رواية الضلع المائل "قلوب صعيدية الجزء الثانى سابقا"

اعلان هام

من هنا تبدا النهاية أو تبدأ البداية🥺

قرارت النهارده بعد مرور 6 سنين على مشوار بدايتى للكتابة اسجل اللحظة الفاصلة دى فى حياتى ككاتبة.
أنا بدأت الكاتبة من ٢٠١٩ بأول رواية لى قلوب صعيدية مش هكدب على نفسي واقول أنى كنت بكتب بطريقة عشرة على عشرة... لا ما شاء الله كانت عندى أخطاء لا تعد بس الغريب لقيت الرواية بقى لها مشاهدات وتفاعل ولما حسيت أن لى جمهور اتفجأت بهجوم غير مبرر لى أنى بكتب حاجات خادشة للحياء برغم أن مفيش ولا رواية لى فيها مشاهد بالمنظر ده.. ويتحذف رواياتى لمدة سنة من على الواتباد بسبب بلاغات كاذبه للواتباد فارفع بلاغ للواتباد باعادة نشر رواياتى والتححقق من الأمر وحصل ورجع لى حسابى بس طبعا بعد ما خسرت متابعين اللى كانوا بيشجعونى أنى استمر فى الكاتبة وخلال السنة اللى كان الواتباد حذف فصول ورويات لى دورت على مكان انشر فيه وكان الطريق ده جوجل وبرضوه الناس اللى بيحبوا الخير زى عنيهم دخلوا هاجمونى انتى بتنزل لينا روابط وبتعذبينا معاكى وانتى مش عارفه ايه؟ برغم انى فى كاتبات غير كانوا بيعملوا كده عادى ومتابعينهم عادى بس متعرفش ليه يا مؤمن الهجوم ده ليه😔
وتلف الأيام خلال السنة وياجى لى عرض انشر على تطبيق اسمه دريمى يالهوى على الهجوم وقلة الأحترم مش هقول قلة أدب كلام لا يقال برغم برضوه ان بنسبة ٩٠% من الكاتبات نشره عليه لكن هجمومنى بطريقة مبالغ فيها انتى مادية حقيره بتجروا وراى الفلوس انتى مش مهم عندك متابعينك اللى كبروكى وانتى وانتى كتير من ده
ساعتها حذفت كل رواياتى بس فى ناس على رأسي والله دخلت لى وقعدة تقول لى كلام طيب بخاطرى ورجعت نشرت تانى رواياتى وتعاد الكره من تانى يا مؤمن معلش يا مؤمن استحملنى😂🤭
رجعوا هجمونى تانى ليه بقا المرة دى يا ترى🙂
عشان قال ايه نشرت ورقى وبرضوه رجعت ماديه حقير يا حج مؤمن ما ليك عليا حلفان يا جدع انا والله ما قبض جنية دا كله رايح😭
طيب معلش قولى انا المفروض اعمل ايه؟ حضرتك عايز تقرأ لى على عينى 😍 مش عجبك اسلوبي مش مجبر تقرأ لى حضرتك لكن نقعد فى كل مكان نعلق ونبعت رسايل بالمنظر ده أنتى او انت ايه استفدت ؟ يا ستى عايزه تنقدى نقد بناء على عينى ورأسي لكن ليه الأسلوب ده😔
انا قرارت ارجع انشر رواياتى من جديد ببداية جديدة وتعديل الاحداث واضافة مشاهد جديدة لقيت ناس محترمه بتشجعنى وتنقد بحترم هكمل لقيت غير كده ساعتها هعتذر لكم بكل هدوء على ازعاجى ليكم بكتباتى وهحذف كل رواياتى وحسابي وتنسوا وقتها  ان كان فى كاتبة اسمها هدير خليل
بعتذر ليكم على الأطاله
دمتم بخير❤️