الجـــزء الثالث و الستين 🦋🥀
طاح شعرو من العلاج خفافت لحيتو وعروقو تلونت بالخضورة مايلة لزروقة رق عظمه ولا كي عجوز ضعيييف __ يوسف جاتك زيارة..قالها احمد ورا مادخل عندو عدل قعدتو بسيف تفاجأ كي شاف جماعة تع مشايخ والدعاة زاروه شبع فرحة حتى نسا وجيعتو __ طهورا إن شاء الله ياشيخ يوسف....قالها شيخ وليد __ جزاك الله خير علاش تعبت روحك بهذو كامل __ الله يسامحك حاب تحرمني من اجر وزيد علابالك واش قال في حديث االقدسي؟ قال "عبدي، مرضت فلم تعدني...قال يارب كيف أعودك وأنت رب العالمين؟....قال أما علمت أن عبدي فلاناً مرض لو عدته لوجدتني عنده" وكمل يحكي على الابتلاءات وانو ربي يبتلي العبد على قدر ايمانه به يرفع درجاته ويبلغ مكان. مايقدرش يبلغها باعمالو تاثر يوسف من هدرة وليد وزاد يقينه بربي __ نت درك ابقا مداوم على الاستغفار والصلاة عالنبي بنية ربي يشفيك ويرفع عنك البلاء وصدقة صغيرة وشوية عسل وحبة البركة هذو وصانا بيها النبي عليه الصلاة والسلام (اجماعة الخير الصدقة تصنع معجزات والصدقة مشي كي تفضال عليك حاجة تمدها لالا راكم غالطين صدقة شفتي هذيك حاجة لي تحبيها وتعزيها وتصدقيها هذيك هي صدقة واذا تحبو كش اسئلة كاين قروب ونجاوبكم على قد معرفتي) خو حب يقولو هكذا به يزيد يقويلو ايمانو لانو شيطان مايخليش العبد طرونكبيل...خلصت الزيارة ورا مدار شيخ وليد رقية شرعية ودعالو.....رجعت عافيتها وخرجت من سبيطار وتعدات عشرين يوم تقريبا وهي في سبيطار ماتهدر مع حتى واحد غير تبكي __ بابا نت وعدتني كي نرتاح تديني نطمن عليه __ ايه ابنتي..شافت معاه وهي تترجا فيه .....تبدلت حالة يوسف ورا ما زاروه مشايخ قعدت لافامي قدامو ويضحك على ڨصرة احمد تحسن حالة يوسف معنويا معادش يهتم للمرض خلا كلش على ربي...دقديق على باب سمحولو يدخل حطوها فرملية تفاجئو كامل كي شافوها هي وباباها وخوها يسندها تمشي بشوية من وجيعة مزالت مرتاحتش مليح ووراها ماماها واسر زربت سديم لصحبتها __ الحمد لله على سلامتك...زرب احمد جاب كرسي به تقعد عليه __ الحمد لله على سلامتك يوسف اسمحنا والله كنا مع رتيل في سبيطار..قالها اب رتيل __ الله يسلمك يااب صهيب واشبيها رتيل؟....قعدت ام رتيل ومع ام يوسف وحكاتلها..كان يشوف معاها ومش مصدق بلي جات تزورو..قاعدة قدامو تشوف معاه وعينيها شلال باين بلي تبكي تمنى يوسف يقدر مسحلها دموعها "نحبك رتولة" __ طهور إن شاء الله شيخ يوسف __ تعيش توحشتك اصهيب __ مش قدي __ شفاك الله اولدي __ امين عمي...يشوف مع رتيل مرة اوخرى تلاقاو عينيهم تمنا يبوس يدها ويقول __ اقسم بالله نحبك وماسمحتش فيك بصح حابك تكوني فرحانة...رجعتلو نفس شوفات وتقول في سرها __ كون غير تقرا افكاري وتعرف واش حابة نقولك انا ضعيفة بلا بيك تحكمني بيد نحكمك بيديا الزوج ماعلابالكش بلي قلبي ينبض باسمك كيفا تطلب في فراق؟ اعرف بلي مش حنروح من طريقك واذا درت ربي يعيني على جهاد..تمنت يسمعها برك...نسا مرض تاعو ووجاعه ولي قدامو هو وهي في عالم آخر...خلصت زيارة وودع كل واحد لوخر.....دخلت رتيل لبيتها تريح ورا مازاد وجعها وزاد لقاتو هكذاك تبدلت ملامحو خلاص مش كيما شافتو وحفظتو وقطعت وعد على روحها بلي تصلي كل ليلة ركعتين ليه وتصدق بنية شفائه وتكثر من الاستغفار......تعدات وحد شهرين على مرض يوسف ورتيل والفتو بزيارة مرة في السمانة في نهار لي يدير فيها جلسة به تشاركو في وجيعتو..خلاها على جال سعادتها بصح معرفش بلي هو سعادتها..وصلت لدار دخلت لبيتها وهي تخمم هي حابة تكون قريبة ليه كثر في وقت هذا تحكم يدو تمسحلو وجهو كي يعرق حابة حاجة وحدة بصح صعيب مايتقبلوش عقل انسان ناضت توضات وصلاة استخارة.....في الغدوة قعد اب رتيل في بيرو يشرب في قهوتو دقدق في بابه __ اتفضل..ارواحي رتيل كاشما كاين؟...قدمت ليه __ ايه بابا كنت حابتك في امر __ خير اتفضلي..قعدت مقابلتو __ موضوع شوي حساس بصح اني فكرت واستخرت بابا حابة نتزوج يوسف...شاف معاها مستغرب__ متستغربش ابابا تعييش لازم ابابا نوقف معاه في محنتو بلاك اول مرة تسمع مني هكذا بصح انا ابابا قلبي يتقطع عليه..ناضت تبكي..يطحابة نحكم يدو وهو يتوجع نخفف عليه هو مزال اجنبي بالنسبة ليا ونت مربيني على الصح مش حابة نغضب ربي ولا نت تعيييش ابابا افهمني مانيش حننكر اني حبيتو ومش شايفة غيرو تعيش ابابا عاوني اني نموت وانا بعيدة عليه...رمات روحها في حضن باباها به يخفف عليها مسحلها على ضهرها به يطمنها ويهدئها
خلولي جام
أنت تقرأ
ولنا في الحلال لقاء
Romansaتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
