رواية " رحلة عذابي انا "
الفصل : الخامس والاربعون
بعنوان : #أتاريك_يا_قلبي_عشتي_بعذاب
أصابته كلمات فهد بصدمة صاعقة ؛ معقولة هالكلام ما أصدق
قام فيصل كالمجنون وخرج من المجلس وسط استغراب الشابين وعاد بعد دقائق يجر أمه على كرسيها المتحرك وكانه جاء بها يستوضح منها او على الاقل تعينه على فهم ما يقولون.
فيصل بحدة وهو يشير على فارس : يما هذا زوج ملاك الي كانت تشتغل عندنا وهذا رفيقه جايين يدورون عليها.
وأكمل بضيق : يما يقولون ان ملاك هي بنت منال من زواج سابق ؛ يما انت سمعتي أو تدرين بأي شي من هاللي يقولونه!
أم فيصل نظرت لهم بدهشة وصدمة : لا والله يا ولدي .
وببعض التفكير : لكن ما أستبعد انه كلامهم صحيح ؛ ملاك الخالق الناطق جدتك شيخة مو بس شكلها بعد دينها وأخلاقها.
فارس بضيق : أذا ما انت متأكد اسأل أختك او بنتها والعالم الله وش صار بينهم حتى انت اخوها ما تدري بزواجها وحتى ملاك تنكر ان أمها لا زالت موجودة على قيد الحياة.
نظر فيصل الى امه باستهجان ورفع الهاتف واتصل مباشرة مع أخته ام منال التي ردت عليه بترحيب ؛
لكنه سأل بكل حدة : جاوبيني يا أم منال صحيح منال كانت متزوجة قبل وعندها بنت أسمها ملاك.
سكتت ام منال للحظة ثم أجابت بثبات : نعم صحيح وزوجها أبو محمد عنده خبر و..
قاطعها بغضب : وانا اخوك مالي حق أعرف ؛ ووينها ملاك الحين!
ام منال بألم : الحين البنت ضايعة بعد ما هربت من بيت ابوها وللحين ما يدرون عنها شي.
فيصل بغضب : تدرين ان هالبنت كانت تشتغل عندي بالبيت شهور وأنا ما أدري انها بنت منال الا لما جا زوجها يدورها!
أخبار صادمة لأم منال : يعني هي الحين عندك!
فيصل بحزن : يا ريتها عندي لها شهرين تاركة الشغل وأنا ما ادري انها من لحمي ودمي.
المكالمة سمعها الجميع على السماعة الخارجية وسمعوا كلام أم منال بانها قادمة هذه الليلة .
فيصل وضع وجهه بين كفيه بغضب بينما قام فهد
وفارس ؛ وفارس يوصي فيصل : لما تحضر ام منال اتصل فيني أبغى أكلمها ضروري.
هز فيصل راسه بأيجاب وهو لا زال في ذهنه آلاف الأسئلة التي تشغل بال فارس أيضاً وأهمها " لماذا ملاك قالت عن أمها ميتة ".
***
ميسون بعد طول تفكير رفعت وجه نوف وقالت : أحنا الحين لازم نلقى طريقة نجبر الزفت يوسف يصلّح غلطه غصب عن خشمه.
نوف بسخرية : هذا حقير وواطي وما يهمه شي ؛ ابوه معطيه المال والحرية وما يخاف من شي.
ميسون بحدة : ودامك عارفة لي..
أنت تقرأ
رحلة عذابي انا
Genel Kurguالسلام عليكم ورحمة الله وبركاته #روايتي_الجديدة _ رحلة عذابي انا _رواية منقوله #الكاتبة_جواهر_بني_صخر تنبيه هام يرجى العلم أن رواية رحلة عذابي أنا تم تثبيت حقوق الملكية لها لي وبانتظار اكتمالها حتى يسجل لها رقم تسلسلي في دائرة النشر والمطبوعات ال...
