البارت 20
بمزرعة الجد سُلطان
عند قسم الحريم
ام ناصر وهي تسوي العشاء وبجنبها
سلمى وهي تقطع الخضروات : ماما
ام ناصر : همم
سلمى : زواج ليال بعد شهر صح
ام ناصر : اي الله يعين
سلمى ببتسامه : متحمسه مره
ام ناصر : مدري وش اسوي البنت مب عاقله والله
سلمى بضحك : ياماما ترا فتره بس صدقيني تتزوج وتعقل معليك
ام ناصر بتنهيده : يارب
ليلة عرس ريناد المنتظره **
لبست فستانها وجلست بالغرفه اللي بالقاعه وتناظر امها واخوها بخوف وتوتر
دخل ابوها ببتسامه : يازين عروستنا
نزلت دموعها بانهيار : باباا
ابو حمد ببتسامه وهو يمسح دموعها : لاتبكين
نواف بحنيه وهو يحضنها : عسى الله يوفقك ويسعدك يا احلى عروس شافتها عيني
ريناد بدموع وهي تمسك يده : نوافف
ابتسم لها وهو يطمنها ، لفت ع امها اللي حظنتها بحب وبكت : الف مبروك يابنتي عسى حياتك كلها سعاده وهنى
ابتسمت لامها وقاطعهم نواف : بيدخل فيصل !
ارتجفت ريناد ولفت تناظر نفسها بالمرايه وتعدل
دخل فيصل ببتسامه جذابه خطف فيها قلب ريناد وسلم عليهم كلهم ولف لها ومسك يدها بهدوء وهو يناظرها باعجاب وهمس لها : سبحان من خلق هالجممال !
نزلت عيونها بتوتر وسكتت
اخذتها امها تلبسها عبايتها وتروح مع فيصل
بسيارة فيصل
نواف واقف ويوصي فيصل : عيني عليك ترا احذر تزعلها او تقول لها شي تراها ريناد القلب !
فيصل ببتسامه: تآمر وريناد على عيني وعلى راسي
ابتسم له نواف وودعه ومشو
لف لها فيصل وتنهد : ياما انتظرت ذا اليوم!!
ابتسمت ريناد وسكتت
عند ليال وسلمان وترف نزلوا كلهم من السيارة
دخلت ليال وترف وشافوا الكل مجتمع ع القهوه
ليال بصوت عالي : جييينا
ام ناصر وهي تحط يدها ع اذنها : صوتك يابنت
جملا ببتسامه : ياهلا والله اجلسو تقهوو معنا
ليال وهي تتربع : تم صبو لي تراني مبطية عن القهوه
الهنوف بهمس : كذابه شفتش الصبح تتقهوين
ليال وهي تقرصها : انطمي لو سمحتي
ترف وهي تجلس بهدوء
ام حمد : وش صار ؟
ليال ببتسامه : ابد ياخاله عطوها ابره وادويه وان شاء الله امورها زيينه
ام حمد ببتسامه : عساني ماخلا من ذا الوجه
ابتسمت ليال ولفت لـ ترف : تحسين انك احسن
ترف وهي تاشر باصبعها : لا
ليال : معليه اصبري شوي وتزين نفسيتك و صحتك
عبير وهي تجلس عندهم : بناتتت زواج خالي قرب بقى له اسبوعع وش اسوي
ابتسمت ليال وناظرت للبنات : الحقينا للغرفه
ركضوا كلهم وناظرت فيهم عبير باستغراب وراحت وراهم ، دخلت ليال ووراها البنات وسكروا الباب
عبير : وشو ؟
ليال وهي تفتح الشنطه : جبنا لك احلى فستان بالدنيا
عبير : اييي صححح ورونيييي
طلعت ليال الفستان ببتسامه : ششرايككك
عبير بانبهار : االله لييييال يجنن !!!
