هُو خَير مَن وطَئ الثَّرىٰ ..
طُوبىٰ لمن صَلىٰ عَليه وأكثَرا" ﷺ
ـــــــــــــــــــــــــــــــــــــــــــــــ
لن تجد أبدًا غير الحُبِّ تفسيرًا أنَّ
المكان
نفسهُ الذي يضيق بواحدٍ يتسع
لاثنين!
-يوسف الدموكي.
عيونها تحى الكثير وهو فقط من تعلم لغة عيونها أقبل عليها من الخارج وبيده بعض الأكياس ثم قبل وجنتها
"عارف إنى إتأخرت عليكِ بس العيال وقفونى تحت قالوا عايزين نتجمع بالليل وكمان أنا ملحقتش أتملم معاها أول ما وقفتنى قولتلها عن إذنك عشان مستعجل وسبتها"
وضعت يديها فى خصرها ثم تحدثت بتهكم وهى ترفع حاجبها
"والله وطيب هى توقفك ليه يعنى هى لسة مفكرة إنك هترحعلها ولا إيه"
وضع الأكياس حانبًا ثم خلع سترة ملابسه العلوية وبقى بسترته الداخلية الخفيفة
"والله يا عيونى هى مش فرقالى متشغليش بالك بيها كنَّا مخطوبين ومحصلش نصيب ودا فضل وكرم من ربنا عشان أنتِ اللى تكونى ليا فى الأخر"
صمتت وهى تعيد شعيراتها للخلف
"عفونا عنك عشان أنتَ عسول"
إبتسم على حديثها ثم تحدث بنبرة متحمسة
"يلا بقا إسرحي يا بسكوتة جهزيلنا الفطار عشان نخلص الشغل"
نظرت له ببكاء مصطنع وأعين بريئة
"يا ظافر يرضيك فى اليوم الوحيد الأجازة تشغلنى كدا زى السباكين"
نظر لها ببسمة واسعة وهو يعدل حديثها
"لا يا روحى ميرضنيش وعشان كدا مشغلك نقاشة يلا إحنا بس هنغير الدهان النهاردة وبكرة أنا والرجالة هنطلع العفش"
نظرت له بطؤف عينه ثم تحدثت وكأنها اكتشفت سر
"أنتَ بتعمل كدا عشان مش عايز تدفع فلوس للعمال ومبين إنه حب وكدا"
صفعها بخفة أعلى رقبتها وهو يتحدث ببسمة مستفزة
"إعتبريها كدا يلا بقا جهزى الأكل، عايز أنزل الجزارة يا بسكوتة ولسة قدامى كام حاجة هعملها"
هزت رأسها بخفة وببسمى واسعة بدأت بتجهيز الطعام ثم قامت بوضع الفلافل والباذنجان المقلى وكذلك البطاطس والفول فى الأطباق وكذلك السلطة التى كانت قد أعدتها قبل مجيئة.
بعدها قامت بوضع الطعام على إحدى الحوامل وجلسا سويًا على الارضية العارية فتحدثت بخفوت
"أنا كلمت هبة تقول لمستر عمرو إنى مش هنزل الشغل تانى"
ضيق ما بين حاجبيه ثم تحدث بإستغرب وكأنه لا يريد الطير فرحًا بهذا الخبر
"ليه يعنى"
نظرت لها بإستنكار ثم تحدثت
"إشحال ما كنتش كل شوية تقولى سيبى أم الشغل دا وتنكد على أهلى وأنا يدوب رجعتله الفترة دى"
طقطق رقبته والتى كانت قد ألمته من العمل اليوم
"خلاص إتقفشت، وبعدين يا دكتورة قلبى كلها فترة صغننة وهنشوف خبر تعيينك"
أنت تقرأ
الغَوغَائى والمُثَقفة!
Romanceإقتباس(1) _يعنيـــــــى إيــــــه أتجوز جزار حضرتك بتقولى اى يا أُمى لا يمكن دا يحصل بقا أنا تُبقا دى أخرتى إقتباس (2) _بارك الله لكما وعليكما وجمع بينكما فى الخير _مبارك يا حرمى المصون يا بختك بيا، هأكلك لحمة ببلاش بدل ما بتدفعى دم قلبك فى الكيلو
