الصباح الساعه 7
صحصحت سلمى وفتحت شعرها بنشاط طلعت برا الخيمه وهي تشوف شروق الشمس ابتسمت لان الجو كان بارددد ونسيهم الهوا كان يداعب شعرها ، راحت توضي وتصلي وتسوي القهوه وجلست بالفرشه وهي تتقهوا وتدندن
تنحنح سعود : يابنت
غطت وجهها بالطرحه : هلا
سعود : امي صاحيه؟
سلمى : لا
سعود : الهنوف ؟
سلمى : لا محد صاحي
سعود : تمام
سلمى بتردد : سعود ترا فيه قهوه اذا تبي
سعود وهو يناظرها : انتي سويتيها؟
سلمى : ايوه
سعود ببتسامه : اجل عطيناها
ابتسمت واخذت القهوه وهي تحطها عنده
سعود : مشكوره ياسلمى
سلمى : العفو
راحت ورجعت تنسدح وهي تناظر فوق ابتسمت وهي تناظر البنات : صدق ان الحب شعوره غريب !
الهنوف : وش اللي غريب
سلمى بخوف : بسم الله
الهنوف : بسم الله عليش وش فيش اخترعتي
سلمى : متى صحيتي انتي
الهنوف : توني صاحيه راسي ماش والله خاطري اتقهوا
سلمى : فيه قهوه عند سعود سويتها مشوين
الهنوف : صدق ، لبى والله مبسمش
ابتسمت سلمى ولفت تنام شوي
عند ريان ومتعب
كان ريان يلعب بالقلم بصوت عالي ويفكر ، ماكان منتبه للحصه
لف ع صوت الاستاذ : ? Rayan
ريان بسرعه : ! Yes
الاستاذ : ? is there a problem
ريان بفشله : no, sorry
الاستاذ : Please focus with me
ريان : OK
جلس ريان بفشله وهو يناظر متعب
لف متعب بضحكه : شفيك سرحت ازعجتنا بصوت القلم
ريان : لف وجهك قبل احوسه
متعب : طيب
بعد نص ساعه طلع ريان ومعاه متعب وكانوا يسولفون
ايلا بصوت عالي : Rayan
ريان بحلطمه : يليل ذي بعد
متعب: تحمل عاد معجباتك
ايلا وهي تمسك يده بتعاطف : Rayan You are fine
ريان بتعب : يابنت وخري تراك بلشه
ناظرت فيه باستغراب : ! What
متعب بتسليك : just needs to rest
ايلا : I'm sorry
راح ريان وتركها ولحقه متعب : ولد شفيك عليها
ريان : ياشيخ خل تنقلع كل شوي ناشبه لي والناس تطلع عني اشاعات انها حبيبتي ومدري ايش فكني منها
متعب : عاد مزه والله
ناظر له ريان بحده وابتسم متعب بوهقه : امزح معك
عند البنات بعد ماصحصحو
ليال وهي تشرب قهوه : يازيننن البرر واجوائه
نوف وهي جالسه تناظر بجوالها : امم صادقه
الهنوف وهي تشرب قهوه : وش تسوين بجوالش انتي
نوف : استفسر عن حاجه امس ماقدرت انام افكر فيها
الهنوف : وش هي؟
نوف : بعرف متى يفتح التسجيل بالجامعات
الهنوف : يوهه والله انش فاضيه
ترف : منجد تخيلوا بس بوسط الاجازه افكر بالدارسه
عبير : بالعكس والله نوف ذكيه وكفو مفروض تعرف متى عشان تسجل على طول مو مثلكم لازم احد يقولكم
ليال وهي تجلس : سديها انتي وهي مسوين مثقفات على روسنا
الهنوف بضحك : يعجبني برودش ياليال
ليال وهي تغمز : كيف بس !
نوف : انا بروح لامي اشاورها وانتو طسو
ترف وهي تتوجه للخيمه : عبير تعالي بوريك اشياء تهبل شريتها يوم كنت بالرياض
عبير : حماسس وريني
ريوف وهي تركض : ليال ليال
ليال : هااه شتبين
ريوف بخوف : ناصر مات
شهقت ليال : شتقولين انتي
ريوف : والله انا شفته مات
ركضوا ليال و الهنوف بخوف للعيال وشافوا ناصر منسدح ع ظهره وبيده جواله ، شهقت ليال وجلست وهي تصفق خده : ناصرر ناصر
الهنوف وهي تلمس يده : يده بارده!
ليال : ايشش
الهنوف وهي تقوم : خليش هنا بنادي سعود
مسكها ناصر وهو ميت ضحك ويناظرهم ، استغربت الهنوف وناظرته
ليال وهي تدفه : نويصر خير !!
ضحك بقوه : وربي كنت اخوف ريوف بس ماتوقعت تقول لكم
ناظرت فيه الهنوف ونزلت دموعها وراحت الخيمه
ليال وهي تناظر له : وش استفدت الحين !
ناصر وهو يحط يده ورا راسه : ماتوقعت تقول لكم والله ، ليكون بكت هذي
ليال : اكيد بتبكي ترا اللي تسويه ابدا مايضحك !
ناصر : والله معليش كنت ابي المقلب البزر طلعت انا البزر
دفته ليال بزعل وراحت للخيمه عند الهنوف
شافت الهنوف جالسه وحاطه يدها ع قلبها جلست عندها وهي تناظرها : هنوفتي !
الهنوف : هلا
ليال : يمزح ترا
الهنوف وهي تنزل راسها وتبكي : خفت يكون بسبب المرض اللي فيه عجزت امسك نفسي
ليال وهي تحضنها ببتسامه : ياليييت الكل مثل قلبك !
الهنوف وهي تمسح دموعها : لو سمحتي قلبي واحد بس مافي مثله
ليال بغمزه : قلبك واحد ورايح مع واحد صح
الهنوف وهي تدفها : قومي بس صرتي وصخه من قربتي تعرسين
شهقت ليال : شتقصدييين !!
الهنوف : تعرفين وش اقصد افلحي يلا
قامت الهنوف وهي تضحك على ليال اللي وجهها قلب اللوان من الخجل
