အခန်း ၃၉၇ ။ ပန်းတစ်ပွင့် ပြန်ပြုလုပ်ခြင်း
ကူယွဲ့ မျက်နှာပြင်အချက်အလက်ကို တစ်ချက်ကြည့်ဖို့ ရွှေ့ပြောင်းပြီး နှိုင်းယှဥ်ဖို့ စာအုပ်လေးကို ထုတ်လိုက်တယ်။ အချက်အလက်က ကိုက်ညီပြီး အက်ကွဲကြောင်း ထပ်မပေါ်လာတာ့တာကို တွေ့မှ စိတ်သက်သာရာရကာ သက်ပြင်းချလိုက်တယ်။ ကြည့်ရတာ လက်ထောက်အကူစာအုပ် ပြောထားတာ မှန်တဲ့ပုံပဲ။ မျက်နှာပြင်လက်ထောက်က စတည်းက မျက်နှာပြင် ပြုပြင်ဖို့ အစွမ်းရရှိပြီးသား။ ရှန်းရင် သူ့ကို အရင်ကပေးခဲ့တဲ့ ပလာစတာလိုမျိုး အသုံးအဆောင်တွေက ဖြည့်စွက်ပစ္စည်းတွေ ဖြစ်ရုံပဲ။
#လမ်းညွှန်စာအုပ်များဖတ်ခြင်း၏အရေးပါမှု
ယိချင်းလည်း အင်းကွက်တစ်ခုက မျက်နှာပြင်အက်ကွဲကြောင်ကို ဖြေရှင်းနိုင်မယ်မထင်ထားလို့ အနည်းငယ် မှင်တက်သွားခဲ့တယ်။ ဒါပေမဲ့ သေချာပြန်စဥ်းစားကြည့်တော့ ဆရာက အဲ့မျက်နှာပြင် အက်ကွဲကြောင်းကို မုန်လာဥဖြူ သုံးပြီး ပြုပြင်ခဲ့ချိန် အထူးတလည် အသုံးအဆောင်တွေ သုံးခဲ့ပုံ မပေါ်ဘူး။ သူ ရုတ်တရက် တစ်စုံတစ်ရာကို မှတ်မိသွားပြီး ကူယွဲ့ကို ကြည့်လိုက်တယ်။
"ဖေဖေနျို ကျွန်တော်ထင်တာတော့ ခုတလော ဆရာက..."
"ငါသိတယ်" သူစကားဆုံးမှာကို မစောင့်ဘဲ တန်းခေါင်းညိတ်လိုက်တယ်။ သူမြေပြင်ပေါ်က မှိုတက်တစ္ဆေကို လက်ညှိုးနဲ့ထိုးရင်း နှိုးဖို့ကြိုးစားနေတဲ့ ရှန်းရင်ကို ပြန်ကြည့်လိုက်တယ်။ စိုးရိမ်အငွေ့အသက်က သူ့မျက်လုံးထဲ ဖြတ်ပြေးသွားတယ်။
"သူပြောပြချင်တဲ့အချိန်ကျရင် သူ့အလိုလိုပြောပြပါလိမ့်မယ်"
ကူယွဲ့ပျံသန်းလာခဲ့ပြီး လမ်းမပေါ်ကအလောင်းကို ကောက်လာခဲ့တယ်။
"ကိစ္စတွေ ဖြေရှင်းပြီးပြီ ငါတို့ပြန်ကြမယ်"
"အမတဘုံဆီကိုလား" ဘေးက ဂျပုလေးက အံသြသင့်သွားတယ်။
"ဒါပေမဲ့ ဆရာအဒေါ်စစ်ယွီနဲ့ တခြားသူတွေက ဒီမှာရှိသေးတယ်မလား"
"ငါတို့ မှိုတက်... စုန့်ရန်ကို အရင်ဆုံး အမတဘုံဆီ ပြန်ခေါ်သွားမယ်"
YOU ARE READING
ပျင်းနေပြန်တဲ့ ကိုယ့်ဆရာ (Book 2)
FantasyBook 1 က wall ထဲ ဝင်ဖတ်လို့ရပါတယ် Book 1 က wall ထဲ ဝင္ဖတ္လို႔ရပါတယ္