الساعه 2 بـ منتصف الليل عند ريان والعيال ببيت ابو ناصر بالمجلس مجتمعين
ناصر وهو ميت ضحك : احلف وش سويت طيب؟
ريان : والله هربت وفكيت نفسي ، ياولد نشبت لي تقهر
ناصر : كيفها عاد مزيونة ؟
ريان : والله ما احسها مزيونه مع ان الكل خاق عليها بس احسها مو ستايلي
نايف وهو يلعب بـ شنبه : وشهو ستايلك اجل
ريان : والله الصدق مدري بس ماحبيتها واكره اللي تلاحق الرجال بس عشانها تحبه!
ناصر : ماعندهم حياء اكيد بيشوفونه شي عادي
جاهم عبدالله ونزل القهوه : سمهاري عندنا ترا مراح تمشي
ريان : والله الوقت تأخر وانا خاطري اسافر لـ المزرعه واشوف اهلي
نايف : معليك لاحق عليها ارتاح اليوم ونام وبكرا حرك
جاهم سلمان وبيده البلوت : قوم انت وياه خلوني اكسر راسكم
وسع عيونه بصدمه : رييان؟؟
قام ريان يحضنه : ياهلااا بـ سلوم
سلمان وهو يضربه بمزح : متى جيت ياكلب!
ضحك ريان : اليوم ، ييووهه والله اني اشتقت لـ البلوت تصدق
عدلوا جلستهم وتجمعوا يلعبون بلوت
قعدوا يسولفون الليل كله ولا حسو بالوقت الا يوم إذن الفجر وابتسم ريان : ياحي هالصوت حيياهه اشهد اني فاقده !
ناصر : والله بعذرك كم لك هناك حول ٤ او ٣ سنوات
عبدالله : الحمدلله انك جيت نورت ديارك والله
ريان : ياحبيبي والله
توضوا وراحوا يصلون واتصل ناصر على ريوف : ريوف حبيبي
ريوف : هلا ناصر
ناصر : نبي قهوه وفطور معاي العيال راجعين البيت
ريوف : قول لـ سلمى مشغوله قاعده ارسم !
ناصر : ريوف يلا بسرعه لاتزعليني منك
تأففت وقامت تجهز القهوه والفطور ولفت على صوت ام ناصر : صباح الخير غريبه مصحصحه بدري وتجهزين الفطور
ريوف وهي ترتكي على الطاوله : ناصر يبي اسوي قهوه عشان ريان والعيال عنده
ام ناصر ببتسامه : يازينه ريان محلو والله
ريوف وهي تناظر القهوه وهي تغلي : مو لذي الدرجه !
ضحكت ام ناصر : تمام عطينا حتى حنا قهوه ابوك تو صحى
تنهدت وهي تصب القهوه : ابشري
الصباح عند حمد وليال
صحت ليال ولفت وشافت حمد نايم ، قامت تتجهز وتناظر نفسها بالمرايا : من زمان ماكشخت امس كله نايمه من التعب كأني نفاس
فتحت الدرج وحطت ميكب خفييف ولبست بجامه قصيره لونها وردي فاتح وجلست بعد ماسوت القهوه واخذت جوالها تدق على البنات فيديو وتسال عن اخبارهم وقفلت من عند ريناد وهي تضحك
اتصلت عليها ريوف : لييال
ليال : لبيه ريوف شعندك
ريوف : تخيلي من جاء امس!
ليال وهي تشرب قهوه : منهو؟
ريوف : ريان
ليال بذهول : احلفي ، عشان كذا امس اتصل ناصر على حمد !
ريوف : ايي
ليال وهي ترتكي ببتسامه : وانتي فرحانه ها ؟
ريوف : وجع من قال ، الغبي اللي يدق عليك
قفلت بوجه ليال وانصدمت ليال : شدعوه كنت امزح !
رفعت راسها وهي تشوف حمد طالع من الحمام وعليه المنشفه : صباح الخير
ليال : صباح النورر
جلس جنبها وارتكى : مصحصه اليوم ورجعتي لشقاوتك !
ضحكت ليال واخذت القهوه : قهوه؟
حمد : تشاوريني؟
صبت له وجلست جنبه : الهنوف مصره علينا نجي عشان نتابع معها مباراة كأس العالم تصدق
حمد : ايي حتى العيال يبوني اجيهم ونتابعها
ليال : اجل ابيك توديني بيت عمي ابو سعود
هز راسه وناظرها : متى يبدا دوامك ؟
ليال : باقي يومين ويبدا اخخ مالي خلق
حمد : هالله هالله عاد مانبي مشاكل !
ليال وهي تخزه : من قال اني بتمشكل
حمد وهو يرفع كتوفه ببتسامه : مدري قلت يمكن تتهاوشين بما انك ماتمسكين اعصابك ! بس ترا الجامعه غير عن الثانوي ياليت تفرقين ، هنا مافي مديره تحل امورك ترفع عليك قضيه عنف وتروحين بخرايطها عاد ترا مالي خلق ادور محامي !
