ناصر وهو يرفسه : وانت ليه تلزقها فيه
ابو سعود : شسوي وقتها صغير وخايف
ضحك ابو خالد ع ذي الذكريات
ابو حمد وهو يمسح ع شنبه : كنت كل شوي بين المزارع وانتبه للبل ما اطلع واشوف الناس والتطورات
ابو ناصر بتنهيده : كانت ايام حلوه
عند البنات بالصحراء
جلست تبكي نوف : حسبي الله عليك ياليال
الهنوف بخوف : وش سويتي انتي ضعنا لنا ساعات نمشي شوفي الظلام كيف نرجع حتى مو جايبين جوالاتنا !!
ليال بعصبيه : خلاصص عادد مو كل شي تهاوشوني انا عطيتكم الفكره انتم قلتو تم لاتحطون اللوم علي فكوني ترا مو ناقصه!
نوف برجفه تمسكت بليال : ليال أخاف يجينا ذاك اللي خطفك تكفين وراي مستقبل مابي تروح اعضائي
تنهدت ليال : وخري لا ابقسك و اقطع اعضائك المروحه تشوفين بيدي شي !!
الهنوف : بعيد عن كل شي شدخل اعضائش ؟ من يبيهم اساسا شخباريي محد صار ياخذ اعضاء
نوف بخوف : الا الا المحتاجين ياخذونها
ليال ؛ اسكتوا مانبي احد يسمعنا ويعرف اننا ضايعين
الهنوف : هو اصلا فيه احد ؟؟؟؟
نوف : منجد مافي الا حنا الاربعه
الهنوف برعب : نوف مين الرابع !!
نوف وهي تاشر بالأرض : شوفي
صرخت الهنوف وتمسكت بليال : وششوو؟؟
نوف بضحك : اقصد التراب معنا هههههههههههههههه
ليال وهي توخر الهنوف : بعدي عني جايبه رخوم انا
الهنوف : انقلعي يا نوف خرعتيني بالله عليش شدخل التراب!
ليال : امشوا يابنات مانبي يفقدونا
نوف بزعل : محد فقدنا كم لنا طالعين ولا احد جاء اهه بس
ليال : مو وقت ضيمك انتي بعد
عند سلمان كان جالس عند النخل شاف رسايل واجد بالانستا فتحها وشاف بنات معلقين ع صورته اللي منزلها : يازينككك ، ياحلوك ، مرره حلوو ، اخخ حبيته
قفل جواله بعدم اهتمام وراح البيت كان محتاج ليال وبهالوقت بالذات يحس انها تبعد كل همه وضيقته
مجرد مايشوف ضحكتها ، دخل وجاء عند قسم الحريم شاف المكان هدوء عرف ان الحريم نايمين بس جدته صاحيه جلس عندها يسولف
سلمان : اخبارك جدتي
جملا ببتسامه : بخيير ابشرك
سلمان ببتسامه : يازين الديره ليت دوامي هنا واجيك كل شوي اسلم عليك
جملا : ياحظي اذا جيتني والله اني اغليك ياسلوم
مسك يدها يبوسها : والله اني اكثر
سكتوا شوي وتنهد سلمان بضيق : ليال موجوده ؟
جملا : والله مدري ياولدي اكيد عند البنات داخل روح واسالهم انا بروح انام اصبح الصبح تبي شي؟
سلمان : نوم العوافي يابعدي ، سلامتك
راح داخل ودق باب الغرفه طلعت ترف ورجعت ع ورا بخوف : بسم الله شتبي
تنحنح بضيق : ابي ليال
بكت ترف ع طول : سلمانن
فتح الباب وناظرها بذهول : شفييكك ترف!
حطت يدها ع وجهها وبكت بقوه وهي ترجف ، مسك يدها وطلعها برا وهي تبكي للحين : اسكتي لحد يصحى !!
بكت زياده وحط يده ع فمها يسكتها لكن شهقاتها عاليه ، وصلوا عند المزرعه وناظرها باستفسار : شفيك ترف !
ترف ببكاء : ليال و نوف و الهنوف راحوا يشوفون ناقات عمي وماجو للحين مدري شصار لهم
طير عيونه بصدمه : ايشش ، تستهبلين انتي وليش تو تقولين لي
ترف بخوف : توقعت بيجون بس طولوا ، سلمان تكفى اخاف ياخذهم حرامي
ناظرها ؛ مافي حرامي بالصحراء ، بروح لهم الحين لاتخافين
ترف وهي تمسك تيشيرته : بروح معك تكفى
ناظرها بهدوء : انتي تامرين ماتطلبين !
توترت ترف ونزلت عيونها : شكرا
قرب منها ورفع وجهها بيده : لاتنزلين وجهك ابي اتامل
رجف جسمها بخوف : سلمان وش تسوي
استوعب بسرعه وبعد عنها : اسف يلا مشينا
راحت الغرفه تلبس عبايتها وركبوا السيارة
عند ليال جالسه بالارض وجنبها نوف والهنوف منسدحين وحاطين راسهم بحضن ليال
نوف ببكاء : خاييفه يابنات
الهنوف كانت ساكته وقلبها يرجف
ليال وهي تمسح ع راسهم : مافي شي يخوف انا معكم لاتشيلون هم
الهنوف بدموع : اول مره اشوف وحده ماتخاف مثلك
ليال بتنهيده : مافي شي يخوف أهدوا اكيد بيجون ولاتنسون احنا معلمين البنات اكيد بيقولون لاحد
حضنتها نوف : اكثر وحده تحسسني بالامان انتي اخخ ياليال احبك
ابتسمت ليال : حبيبتي انتي
الهنوف وهي تحضن ليال معها : حتى انا وخري لا تحضنينها لحالش
لفو كلهم ع نور السياره اللي جت وخافوا