الهنوف وهي تشرب فنجالها : البسيه بنشوفه عليش
قامت عبير تلبسه ودخلت عندهم
نوف بأعجاب : الله ماتوقعت بيطلع حلوو عليك هالقد
ليال : بسم الله عليييك تهبلييين يابنت
الهنوف : تميلحي قدام عيال خالتش وعطيني واحد منهم لاهنتي !
عبير بضحك : يع مو حلوين ترا
ليال بشهقه : والله حلوين حرام عليك
دخلوا بدريه وسلمى وهم يسولفون سكتوا يوم شافوا عبير وابتسموا
بدريه : الله ياعبير وش هالفستان الحلو
عبير : ذوق البنات شراييكمم
سلمى : يجنن يجنن يجنن
لفت عبير على ترف : ماتشاركينا برأيك ؟
ترف وهي ترفع يدها: نايس !
سلمى بضحك : حلوه ذي نايس
قاطعهم اتصال جوال الهنوف لفت بهدوء واخذت جوالها : رقم غريب ؟
ليال : ردي
ردت الهنوف وسمعت صوت رجال
الهنوف : الو
الولد : يالبيه يالصوتت
الهنوف : من معي؟
الولد : واحد يعرفك بس ماعنده قدره يجيك
الهنوف وهي تعقد حواجبها : اخلص من معي !
الولد : اموتت ع بحة الصوت اناا
قفلت الجوال بوجهه وناظرت فيهم : كملوا
ضحكت بدريه وكملت : اي ينفع يا عبير تلبسين عليه كعب ابيض بيطلع يجنن مره
عبير : ايوه افكر كـ..
اتصل جوال الهنوف مره ثانيه وفتحته : خيير ان شاء الله
الولد : حرام عليك تقفلين بوجهي وانا اتكلم !
الهنوف بعصبيه : افتكوا لحيك وثناياك والله ان دقيت مرة ثانيه اني لا اهبدك
الولد : اعوذ بالله شفيك علي ترا ماقلـ..
الهنوف بعصبيه : افلح بس
قفلت بوجهه وناظرت البنات واخذت فنجالها : معليش
نوف بخوف : بسم الله ماخليتي دعوه الا ودعيتيها!
الهنوف : يستحق
عبير : لا الهنوف الله يهداك ترا مايصلح تدعين
الهنوف : اقول انتي وهي لاتسوون فيها لا اهبدكم الحين
ليال بضحك : تجنبوها هي بكامل عصبيتها الحين
بدريه : بنات شرايكم نروح بكرا السوق من بدري نجهز مع ليال لزواجها وناخذ فساتين !
نطت ترف بحماس : ايوه ايوه ايوه
الهنوف : هذي اللي مشوين تعبانه !
ليال بربكه : بنات كانكم مستعجلين!
سلمى : حبيبتي مافي وقت ترا
نوف : قدامم بنات نروح كلناا بس لازم ننام بدري
عبير : كلنا ننام بدري الا ناس الله يستر عليهم لازم يكلمون قبل ينامون ويعرفون نفسهم
ليال وهي تخزها : ودك تنجلدين يا عبير؟
عبير ببتسامه : لاشدعوه احبك مره
ليال : اي زين اركدي
عند قسم الرجال وهم يلعبون كوره
ناصر وهو يلهث : فهد ياغبي ارمها علي
لف فهد وحذف الكوره عليه
اخذ الكوره ناصر وركض فيها وتباطئت خطواته فجاه وحس انه مايشوف شي ، طاح ع الارض مغمي عليه
و صرخوا العيال بقلق : ناصررر
حمد وهو يسند ناصر عليه : ناصر ناصر
سلمان بخوف : وش فيه؟؟
رفع راسه حمد بعجل : خالد شغل السياره ، سعود عبدالله شيلوا ناصر معي بسرعهه
شالوا ناصر مع حمد واخذوه السياره
ركب سلمان سيارته ولحقهم
..
بناتتت والله اني نويت انزل لكم بارتين لكن حصل عندي اختبار بكرا وتو ادري عنه ، بعد ما أخلص ابشرو بالاجازة بنزل لكم بارتات كثير❤️❤️