وسعت عيونها ونطت وهي تخنقه وهو ماسكها وميت ضحك : اوريك ياحمد اوريييك !
في بيت ابو سعود الساعه ٧ الكل مجتمع في الصاله ومتحمسين عشان المباراة
رفعت شعرها الهنوف بحماس وهي تاكل الفشار : يالبييهه احبه احبهه ذا احبه
ليال بأستغراب : منهو الي تحبينه !
رفعت الهنوف اصبعها تأشر : العويس طبعا
ترف وهي تبرد اظافرها : بنات ويع مرا مو حلوين
نوف : لازم يصيرون حلوين يعني؟
ليال : اصص بنات بركز
قامت ترف تغير مكانها وتدخل المطبخ تسوي حلا بما انها طفشت ، شغلت مسلسلها وهي تشتغل وتتابع بنفس الوقت
صرخوا الهنوف وليال بفرحه من سجلوا هدف وحضنو بعض وهم يصارخون اما نوف كانت تصور : اصص بناتت
في الاستراحة كان الكل جالس يتابع المباراه ومتحمسين
دخل فهد بسرعه وجلس : وش فاتني؟
سلمان : معليك توه بدا الشوط الاول
ابتسم ناصر اول ماشاف تصوير ليال وسمع صوت الهنوف وكتب : خليها تهدي شفيها متحمسه كذا !
ليال : مدريي عنها تقول احب العويس
ناصر : هين هين يالهنوف
رفع جواله حمد اول ماشاف رساله من دوامه وعقد حواجبه وتأفف وهو يقوم
سعود : وين وين تو جلسنا !
نايف : سلامات حمد اجلس
حمد : والله عندي شغل ضروري شويات اجي
ناصر : مايتأجل ؟
حمد : لا والله
طلع وركب سيارته وهو توه ارتاح من شغله ورجعوه لان حمد الوحيد اللي يعتمدون عليه بكل شي
عند مهلهل ببيته
جالس يسوي قهوته بالملحق ويدندن بروقان رفع جواله يدق على سلمان
سلمان : هلاا مخلل
مهلهل : ياولد كم مره اقول لك اسمي مهلهل !
ضحك سلمان : ويينك عاد ؟
مهلهل : بالبيت ابيك تجيني
سلمان : شرايك انت تجي عندي ونتابع المباراه
مهلهل : لا لا ابيك انت الي تجي
فهد وهو يدف سلمان : من تكلم ؟
سلمان : مخلخل !
صرخ مهلهل : ياولدد
ضحك سلمان وقام : يلا يلا جهز القهوه بجيب حلا معي
قفل وقام
فهد : وين وين؟
سلمان : يبيني اجيه
فهد : ماتلاحظ انك صاير لازق به واجد؟
سلمان وهو يلبس جزمته : لا بالعكس وربي يونس وطيوب على نياته يشبهني
فهد بحده : سلمان !
سلمان : شفيك انت ترا ماسويت غلط خويي يبيني اجيه وبروح له
لف على العيال اللي يناظرون لهم : وين الغلط في اني ابي اروح له؟
فهد : سلماان تراك متغيير خفف شوي زيارات انت ومهلهل ذا صاير تطلع معه اكثر من انك تطلع معي !
سلمان : اها قول انك غرت شدعوه فهود دايم انت مقابل خشتي ماطفشت!
فهد : سلمان !
رفع جواله سلمان اول ما اتصل مهلهل وابتسم سحب فهد الجوال منه ، رفع حاجبه سلمان : شفيك انت! هات جوالي
قاموا العيال بعد ماحسو ان الموضوع كبر
ريان : عيال شدعوه هدو شفيكم!
لف فهد على سلمان : وربي لا اكسرك اذا شفتك رايح له !
وسع عيونه سلمان : فهد خيير تراك مو ابوي عشان تتحكم فيني وين ما اروح وين ما اجي!
فهد بعصبيه : تستاهل لانك بزر وتبي تضيع نفس ضيعتك الاولى تمشي وتصادق الرايح والجاي !
سلمان وهو يدفه بعصبيه : منجدك انت يعني بتقعد تعيد سالفه راحت وانتهت تحب تعيب فيني انت ؟
ناصر : خلاص ياشباب طولتوها وهي قصيره
فهد بقهر : الحين الي صار يخاف عليك تسميه يعيب فيك ؟ خلاص روح له بس لاعاد اشوفك ولاتشوفني
حذف جوال سلمان عليه وطلع من الاستراحة
سلمان بذهول : شفيه ذا زوجتي وانا مدري؟
ريان بضحك : غيرة الصديق اشين غيره ترا
..
اهلييين بناتتت الحمدلله رجع حسابي وبنزل لكم اكثر بأذن الله 🫡
