ولنا في الحلال لقاء

__ جزء 57 __

الجـــزء السابع و الخمسين 🦋🥀

بقلم مروة (مرمر) 🦋🥀

__ معليش تقوليلي اسمك صهيب مهدرهوليش. تنفست مليح وقالت __ رتيل..رتيل###. تفاجئ من الاسم وقلبو ولا يدق بزربة ولا يتسائل بصح راهي في فرنسا وميعرف حتى واحد عليها حاجة وحتى كون يقولها وريلي وجهك ميعرفهاش جامي شافها __ نتي تقولي رتيل### __ ايه __ واش قريتي؟ __ انا كنت آداب بصح مكملتش لاسباب وكملت قرايتي في علوم شرعية. زادت دقات قلبو حتى ولا يعرق مصدقش بلي راهي هي وصح راهي هي معرفش كيفاش يتصرف واش يقول بعد ما ستجاب ليه ربي وجمع بيناتهم ورا هذي مدة كامل وهذا كان اول لقاء بينهم وفي الحلال __ راك بيا؟ قالتها رتيل كي شافت حالتو بصح تصدمت من من سؤالو __ وكتاه رجعتي ارتيل من فرنسا؟..مجاوبتش شاف معاها ورا ما دمعو عينيه مسح لحيتو __ الحمد لله الذي بنعمته تتم الصالحات وأخيرا قدر الله لنا لقاء. قالها وهو يشوف في عينين رتيل التقت العيون لتصمت الالسنة لتترك الاعين تتحدث وتعبر عن كمية مشاعر __ وشنو الغيبة هذي الطويلة؟ وعلاه قطعتي خبارك على سديم ضربة وحدة؟ __ صراولي ضروف بعد قدر الله رايحة نقولها لحضرتك من بعد ممكن نعرف وشنو التغير الملحوظ لي صرالك. تبسم حتى بانو سنيه __حضرتي هذو السنين كامل مزالك تقولي حضرتك اسمي يوسف برك رتيل. حشمت رتيل وتبسمت ورا نقابها كمل يوسف __ الحمد لله هذا فضل الله يؤتيه من يشاء..وكمل يحكي واش عدا عليه ورا ما سافرت لفرنسا غدر فادي وبداية هدايتو وسعيه في ختم كتاب الله حتى ولا كيما هك..فرحت واش سمعت واستجاب ربي لدعاءها فما أجمل لقاء يجمع قلبين بعد افتراق __ حاسة روحي قاعدة مع صَحابيّ __ هكذا نجاملو صحابيّ ضربة مرة اللهم اغفر لي ما يعلمون وما يعلمون ياك علابالك بيوسف القديم؟ __ ماتقولش هكذا يزااااف من الصحابة كانوا مشركين بالله وعاداو النبي"صل الله عليه وسلم" ورا الاسلام ابدل الله سيئاتهم حسنات..فرح يوسف من كلام رتيل __ والله انا حاس اني قاعد مع حورية من الجنة..حشمت رتيل وقلبها ولا يضرب بقوة تفاجئت بطلب يوسف __ هو مش المفروض رؤية شرعية؟ معرفتش واش دير اصابها الحياء قريب تكسر صوابع يديها __ واحد ماشافني من كنت في اولى متوسط. شغل فرح على عفتها وحزن على كيما مشافهاش لاحظت سديم حالتو زربت تداركت الامر __ لكن مدام شرع حلل فيه معنديش مشكل بصح نعيط لبابا بعد اذنك..جا باباها وصهيب وكشفت على وجها منعو حياؤه انو يشوف معاها بصح تشجع وشاف ليها ديراكث تلاقاو عينيهم حس يوسف كلي وقت حبس في دقيقة هذيك مقدرتش رتيل تطول شوفة معاه نحات عينيها للارض قطع تيهة تاعه باباها __ اتفضل اولدي اشرب جي (علاه اعمي كون خليتو يشلل عينيه راهم سنين مشافهاش🤣)__ ازعم؟..