Part 04
تنصح فيا نحكي مع رتيل ونشوف رايها خممت في هدرتها رتيل تقرا معاي وعلابالي مالفة تنصح البنات لكن جامي تجرأت نتقرب منها ولا خممت شوي ورسلتلها حوست على كونط تعها بعثتلها __ السلام عليكم و رحمة الله و بركاته رتيل محتاجتك في أمر ضروري مانقدرش نحكيه انستا لازم نتلاقاو في الجامعة . الحمد لله ردت عليا وافقت وحددنا الموعد غدوة صباح قفلت ليدوني ريڨلت رافاي ورقدت
_____________________________________________________
نضت صباح كي عادتي روطار ريقلت اموري قاعد نرش في الريحة تدخل عليا ماما وعلابالي واش حتهدر __ صباح الخير __ صباح الخير اولدي __ كشما حتجتي انا خارج درك __ وكتاه رايح تكبار وتستعقل باباك يعرف صلاحك وين وزيد كبر قلبك علاه تهز في صوتك عليه هكذا كبرتك انا __ اوووه خلاص يما حتى نتي رجعتي كيفو دبجا قوليلو مايزيدش يهدر مع راستي __ ربي يهديك هذا واش نقولك يا خسارة تربيتي فيك وين كنت وين وليت من كنت فرحة تع دار تعنا واش تبدل __ انا نروح درك راح الحل . هزيت ثليفوني ومفاتحي وخرجت
____________________________________________________
وصلت للجامعة بعثت ميساج لرتيل __ السلام عليكم و رحمة الله و بركاته يا رتيل أني نستنا فيك في كافيتيريا تع لافاك . ردتلي في دقيقة __ أني قريبة ليها . بعتلها ايموجي وستنيتها شوي وجات سلمنا وتساولنا وخيرنا بلاصة هادئة قعدنا فيها ، الحقيقة تقال مع شفتها وحكيت معاها حسيت بالإطمنان ولقيت راحتي معاها __ تفضلي يا سديم في واش نقدر نعاونك ؟ __ شوفي درك نحكيلك حكايتي تعرفي عندي واحد كان يقرا معاي من الثانوية لكن ممم اااا درك ولينا في علاقة لاني وليت نحسو سند لانو ديما هو لي يسمعلي بعد ماكنت واحد مايسمعلي والفتو وتعلقت بيه درك هو حاب يجي يخطبني لكن خايفة بابا مايقبلوش بسبت خدمتو والفرق المادي لي بينا وكي جيت نهدر مع خويا مخلانيش حتى نهدرلو ولا ناخد رايو ويعاوني به يقبل بابا لكن هو مقدرش حتى يسمعلي ولا . كنت حاكمة روحي على بكية لكن غلبتني وتمردو دموعي وايت نبكي على حالتي حسيت روحي وحدي وماعرفتش واش ندير حتى لقيت رتيل مدت يدها لوجهي تمسحلي في دموعي وحكمتلي يدي وتكات عليه __ شوفي اسديم اولا ملازمش يكون بينك وبينو اي اتصال سوا كان مكالمة ولا مسنجر ولا حتى مقابلة بدون اي ارتباط شرعي وهذي علاقة لي تهدري عليها عندنا معروفة بدين تعنا علاقة غير شرعية يعني حاجة حرام ولو تقاسمتُم الليل قيامًا و سجودًا، حتى وإن ڪان يوقظكِ لصلاة الفجر حتى وإن تزوجتُم سَيبقى ذلكَ الذنب على عاتقڪُم، إن لم تطلبُوا مِن الله العفو والمغفرة و العلاقة بدايتِها لا ترضى الله عز و جل، نهايتها لن ترضِى صاحبها فيا حبيبتي اقطعُي العلاقة فهى إعاقة، علاه إعاقة لأنها تعيق القلب إذا تعلق بِغير خالقه، خليها على ربي فإذا خليتيها عليه رايح يعوضك ربي وعوض الله مكاش خير منو ، حافظي على روحك كون جا يحبك مايرضالكش العذاب في الآخرة وكون ناوي الحلال صح يجيك من الباب الكبير مش يجيك هكذا ويخليك متخبية وخايفة باباك يعرف وتخافي مايحبش يقبل بيه ونتي ديجا تعلقتي فيه شفتي علاه حرمنا العلاقة غير شرعية وشوفي حاجة مابُنية على باطل فهو باطل فهمتي شوي يا سديم ولا نزيد نشرحلك . كل ماتحكي على حاجة تفطني وبهدرتها قاستني في قلبي صح علاه نعصي في ربي على جال عبد من عبادو __ لالا فهمت جزاك الله خيرا بإذن الله نطبق نصيحتك وربي يهديني ويثبثني __ إن شاء الله حبيبتي امسحي دموعك درك وخلينا نروحو نقراو ولا اليوم يخرجنا الشيخ هذاك __ ههههه والله صح غير من باب يقولك برا __ شحال شابة كي تضحكي __ حشمتيني هههه. وحنا في طريق للمحاضرة جبدت ثليفوني شفت ديسكيسيو تع عمر فتحتها بعتلو ميساج " السلام عليكم و رحمة الله و بركاته جيتك اليوم بش نقولك قراري النهائي انا رايحة نوقف العلاقة لي بيناتنا لانو عرفت بلي راهي علاقة غير شرعية ومكنتش عارفة من قبل بلي راهي هكذا ، وبغيت نقولك لا تجي تخطب مرحبا بيك الباب مفتوح وعلى العين وراس والدار ياك علابالك وينها ورقم بابا راه عندك ، نتمنى تتفهمني وماتفهمهاش حاجة اوخرى انا درك نخليها بيد ربي ولي تجي مرحبا بيها ونت تاني كون كيفي ونبقا ندعي ربي اذا كان فيها خير بيناتنا يجمعنا ، وشكرا ومعرفة خير " بعثت ميساج مانقولش ساهلة صعيبة شغل توالفي بعبد وتخلصيها في لحضة اكيد حنتعذب لكن من اجل ترك معصية ندير كلش ولو نحرق قلبي ونكويه عليه ونسنا عوض ربي خبيت الثليفون ودرت لرتيل __ ممكن نطلب طلب __ ايه تفضلي اذا كان نقدر مانقولش لالا __ ممكن نوليو صحابات وترشديني لطريق صحيح انا كنت نشوفك في محاضرات لكن كنت نخاف منك لانك شغل ااااا لابسة نقاب لكن ماعلاباليش ارتحتلك وحبيتك درك ممكن نولو صحابات ونكون صحبة صالحة بإن الله __ ياعمرييي حتى انا حبيتك والله لكن انا كيوت والله منخوفش ههههههه. ضحكت معاها __ نعاهدك يا سديم رايحة نكون ليك صحبة صالحة بإذن الله ومانخليش يدك حتى نهار ربي يدي أمانتو __ حتى انا نعاهدك نبقى معاك للخر ونحاول نصلح من روحي بإذن اللهوكملنا للمحاضرة دخلنا
" انتهى اللقاء الذي كان بداية لصداقة أبدية "
أنت تقرأ
ولنا في الحلال لقاء
Romantikتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
