အခန်း ၃၇၉ ။ သွေဖည်တစ္ဆေများ၏ အသွင်အပြင်အစစ်
စုန့်ရန် ရတနာသိုက်တူးတစ္ဆေရဲ့အကူအညီနဲ့ အုပ်စုက အောင်အောင်မြင်မြင် တည်းခိုဆောင်တစ်ခုမှာ နေနိုင်ခဲ့တယ်။ နှစ်ရက်နေပြီးတဲ့နောက် မြို့သားတွေက လုံရှင်းမြို့ကနေ တဖြည်းဖြည်း ထွက်သွားကြပြီ။ တစ်ခါက ဆူညံသက်ဝင်နေခဲ့တဲ့မြို့က ရုတ်တရက် တိတ်ဆိတ်သွားတယ်။ လမ်းတွေထဲမှာ ကျင့်ကြံခြင်းမရှိတဲ့ သေမျိုးတွေကို မမြင်ရတော့ဘူး။ စိတ်တန်ခိုးကျင့်ကြံသူတွေပဲ ရံဖန်ရံခါ ကင်းလှည့်ဖို့ထွက်လာကြတယ်။
စိတ်တန်ခိုးတာအိုပညာရှင်တွေရဲ့ စီစဉ်မှုအရ ယိချင်း ဒီရက်ပိုင်း မြို့အပြင်က ခုခံမှုကို အားဖြည့်ဖို့ ၂ကြိမ် အပြင်ရောက်ပြီးပြီ။ အဲတော့မှ သူ စိတ်တန်ခိုးကျင့်ကြံသူတွေနဲ့ အမတကျင့်ကြံသူတွေကြားက ကွာခြားချက်ကို နားလည်သွားခဲ့တယ်။ ပထမတစ်စုက အဆောင်ကျင့်ကြံခြင်းပေါ် ပိုအလေးပေးပုံပဲ။ အစွမ်းအစစ်မရှိတဲ့ အဲဒီမက်မွန်သစ်သားဓားတွေအပြင် အဆောင်တွေကို မကြာခဏ အသုံးဆုံးပဲ။ ပြီးတော့ မြို့အပြင်က ခံစစ်ကို အားဖြည့်တယ်ဆိုတာကလည်း မြို့တံခါးအပြင်ဘက်တစ်ခုလုံးကို အဆင့်နိမ့်အဆောင်တွေ ကပ်ရုံပဲ။
ယိချင်း သူတို့ကိုကြည့်ပြီး နှုတ်ခမ်းကတွန့်နေတော့တယ်။ အဲဒီသွေဖည်တစ္ဆေတွေဆိုတာ တကယ်ပဲ မြို့ကို သိမ်းနိုင်တဲ့အထိ အရေအတွက်များရင် ဒီအဆင့်နိမ့်အဆောင်တွေက သူတို့ကို ၁၅မိနစ်လောက်ပဲ ထိန်းနိုင်မှာ။ ဒါပေမဲ့ လူတိုင်းရဲ့ သွင်ပြင်က လုံးဝ လေးနက်နေတယ်။ သူတို့ကျင့်ကြံဆင့်အကြောင်း တွေးမိတော့ ယိချင်း တခြားသူတွေ ကြည့်မနေချိန် မြို့တံခါးတွေ ပတ်လည်မှာ အကာအကွယ်တောင်အင်းကွက်တစ်ခု ချလိုက်ရတယ်။
သူ အဲဒီသွေဖည်တစ္ဆေတွေက ကိစ္စက ဘာများလဲဆိုတာ ပိုတောင်သိချင်လာတယ်။
ယိချင်း အကြာကြီး မစောင့်လိုက်ရဘူး။ နောက်ညနေမှာ သူ မူမမှန်မှုကို အာရုံခံလိုက်မိတယ်။ တစ်စုံတစ်ခုက ယင်ချီလှိုင်းနဲ့အတူ ချဉ်းကပ်လာတယ်။ ကြည့်ရတာ သူတို့က မိုင်ရာချီဝေးသေးတယ်ဆိုပေမဲ့ မြို့ထဲက အပူချိန်က ကျဆင်းသွားပြီ။
ESTÁS LEYENDO
ပျင်းနေပြန်တဲ့ ကိုယ့်ဆရာ (Book 2)
FantasíaBook 1 က wall ထဲ ဝင်ဖတ်လို့ရပါတယ် Book 1 က wall ထဲ ဝင္ဖတ္လို႔ရပါတယ္
