العشر الأواخر من رمضان فرصة يُلمْلم المسلم شتات قلبه!
فليكن شعارنا فيهم [انفروا خفافًا وثقالًا]
انفروا فى طاعة الله خفافًا وثقالًا واجتهدوا كى تدركوا فرصة المغفرة والعتق.
وفيهم ليلة خيرٌ من ألف شهر-ليلة القدر-
تلك الليلة التى يُكتب فيها المقادير، فقد تتغير حياتك تمامًا فى هذه الليلة!
فأبشر بالخير يا من ستجتهد فيهم.
-د.أحمد عبد المنعم
ــــــــــــــــــــــــــــــــــــــــــــــــــــ
تجلس برفقة والدتها والتى كانت تقوم بحياكة الملابس فهذا هو عملها منذ وطأت تلك الحارة فكم ساعدها هذا العمل فى متطلباتهم الحياتية فـ معاش والدها لا يكفى فى هذه الظروف الصعبه
"وبس الشغل نوعا ما عاجبنى ومرتاحه فيه وانا اشتغلت من وراكِ عشان عارفه انك معارضه بس والله مش مقصره فى مذاكرتى ولا فى الكلية"
تحدثت والدتها وهى تضع قطعة القماش جانباً
"انا قولتلك يا آسى إنى متحملة كل مصاريفك وكل حاجه تخصك ومتتعبيش نفسك انا عارفة انى مش معيشاكِ بنفس المستوى الى كُنا فيه بس برضو مش منقصاكِ حاجة"
"والله عارفه يا سِت الكُل بس انا عايزة اساعدك، يلا بقا كملى شُغلك اكون عملت البانية خلاص خد وقته فى التتبيله"
"لما متعرفيش تقولى اى بتتهربى يلا اجرى بقا"
بدأت فى صنع العشاء وهى تدندن إحدى الأغنيات لِـ فيروز
قطع دندنتها صوت هاتفها وهناك رقم غير مسجل يحاول مهاتفتها ردت بهدوء لم يدم طويلاً
"السلام عليكم"
"وعليكم السلام يا آسى، وحشتينى"
"هو إنتَ اى يا بنى أدم انتَ هاا، مش قولتلك الف مره متحاولش تكلمنى وغيرت الرقم وبرضو بتجيبه انتَ عاوز اى؟!!"
تحدث حزن قد كاد أن يُفطر قلبه
"انتِ عارفه إنى بحبك واللى حصل دا مش بإيدى لى مش فهمانى بجد غصب عنى واللهِ حاولى تفهمينى"
"ايوه انا الطرف الوحش وكل حاجه سبنى فى حالى بقا مُش إتجوزت، خلاص سبنى بقا اشوف حالى"
"متفكريش، متفكريش إنى هطلع من حياتك، انا عِندى أموت ولا حد يلمس شعره منك ولا يفكر تتكتبى على إسمه"
"ومفكرتش فى دا ليـه وانتَ بتتجوز وانا مخطوبالك هاا مفكرتش ليـه فى النار الى هتكون فى قلبى، انت خزلتنى وصعب نرجع زى الأول، صعب صدقنى، وخلاص انت اتجوزت ومش بعيد يكون عندك الولاد الى انا مكنتش هقدر اجبهملك ومتفكرش مره تانى انك تتصل على وقتها هقل من كرامتك"
"مش هطلع من حياتك بسهولك يا بنت عمى ويا انا يا مفيش حد فى حياتك خالص"
"لا هيبقا فيه بس مش إنتَ يا نادر مش إنتَ"
أنت تقرأ
الغَوغَائى والمُثَقفة!
Romanceإقتباس(1) _يعنيـــــــى إيــــــه أتجوز جزار حضرتك بتقولى اى يا أُمى لا يمكن دا يحصل بقا أنا تُبقا دى أخرتى إقتباس (2) _بارك الله لكما وعليكما وجمع بينكما فى الخير _مبارك يا حرمى المصون يا بختك بيا، هأكلك لحمة ببلاش بدل ما بتدفعى دم قلبك فى الكيلو
