លោកប្ដីម្ចាស់បេះដូង💜 (ចប់)

ភាគទី៤៦:គ្រប់យ៉ាងត្រូវបានដោះស្រាយ

រីករាយក្នុងការអាន.....

គ្រប់យ៉ាងដូចទៅតាមគម្រោងការព្រោះពេលនេះជុងហ្គុកកំពុងតែឈរនៅម្ខាងផ្ទះល្វែងដែលគេទុកចោលនៅជាយក្រុង ហើយក្នុងផ្ទះនោះក៏មានអ្នកស្រីម៉ារីដែលជាម្ដាយចុងរបស់គេចេញមកតាមអ្វីដែលហ្វីណានិយាយពិតមែន។

"ហៅយើងមកជួបមានអ្វីមែនទេ?"

"គឺមានខ្ញុំមកប្រាប់ថា ខ្ញុំឈប់ធ្វើការឲ្យអ្នកស្រីហើយព្រោះពេលនេះចៅហ្វាយចាប់បានហើយថាអ្នកស្រីជាអ្នកចាក់គាត់ពីក្រោយ"

"នាងឈប់មិនបានទេនាងស្រីបម្រើ"គ្រាន់តែលឺហកវីណាថាឈប់អ្នកស្រីម៉ារីក៏ប្រញាប់ហក់មកចាប់ច្របាច់កដៃជាប់។

"អួយអ្នកស្រីខ្ញុំឈឺលែងទៅ"ពេលត្រូវចាប់ច្របាច់កដៃហ្វីណាក៏ប្រឹងរើបម្រះ និងចោទជាសំណួរទៅកាន់អ្នកស្រីតាមអ្វីដែលជុងហ្គុកដែលជាចៅហ្វាយខ្លួនបង្កប់

"ខ្ញុំមិនយល់ទេអ្នកស្រីជាអ្នកចញ្ចឹមលោកជុងហ្គុកមកផ្ទាល់ដៃ ចុះហេតុអ្វីបានជាអ្នកស្រីតាមបំភ្លាញក្ដីសុខគាត់ទៅវិញអួយ..."

"មីល្ងង់ពីដើមមកយើងចញ្ចឹមបីបាច់ពួកវាព្រោះតែប៉ាវានៅរស់ ហើយក្រោយពីប៉ាវាងាប់បាត់នាងមើលមកយើងទៅមើលថាយើងបានអ្វីខ្លះ គ្រប់យ៉ាងគឺបានទៅលើអាក្មេងនោះ"

"តែបណ្ដាំមរតកមិនទាន់បើកនៅឡើយទេមិនចឹង ហើយបើមិនទាន់បើកអ្នកស្រីដឹងបានដោយរបៀបណាថាអ្នកស្រីមិនបានអ្វី?"

"ហើយស្រីបម្រើដូចនាងទៅដឹងស្អី"រាងកាយតូចត្រូវដួលអស់ជំហរដោយអ្នកស្រីម៉ារីអ្នករុញ ដឹងទេថាព្រោះតែរឿងបណ្ដុំមរតកនេះហើយទើបគាត់ខឹងស្អប់ជុងហ្គុកដែលជាកូនចុងរបស់ខ្លួនរហូតតាមបំភ្លាញក្ដីសុខគេមិនឈប់

"ឯងដឹងទេថាថ្ងៃប្ដីរបស់យើងសរសេរបណ្ដុំមរតកយើងក៏នៅត្រង់នោះ មិនថាសាលារៀនល្បីៗលុយផ្ទះសុទ្ធតែជារបស់កូនវាទាំងពី"ព្រោះតែឆ្អែតនិងប្ដីដែលទើបនិងស្លាប់ទៅមិនបានប៉ុន្មាននោះ អ្នកស្រីម៉ារីក៏និយាយគ្រប់យ៉ាងដែលលាក់មកជាយូររហូតធ្វើឲ្យអ្នកស្ដាប់ភ្ញាក់ផ្អើលជាខ្លាំង។