جــزء عشرين 💗
بقلم ملاك 💗
تعدات الايام وهذي سمانة من نهار تضرب يوسف خرج من دار كي عادتو مايهدر مع حتى واحد ، يسوڨ في طنوبيل رايح للجامعة صونا ثليفونو __ اهلا فادي __ اهلا بيك وسنك هذا من حفلة هذيك مازدتش بنت __ كانت عندي شغالات وشوي ضروف اني كاره __ علاه واشبيك نقولك راني منين جامعة تاعك ارواح ونحكيو ونعاونك __ صحا . كوبا عليه قلبو راه يخبر فيه ماتروحش بعد واش صرا فيك ليلة هذيك بصح نفسو ديما غالبتو وهو مستسلم ليها . هز ثليفون عيط لاسلام به يلاقيه اتافقوووين يتلاقاو وراح جيهتوو وصل لقاه قاعد يستنا فيه تصفحو وتساولو لكن مرة هذي لاحظ اسلام انو يوسف مقلق من حاجة حب يخفف عليه __ واش ايوسف نشوف فيك كاره شكون قلقك هههه. تصدم كي شافو يبكي (يقولو رجالة مايبكوش واذا بكا معناتها وصلت للعظم ومش معناها راجل بكا معناها مافيهش رجولة) __ شبيك احكي واش كاين كاشما صرا ياك داركم لاباس برك __ لاباس انا لي مش لاباس يا اسلام خويا مانقدرش نقولك واش درت يقولو كي دير معصية ماتجاهرش بيها وانا درت معصية وربي سترني مانقدرش نفضح روحي ربي يحفظك ادعيلي ربي يغفرلي ويسامحني على واش درت __ معليش كالمي روحك ربي غفور رحيم وخلي ايمانك بربي كبير واحسن الظن به لكن توب ليه وارجع لطريق __ إن شاء الله تعيش .
كانت رتيل قاعدة مع سديم لكن مرة هدي هدوء تام بيناتهم __ رتولة هدوئك اليوم ماعجبنيش واش كاين واش مقلقك. تنهدت حضنتها وزيرت عليها __ علابالك رايحة نتوحشك بزااااف ونتوحش قعداتنا ونتوحش توانيسنا ونتوحش ڨصراتنا وكلش __ هههه علاه راني هنا تحبي نقعد معاك كل دقيقة __ يارييييت يادرا واش يصرا كي نتفارقو كيفاش رايحة ديري كيفاش نكمل وحدي لهين __ بركاي ماتخلطي __ سديم انا مسافرة ورايحة مع بابا لفرنسا عندو خدمة نتم ومطولين. تصدمت من هدرة رتيل __ تمسخري وعلاه رايحين وقرايتك وانا ؟ اكيد تتمسخري به تشوفي ردة فعلي __ مانيش نتمسخر والله اني سيريو __ صحا وكتاه رايحين تسافروا __ ورا امتحانات نهائية . حضنو بعضاهم وناضوا يبكيو والفو ديما مع بعضاهم جامي تفارقوا كيفاش رايحين يديرو ومن فوق رتيل نحات مواقع تعها كامل وعدوا بعضاهم انهم مهما كانت المسافة بيناتهم طويلة يبقاو يتفكرو بعضاهم وماينساوش بعضاهم ، بعد عناء به قدرو يطلقو بعضاهم وتروح لكل وحدة لبيتها
وصلت سديم لدار وهي تزارب به توصل لبيتها حتى انها ماردتش على خوها كي عيطلها خاف تكون بيها حاجة محبش يروح يضغط عليها لكن حب يعرف واش بيها لحقها طبطب عليها __ ادخل . هدرتها بصوت مخنوق تع وحدة تبكي دخل عندها قعد حداها __ واش كاين شبيك . ماقدرتش تهدر رمات روحها حضنتو به تخفف عليها وتحتمي بيه بقا مصدوم ماعرفش واش يدير هذي اول مرة يحضن ختو هز يديه بوي حط وحدة ورا ضهرها وحدة فوق راسها __ شششس صاي مكان والو احكيلي شكون قلقك انا نقتلو ونجيبهولك __ رتيل ايوسف رتيل رايحة تروح وتخليني وحدي. ولا قلبو ينبض بالقاوي حتى خاف تحس بيهم ختو وهو معنقها ولا يسقسي في روحو __ علاه واش صرالها وعلاه تبكي عليها البكا هذا كامل
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
