كلما إسترقنا النظر لما حَولنا زَهدنا فى دنيانا فـ واللهِ ما هى بـِ دائمة وما أنت بباقى كُلها أيام وربما أشهر أو سنين من يدرى ولكن كلٌ لهُ يوم فـ تُبْ الى الله عسىٰ المُلتقى قريب تُبْ الى الله حتى تنال شرف النظرِ الى وجهه الكريم لعل ما تُريده قادم ولكن يتطلب منك توبة فـ أسأل الله لى ولكم توبة نصوحة
#ذِكرَىٰ
«الدنيا يومٌ لك وعشرة عليك»
ــــــــــــــــــــــــــــــــــــــــــــ
"من إمتى وإنتَ كدا يا ظافر مش هنكر بجاحتك وطريقتك المندفعة بس دا ما يصحش انا لو كنت موجود ساعتها كنت ضربتك قلمين فوقتك"
زمجر ظافر بغضب من صديقه ومن إندفاعه الغبى
"انا مش عارف اى الى هببته دا بس انا اصلا كنت ناوى أتقدملها لكن مش بالطريقة الغريبة دى مش هقولك حبيتها والكلام العبيط دا بس انا شدنى هدوئها حاسس إن دى الى محتاجها ترتبلى الكركبة الى فى حياتى"
تحدث سعد بهدوء
"ربنا يقدملك الى فيه الخير بس حِد شوية عشان الحاج ميستعوقنيش"
تحدث مُحمد بعدم فهم
"يعنى إى حِد"
"يعنى شد او إمشى بسرعه يعنى زى ما بنقول فى العربى الكلمه دى ليها كذا معنى فهى على حسب موقعها وانا هنا قصدى امشى بسرعه"
"اه فهمت شكلك من بلد فلاحين او كدا ومش قصدى فلاح الى هيا اهانه قصدى عشان اللهجة"
"لا انا من الصعيد يا عم وكمان من سوهاج فخاف على روحك عشان مطخكش عيارين يفرفروا جتتك"
رد عليهما ظافر وهو يدفع الاثنين للأمام
"طيب امشى انتَ وهو كدا عشان نخلص حوارك وانت تعالى معانا بقا عشان الى جاى دمار شامل"
تحدث محمد بحماس رغم عدم فهمه لتواجد سعد معهما
"ايوه بقا يا شِق"
ـــــــــــــــــــــــــــــــــــــــــــــــــ
"انتِ طبعاً مش موافقة على الى بيقولوا صح"
تحدثت والدتها بتنهيدة مُثقلة
"مش يمكن يا ماما يطلع كويس ويصونك وبعدين انا هقعد معاه وافهمه قبل كل حاجه وافق تمام موافقش خلاص يا ستى وبعدين إحنا ولاية لوحدنا محتاجين سند لينا يا آسى وظافر جدع وشهم"
_يعنيـــــــى إيــــــه أتجوز جزار حضرتك بتقولى اى يا أُمى لا يمكن دا يحصل بقا أنا تُبقا دى أخرتى"
"ومالو الجزار، هى دى حاجه تعيبه ولا أيه ومن إمتى الشغل كان عيب يا بنتى"
إستغفرت ربها فهى لم تقصد الإهانه لذا تحدثت بهدوء تحاول إقناع والدتها
"يا أمى مش قصدى خانى التعبير بس مش أكتر لكن أنا بحترم أى حد بيشتغل وبيتعب، بس خاطرى فين ومشاعرى لما الاقى الرفض من واحد وانا بنت يعنى مش ولد عشان تقولى العروسة رفضته مش عايزه ارخص نفسى يا أمى"
أنت تقرأ
الغَوغَائى والمُثَقفة!
Storie d'amoreإقتباس(1) _يعنيـــــــى إيــــــه أتجوز جزار حضرتك بتقولى اى يا أُمى لا يمكن دا يحصل بقا أنا تُبقا دى أخرتى إقتباس (2) _بارك الله لكما وعليكما وجمع بينكما فى الخير _مبارك يا حرمى المصون يا بختك بيا، هأكلك لحمة ببلاش بدل ما بتدفعى دم قلبك فى الكيلو
