الجــزء التاسع عشر 💗
بقلم ملاك 💗
وصل يوسف لدار يلقا تع دار كامل يستناو نطق معاه باباه __ وين كنت هامل اسي خونا من البارح مادخلتش لدار __ ماتقلقش ابابا مكان والو جبت صاحبي من المطار بقينا نحكيو ماتولهتش للوقت كي توخر الوقت حكمني بت مع..... سكتو بكف حكم خدو جيهة الكف سديم حطت يدها على فمها والأم حطت يدها على قلبها ونطقت __ سعيد لالا واش داك لطفل او مش تع كف درك __ نتي بعد تسكتي خليني نربي ولدي شفتي دلالك وين يوصل . ودور ليه__ مليحة درك كي توصل روحك للكف راجل قدك طول وعرض مزالك دير في تصرفات تع ولاد صغار روح عليا منا مانيش خاب نشوف وجهك . شاف يوسف في باباه مليح ودور رايح لبيت كي دخل خبط الباب تع بيتو ……
نرجعو لرتيل لي كانت مجمعة في صالو مع عايلة بعد ما جمعهم باباهم به يهدر معاهم في موضوع مهم __ خير يأبتي قلقتنا عليك . هدرتهالو رتيل بعد ما تقلقت على باباها __ لالا خير ابنتي برك خرجتلي خدمة في فرنسا حلت شركة لي راني نخدم فيها جزء منها نتم وحبيني انا نروح نحكمها ونلها بيها حتى تولي معروفة به نرجع ولهذا قررت بعد ما هدرت مع ماماكم انو نروحو كامل لفرنسا لاني ماعلاباليش وكتاه رايح نرجع والخدمة بزاف ومطولة الحكاية . شافت معاه رتيل ماعجبهاش القرار هذا علاش يعجبها وهي رايحة لدولة غريبة عليها وتخلي صحاباتها وقرايتها وزيد من فوق دولة مش مسلمة كيفاش رايحة تكمل قرايتها تفكرت سديم لي تخليها وراها حتى جا في بالها يوسف قطع تخمامها كيما قالها باباها__ واش قلتي ارتيل __ انعم .. لي تشوفو ديرو ابتي . وناضت راحت لبيتها حس بيها باباها شَرْ لماماها تلحقها ودار لصهيب يشوف رايو في الحكاية __ باينة ابابا هيه شكون يقول لالا على فرنسا . عند رتيل لي كانت حاطة راسها في حجر ماماها وامها تمسحلها على شعرها واحاول تخفف عليها __ شبيك علاه نضتي في وجه باباك هكذاك __ لالا مكان والو بصح علاش هكذا علاه نسافرو مع بابا ياك ديما كي تجيه خدمة نتم يروح وحدو علاه مرة هذي حاب يدينا معاه __ ياك سمعتيه خدمة تع مرة هذي مطولة وماعلابالوش وكتاه يرجع وهو خايف علينا كي يغيب واش يصرا وراكي شفتي صهيب هو هنا وشفتيه واش يددير فما بالك كي يروح شكون يزيرو انا مانقدرش عليه ونتي تقدري تكملي قرايتك نتم . تنهدت من قلبها واستسلمت اصلا ماتقدرش تكسر هدرة باباها __ معليش ماما فيها خير __ صحا بنتي ريحي درك انا نروح نشوف باباك . خرجت وخلات رتيل هزت ثليفونها دور في الانستا شافت لقات ليزانفيث بزاااف من عند رجالة وذكورة من فوق هي مقلقة وزادوها بليزانفيث __ درك نقفلو جدو خلاص راه يديرلي غير في ذنوب رمات ثليفونها وبقات تخمم و تسقسي في روحها علاه خممت فيه قبيل .
أنت تقرأ
ولنا في الحلال لقاء
Romansaتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
