في بيت ابو خالد
لفت ام خالد على دخول بدر للبيت و ناظرته بغضب : زين شرفت وعرفت ان عندك بيت !
ناظرها ببرود ولف بيمشي لكن وقف بعد ما صرخت ام خالد بغضب : بدر اكلمك !!!
بدر : هلا
ام خالد : لييه مطنش ماتعرف ان عندك بيت واهل رايح تسربت وماترجع الا بعد اسابيع وشهور سلامات ؟
ولا عشاني ما شديت عليك صرت داشر !
لف يضحك بسخريه : حلوين ماشديتي ولا مانتبهتي ؟
طبعا يا امي العزيزه ما انتبتهي توك تتذكرين ان عندك ولد اسمه بدر ماكان يجي البيت صح !
ام خالد : شقصدك ؟ يعني انا مهمله ؟ ماتستحي انت
نزلوا كلهم على صوت ام خالد وخافت نوف
بدر ببرود : افهميها مثل ماتبين !
لفت ام خالد عليهم : تفاهموا مع الثلجه ذا !
نزل ابو خالد ولف يناظر بدر : وين كنت ؟
بدر بسخريه : يـهمك !
ابو خالد بحده : اكرر ويين كنت ؟
بدر : عند اخوياي
ابو خالد : منهم اخوياك ؟
بدر : ماتعرفهم
ابو خالد : وليه تو ترجع وين كنت امس ؟
بدر : ماقد سالتوني هالاسالة شصاير !
تنهدت ام خالد : بدر ، اكلت شي ؟
بدر بسخريه : بديت اخاف وتهتمون بعد ياساتر !
خالد بغضب : تكلم مع ابوي وامي زين بدون قلة ادب
بدر بضحك : بالله عليك ؟ انت اخر واحد يتكلم عن الادب لاتسوي فيها نظيف ومؤدب مفارقك ! وانتو بعد لاتقومون تهتمون فجأة الاهتمام المفاجئ شين ترا !
التفت وراح لغرفته وسكر الباب بقوه
لفت ام خالد : وش اسوي ، مايعطيني فرصه
نوف : هذا غلطكم وصلحوه انتم مهملينه وفجأة اهتميتوا وش تتوقعون منه يعني ؟
ام خالد : اص انتي ماكبر راسه الا انتي وكلامك
نوف : وانا صادقه شوفوا تعاملكم معه من حقه يبعد عنكم ويصد انا عن نفسي ما الومه
لفت لـ خالد : وانت بعد لاتقوم تهاوشه وانت اردى منه
لفت تدخل غرفة بدر
لف خالد : سمعتوا صايره البزر لسانها طويل !
ابو خالد وهو يجلس : ماقالت الا الحق الله يزينها
تنهدت ام خالد ورجعت تجلس مكانها
عند بدر و نوف
ابتسمت وهي تشوفه منسدح يناظر السقف : هاي !
لف يناظرها وتنهد : نعم
تقدمت وجلست جنبه على طرف السرير : كيفك ؟
بدر : بخير
نوف بضحك جمعت يدينها ببعض : تدري بدر وجه ماما يضحك وهي معصبه
ناظرها بدر بهدوء : نوف
خافت نوف : هلا بدر
بدر بهدوء : فيه طلبية جايه استلميها معي
نوف : ايش الطلبيه؟ متى؟
بدر وهو يقوم : امشي معي
طلعت معه وهي متحمسه وطلعوا برا وفتح الباب ياخذ الطلبيه من المندوب ورجع معها للغرفه وعطاها الاغراض : خوذي
نوف باستغراب : وشو
بدر وهو يرتكي : افتحيها
نوف بخجل : بس هذي اغراضك عيب افتحها
بدر : انا قلت لك افتحيها
اخذت الصندوق وفتحته وشهقت : وواااوو !!! بدر؟؟
نطت وحضنته وهي تصرخ : احببككك وربييي
ابتسم بخفه وهو يبادلها : شفته بخاطرك قبل اسبوع وطلبته
ضحكت بسعاده وهي حاضنته : بدر صدق انت مميز !
ابتسم وهو يرجع ورا : مميز عشان جبته لك ولا عشان شي ثاني اعترفي
نوف : لا طبعا طول عمرك مميز
تنهد وحس براحه من شاف فرحة نوف بالشنطه اللي كانت بخاطرها بس كانت غاليه ، انصدم من رفعت الكاميرا تصور : بعد عمري بدر احبببه يابناتت شوفوا ايش اهداني
رفع يده يغطي وجهه : نووووف ماحب التصويير !
ضحكت نوف ونزلت المقطع ستوري وحضنته : وربي احبك
ابتسم بخفه : اي شي تبينه وتحتاجيينه قولي لي تمام؟
نوف : تم ، وانت بعد
بدر : انا وشو ؟
نوف : اذا بغيت مني شي او احتجت شي لايردك لسانك تمام بدوري ؟
عقد حاجبه : تمام بس لاتقولين بدوري
ابتسمت : ابشر بدوري
تنهد : اطلعي وطفي النور بنام
نوف : من عيييوني
طلعت برا وهي تركض لـ غرفتها بفرح من الهديه اللي ماتوقعت احد يجيبها لها لانها كانت فقط امنيه
