جلست ليال جنب حمد ومد لها كاسة الشاي وارتكى على التكايه الي ورا ظهرهم : كييف الجو ؟
ليال وهي تستنشق الهواء البارد : مراا حلو
ابتسم وهو يشرب الشاهي بروقان : زين عجبك !
ليال : حمد
لف يناظرها : هلا
ليال : وش الي يعجبك فيني ؟
حمد : وش هالسؤال !
ليال : جاوب
نزل الكاسه وهو يناظرها : انتي مو بس شي يعجبني فيك ، انتي كلك تعجبيني
اخذ يدها وهو يعدد بـ اصابعها : أولًا ، غمازاتك وابتسامتك تجذبني بالحييل وتجيب اجلي
ثانيًا : عيونك ، تسحر بشكل غريب اذا ناظرت لها ماقدر اشيل عيني عنها ، حقت تأمل !
ثالثًا : قلبك ، ليين وقوي ، صحيح شوي خوافه ، بس تعتبرين مجازفه انا مانسيت يومك رقيتي النخله الكبيره بعمر صغير ، الله يستر لايصير ولدي او بنتي نفس طبعك !!
ابتسمت ليال بخجل وهي تناظر له ، رفع يده يمسك خدودها ويلمس غمازتها : هذي الي اقصدها ، الابتسامة هذي سحرها قوي ، الله يعيني على قوة جمالها !
صدت عيونها عنه بـ احراج : حمد خلاص !
ضحك وهو يرجع يرتكي : سألتيني وجاوبتك
ابتسمت تشرب الشاهي وهي تتأمل يده كيف عروقها بارزه ، ورفعت راسها اتجاه عيونه ورموشه الكثيفه وشعره وحواجبه وتنهدت
ناظرها وابتسم : وانتي ، وش الي يعجبك فيني !
نزلت الكاسه : امم عيونك حلوين ويدك حلوه وكل شي حلو ، بس عندك مشكله وحده
حمد : وشهي
ليال : انك عصبي شوي ، مع انك هالفتره صاير متغير عن قبل ، حبيت التغير بس تبقى بعيوني حمد الحب الاول من الطفولة !
ناظرها بذهول ولف عنها : قومي ، خل ننام وراي شغل بكرا
ضحكت وهي تعرف انه ماعرف يرد : خيير مو من حقك تقول كلام حلو وانا لا!
قرب لها بسرعه وشهقت من ارتفعت عن الارض ، شايلها بيدينه : مشينا يا ام لسان !
ضحكت وهي تحاوط رقبته ، وماتدري انها بهالحركه حركت مشاعره وذوبته
عند ناصر والهنوف الي نزلوا من السياره ودخلوا بيت ابو ناصر
ناصر : سلام ياحلووين
ابو ناصر : يهلا وعليكم السلام
ام ناصر : حيياكم الله
سلمت عليهم الهنوف وجلست ببتسامه جنب ناصر : كيف حالش خالتي
ام ناصر : بخيير يابعد قلبي ، كيفك انتي ان شاء الله احسن من قبل !
الهنوف : لا الحمدلله احسن ، وناصر ماقصر تفاهم معهم ومسحو الصور
ابو ناصر : الحمدلله
ناصر : اي والله وين ليال والبنات ؟
ام ناصر : البنات نايمات اما ليال مدري شفيها الصبح اليوم ممداها جتنا على طول راحت بيتها تقول تعبانه
ناصر : عسى ماشر غريبه عليها اساسا ، توقعتها بتستقبلنا
ابو ناصر : شوفوها دقوا عليها ليكون بها شي
عقدت حواجبها الهنوف : هي راحت مع حمد لـ البنت الي نشرت صوري ! ليكون سوت لها شي
اتصل ناصر عليها بس مارد ، ورجع يتصل على حمد
حمد : هلا
ناصر : شفيها ليال !!
حمد بـ استغراب : وش بها ؟
ناصر : مدري ليه ماترد على جوالها صار لها شي !
حمد : ماعليك هي بخير ونايمه الحين ، ماصار لها شي
ناصر : زين ، اسفين على الازعاج
ضحك ناصر وهو يقفل ويناظرهم : نايمه القطوه ، خرعتنا
الهنوف : الحمدلله انها بخيير والله خفت عليها
قامت ام ناصر تصب القهوه وتسولف معهم
