الغَوغَائى والمُثَقفة!

15_رُفض من موطنه

"غازلتُها فازدادَ شِعْرِي رِقّةً
‏وتوجّهت كُلُّ القصائدِ نَحْوَها
‏عربيةٌ زانَ القصيدُ بِذِكْرها
‏فكأنها وزنُ البيوتِ ونَحْوُها"

غمرتها السعادة وكأنها إنتصرت فى إحدى الحروب حادت بنظرها ناحية ذلك الذى يقود السيارة ثم نظرت له بشغف طفلة تجرب الحياة ولأول مرة
"شوفتنى وأنا ببصلهم وأنا مش خايفة منهم انا مبسوطة أوى حاسة إنى عملت إنجاز كبير"

نظر لها بفخر ثم أعاد نظره للأمام
"حبيبة قلب ظافر كانت أشطر بسكوتة"

ضحكت بخفوت وهى تحرك رقبتها
"بسكوتة وعارفينها لكن إيه حبيبة قلب ظافر اللى طلعت بيها دى"

إقتطف قبلة صغيرة من وجنتيها بسرعة أجفلت بسببها
"ودى مكافأتك وبقولك كدا عشان إنتِ حبيبة قلب ظافر فعلا"

كانت وجنتيها تشتعل من الخجل وهى تنظر خارج السيارة
"طيب بص قدامك وبطل قلة أدب"

تفاجأ بحديثها وكأنها تتهمه بخصال ليست به ثم تحدث ببرأة
"أنا قليل أدب، عيب عليكِ بتغلطى فى جوزك المؤدب"

"ماشى إعمل نفسك برئ كدا دايما"

"أنا مش بعمل أنا برئ فعلاً"
ـــــــــــــــــــــــــــــــــــــــــــــــــــــــــــــــــ 
"ها قولت إيه يا خال"

نظر له لدقائق يحاول ترتيب حديثه
"أنا والله لو لفيت الدنيا كلها مش هلاقة أحسن منك لبنت اخويا وهاخد رأيها المرة دى ويارب توافق"

رغم وجعه من شعوره بالرفض من ناحيتها إلا أنه اومأ بهدوء لخاله ثم تحدث
"الخير فيما إختاره الله ولو خير ليا خير فيها هتكون من نصيبى"

نظر له خاله بحنان لطالما كان هشام أحب الشباب له
"ونعم بالله يا حبيبى أنا هكلمها وأرد عليك، وراك شغل؟!"

أجابه بالنفى وهو يلملم حاجياته التى ما لبث أن تواجد فى مكان إلا وأخرجها من جيوبه
"لا بس همشى دلوقتى عشان الحق أشوف أمى"

رفض خاله رفض قاطع
"لا طبعا إنتَ هتقعد تتغدى معانا، عارف إنك بتحب البط وأهو حماتك بتحبك عاملين بط"

إبتسم هشام بسمة صغير تكاد ترى وهو يرفض ذلك العرض السخى
"لا تسلم مرة تانية عشان متأخرش على أختك وإنتَ عارفها"

حاول خاله معه مرة أخرى ولكن محاولاته باتت بالفشل فذلك الهشام ذو رأس يابس إن رفض شيء لا يستطع أحدهم إقناعه به
ـــــــــــــــــــــــــــــــــــــــــــــــــــــــــــــــــ
"الليل وسماه ونجومه وقمره، قمره وسهره، وإنتَ وأنا يا حبيبى أنا"

كان يجلس فى شرفته يشاهد السماء المليئة بالنجوم ويظهر من بينهم بوضوح القمر وكأنه ملك إعتلى عرشه وحوله شعبه

تحدث وهو ينظر للقمر
"أنا مش قولتلك أخرك معايا برا البيت الساعة 10 وكمان حد يكون معاكِ"