اليتم وظلم المجتمع

بارت التاسع والثلاثون

#امنيه
#اليتم وظلم المجتمع
........
احب عيونج المايستحن مني
ياهو الحط شرط بس بالخجل
يحلن
اذا مولوني يسكي بشوفهن يعمن
........
علي:- تقريباً صار اكثر من سنه عذراء يمنه
طول مدة بقائها وانه اتهرب من البيت حتى اذا اضطريت احاجيها مااباوع عليها لان يجيني احساس
جاي اخون حسين
او جاي اخون نفسي لان وعدت نفسي اطلعها من كلبي
واكطع مشاعري من اساسها
شي غريب اعجابي ومشاعري الها رغم انه ماشفتها غير مرة وحدة بس سبحان الله
من التقن عيوني بعيونها شي بداخلي اتحرك حسيتها من اهلي حسيتها تعودلي من ذيج النضرة وانه اشهر افكر بيها حتى من امشي بشارع اباوع عالبيوت اكول ممكن تطلع بواحد من  ذني البيوت
بعدين اكول لا يمكن تطلع من غير محافظة اصلاً
وسبحان اللي خله القدر يجيبها بنص بيتي بس اجت مرت اخوي
ومن ذاك اليوم واعدت نفسي احسبها اختي
بس مرات تخوني نفسي والكة روحي صافن برموشها
لو من اسمع صوتها كلبي يفز
ابقى استغفر ربي والوم بنفسي قررت اتزوج بس مااكدر اظلم بت الناس وياي بقيت اتهرب منها ومن البيت
مشكلتها هي واخواتها وي خوالها  جبرتني احجي وياها حتى اساعدها لان بالنهاية هي بتنه
وحسوني مايعرف الدنيا ولا مخالط ناس
مايعرف اي شي فماكو غيري
اشوف الابنيه مستحية مني بس هي هم مضطرة تحاجيني وتسئلني
ابن عمها كل فترة يجي اتفقنة تقدم دعوة هي واخواتها على خالها بس لازم نأمن اخواتها يلا نبدي
هاي الفترة بالي كلة وي حسين مريض وتعبان ماادري شبيه ومايقبل يروح للطبيب
محتار بيه ومنا نريد نحل هاي المشكلة
جنت كاعد بالاستقبال افكر شلون اذا ماربحن الدعوة
وشنو راح يصير اجت عذراء تركض وجها مخطوف وتلهث وتصيح باسمي
من شفتها وكفت على حيلي من الخوف
كتلها شبيج شكو

عذراء:- حسين متخربط ماادري شبيه اكعد بيه ميحاجيني

علي:- رحت ركض لغرفة حسين منكد ماجنت متوتر وخايف عليه نضربت اباب الغرفة ونجرح اصبعي وماحسيت بيه شفتة امدد على الجرباية ووجها اصفر وعركان ومايكدر يتحرك كوة يجر النفس
ركضت بيه للمستشفى ولليل يلا صار احسن

عذراء:- كملت شغلي وكلت خل اروح اشوف حسين 
اليوم مانزل من الغرفة ابدد
صعدت لكيته متخربط حاجيتة هزيتة ماكو ولا حركة
نزلت ركض لعلي الحمدلله جان موجود اخذة للمستشفى هو وعمتي لليل يلا جابوا تلكيته اباب الحوش اتطمن عليه من شافني ابتسم

حسين:- لاتخافين انه زين مااموت واعوفج اريد ابقى وياج

عذراء:- اسم الله عليك حبيبي
من كتلة هيج ضحك دخلوا للبيت ماصعدوا للغرفة مابيه حيل يصعد اخذ علاجة ونام
لاحضت وجه علي محتقن وعبالك يريد يبجي
ومقهور
كتلة واني خايفة من ردة
..ابو ماسه اكو شي؟شنو كالو على حسين ليش هيج حالتة؟
...باوعلي وصفن عليه بلعت ريكي من الخجل بس بقيت منتظرة جوابة
كال
علي:- لا ماكو شي مابيه شي ان شاءالله بس نقص فيتامنيات وسؤ تغذية على العلاج يصير زين