ولنا في الحلال لقاء

__ جزء 60 __

الجــزء ستين 🦋🥀

__ اتفضلو معاي...دخل يوسف به يديرلو تحاليل وبقاو يسناو ساعة بصح خرج وقالو نعاودو تحليل مرة خلاف تعدات ساعتين ونص والقلق يزيد في قلب يوسف خرج الطبيب احمد وفي يدو التحاليل ومن ملامح وجهو مطمنش __ خير احمد طمني __ خير ايوسف متفكر حديث الرسول عليه افضل الصلاة وسلام "عجبا لأمر المؤمن....قطع هدرتو __ شوف احمد انا مؤمن بقدر ربي والحديث نعرفو بصح صدقني انا متوتر بزاااف تعيش قولي واش عندي؟ __ للاسف ايوسف نت مريض بكونسار في دم ونسبتو كتر من 55% حكمتو فشلة من هدرتو رما روحو فوق كرسي __ يوسف وحد الله إن شاء الله تتعالج __ إنا لله وإنا إليه راجعون..لا إله إلا الله..الحمد لله اربي على واش كتبتلي..اللهم لك الحمد حتى ترضا..ماجا في بالو والو غير رتيل ومصيرها هو علابالو واش نهاية مرض هذا لانو ذاق طعم فراق صاحبو بالمرض هذا يسقسي في روحو نقولها ولالا؟ واذا قتلها واش دير؟ وكون نخبي عليها رايح نخليها تكمل تعيش مع واحد ميت...استجمع قواع وناض راح لدار ورا ما تفاهم مع صاحبو على مراحل العلاج وفترة قعادو في سبيطار....وصل يوسف لدار لقا سديم واحمد نتم __ السلام عليكم ورحمة الله وبركاته..قالها بصوت حزين لاحظوها كامل __ وعليكم السلام مالك اولدي..قالها ماماه __لالا والو الحمد لله بخير...قعد يوسف معاهم وتايه حبت سديم تعرف واش مخبي خوها __ هو لي يخطب يبقى وجهو كيما هكذا؟ قولي اا رتيل زعفتك نعرف خدمتي معاها...شاف معاها وسكت __ بيك يوسف..قالها باباه مقلق عليه __ مكان والو بابا غدوة برك رايح لسبيطار ندير شوي ليزاناليز __ علاه واشبيك؟ __ لي ييبها ربي خير ياماما بصح اهم حاجة ساعة اختبار الانسان مننا لازمنا الصبر والاحتساب لانو هذا يبقى رفع درجات او تكفير ذنوب فاتت على هذي من رحمة ربي الشوكو لي تقيسنا تكون كفارة ليه...طول في هدرتو عن الابتلاء استجمع قواه وقال __ الحمد لله على كل شيء وطبعا رانا مؤمينين بقضاء ربنا __ اكيد كامل مؤمنين به...استجمع قواه مرة اوخرى وقالهم زاش قالو طبيب ناضو يبكيو كامل وصمت رهيب في صالو حتى نطق باباه __ الحمد لله..الحمد لله وطبيب صاحبك واش قال؟ __ قالي غدوة نروح لسبيطار لازم نبقا تحت عينين طبة ونبداو العلاج __ علاش هكذا يعني رايح؟قالتها امو وحضنتو تبكي __ لالا اماما استغفري مولاك كل حاجة من عندو خير والله ولحكمة لايعلمها الا هو النبي يقول في حديثو "عجباً لأمر المؤمن فإن أمره كله خير وليس ذلك إلا للمؤمن إن أصابته سراء شكر فكان خير له وإن أصابته ضراء صبر فكان خير له" ماينفعش نعترض على امره انما الصبر عند الصدمة لولة __ غدوة صباح نروح معاك..قالها احمد __ شبيكم اجماعة مكبرين الحكاية هكذا؟ غدوة نروح وحدي ومعايا ماكلتي ودراهمي ونروح...هدرها به يخفف عليهم بصح سديم علابالها بيه راه يخبي برك __ مزالك كيما راك ماكش حتتبدل تخفف علينا وماتلقاش لي يخفف عليك...بكات سديم في حضن خوها وتبوسلو في يديه خلاهم يزيدو يبكيو __ خلاص اسديم الحمد لله طبيب احمد طمني وقالي المرض في اوله ونقدر نحاصروه هذا وش مطمني..قالها اب يوسف دخل يوسف بيتو وبزاف حوايج مديا تفكيرو تخطى اول خطوة وهي اهلو والحمد لله ربطة على قلوبهم درك يخمم في رتيل وكيفاش يهدرلها واش حيصرالها ورا مانهدرلها توضا يصلي ركعتين ليناجي ربع "يارب واالله إني راضٍ بحكمك وقضائك...إن لم يكن بك غضبٌ عليّ فلا أبالي ...اللهم اجعل مرضي تخفيفاً لذنوبي...طهرني من خطايا يارب...اللهم أشهدك أني راضٍ علي حكمك وقدرك ..يا حبيبي أعلم أنها ترقية ورفع للدرجات...ياإلهي كل محنة بعدها منحة فامنحني الصبر عليها يارب ...اللهم اُ رزقني صبراً وغني نفس ورضا يتعجبُ منه عبادك يارب..احفظ مريم يارب وارزقها بمن يجعلها أسعد عبادك....ارزقها بأفضل مني" سجد والدموع في عينيه خلص صلاتو ورقد..... وفي صباح وجد روحو به يروح لسبيطار كيما قالو صاحبو احمد قاعد في صالو مع باباه واحمد وسديم وماماه يوجدولو في كابتو __ كاشما واحد من نسابك عرفو؟ __ لالا مزال ماقتلهمش درك نشوف سع حكاية سبيطار ونروح نقولهم ونخلص الحكاية __ اصبر اولدي ماتقولش هكذا ومتكسرشقلب طفلة اكيد هي كش رايحة تسمح فيك __ علابالي اباب بصح مش حاب نربطها معاي وانا يابابا بعد اذنك رايح نخلي مهندس محمد يتولى شركة _$ ماتقلقش روحك بالخدمة وخلينا نركزو درك في حكاية سبيطار صحتك اولى __ الله مستعان عندي طريق قبل مانروح لسبيطار ونجي طول __ تعواه؟ __ كي نرجع نقولك __ نجي معاك مالا __ لالا احمد خليك هنا وجزاك الله خيرا..... قعد يوسف في صالو مع اب رتيل هو حب يلاقيه برا بصح هو حب يجيبو لدار __ اسمحلي تقلت عليكم __ لالا حاشة هذي دارك في اي وقت..دخلت رتيل هازة الجي وحطتو فطابلة مقدرش يشوف فيها كيما كل مرة وهي لاحظت قعدت حدا باباهة بدا باباها يهدر مع يوسف حتى شاف معاها وحاب وقت يحبس هنا شغل يشبع في عينيه منها تمنى يبكي في حضنهاهبط عينيه وتاه زاد شوي وهز لعينيها وقال داخلو "سأجعل من روحي خاتماً أنقش عليه لاسمك...سأجعل من دموعي عطراً وأنثره على كتفك..سأجعل من عينيَّ بيتاً لأخبئ فيهما قلبك ...مهما ابتعدتِ أو غبتِ...سأظل أقول لك: إنني أحبك." تمنى كون سمعت هدرتو
ديرو جام