تعيش اعمي. لاحظت رتيل تغير نبرة صوت يوسف حتى لهجتو هكذا طمنت بلي تبدل خلص النهار لي خلا بصمة في قلب رتيل ويوسف ماينسوهاش افتارقو على جال ربي سع جمعهم على رضاه وتقواه...رجع يوسف لدار والسعادة مافارقتوش علاش لالا ودعاؤو استجاب لاحظت ماماه الفرحة لي على وجهو __ ممم نشوف فيها رايحين نحضر. عرش قريب يا ابو يوسف. هدرتها وتشوف مع يوسف وتضحك شاف معاها يوسف مبتسم وراح باسلها راسها __ إن شاء الله يما انا مزالني نستخير وربي يقدم لي فيه الخير __ ربي يكتبلك لي فيه لخير. قالها باباه متمنيلو سعادة.....غلقت باب بيتها على روحها بعد مالاحظوا كامل تغير حالتها ورا رؤية الشرعية لانهم معلابالهمش بلي هو لي حبتو وقفت تصلي شاكرة لله على عطائه واستجابة دعائها وفي سجودها تبكي وتدعي "اللهم لك الحمد حتى ترضى ولك الحمد إذا رضيت ولك الحمد بعد الرضاولك الحمد أبداً أبداً...يا أكرم الأكرمين يا ناصر الضعفاء والمساكين....عجز لساني عن شكرك وحمدك على جودك وعطائك لي....فاللهم اجعله صالحاً مصلحاً لي واجعلني له كذلك...اللهم إني ربطت علي قلبي لأجلك فأرني جودك وكرمك يامولاي..."....خلص صلاته ورما روحو على سرير من فرحة بزاف لي يحس بيها رجع يتفكر في لقاء من جديد يحاول يتفكر شكلها وملامحها بصح مقدرش يوصفها هي في عينيه حورية من جنة (شفتو لي يحبك يشوفك غير نتي ويقصد باب دار ابقرا مش يتمسخر بيك وتلقايه ڨاعرها من كل جيهات وزيد يتكبر تقول ندخل فيكم بدماغ) قطع تفكيرو ثليفونو يصوني __ السلام عليكم ورحمة الله وبركاته __ وعليكم السلام اهلا بالعرسان توحشتكم __ وانا كثر يويو طمني على بابا وماما واش حوالهم؟ __ الحمد لله ياابو حميد سديم واش حوالها؟ __ الحمد لله اي تسال عليكم..خلصو الهدرة بعد ماتساولو وحكاو شوية...عدات يومين وعيط اب رتيل ليوسف به يخبرو بموافقة رتيل مات بالفرحة خبرو بلي خميس يجيب اهلو.....وفي مطار __ الحمد لله على سلامتك ياعريس __ الله يسلمك توحشتك __ وانا كثر...شاف يوسف مع سديم هذي اول مرة تبعد عليهم __ توحشتك بزااف زينة تعنا __ وانا كثر زيونات. رمات روحها في حضن خوها كي طفلة صغيرة __ شبيك نشوف فيك حاجة مبدلة __ هو باين عليا بزاف هكذا؟ __ نت مش شايف روحكانا اول ماشفتك وقلبي مش مطمن زرع اولدي واش كاين؟ هدرتها والفضول قاتلها __ ديرو حسابكم نهار الخميس نروحو نحددو نهار خطوبة تاعي إن شاء الله __ صح؟ الف مبرووك يوسف ربي يجعلها زوجة صالحة بصح ماقتليش وليت تخبي على اختك؟ __ يابنتي الموضوع كامل جا بقدر وزيد إن شاء الله تحبيها وتولو صحاب __ اكيد إن شاء الله تولي مرت الغالي. تبسم يوسف ويقول في داخلو __ والله خابف تصرالك حاجة كون تعرفي بلي راهي رتيل صحبتك ..

  #كبسو_رزقكم_الله_الثبات🦋🥀