الجـــزء السادس و الستين 🦋🥀
وصلوا كيفكيف لدارهم جديدة ..... لي تمناتها رتيل بصح تفاجأ يوسف بطلب تاع رتيل كي قالت _ نقدر نصلي ركعتين وحدي؟
دخلت مريم لبيتها بعد معطالها يوسف الموافقة باش تبدل حوايجها و تصلي _ حبت تصلي و تكون بين يدين ربي سبحانو قبل متكون بين يدين راجل لي خيرو قلبها....
معا اول تكبيرة مقدرتش. تشد روحها من لبكا تمنت تكون تحلم و راح تفطن من الحلم قريبا......من بكاها مقدرتش ترتل لقرآن بصح قاومت و هي ترتل و تبكي حتى خرجت واش في داخلها و هي ساجدة لربي قلت: "يا رب لك الحمد انت نور السماوات و الأرض... لك الحمد انت قيوم سماوات و الارض . اللهم لك الحمد يا رب على إستجابتك لدعائي .... انت تعلم يا ربي كنت قد تركته من أجلك و ها انت تفيض علي من رحماتك و تعطيني ما تركته .... و ها انا الآن يا رب عاجزة امامك عن شكرك يا رب تفيض على رحماتك و تعطيني ما تركته و انا عاجزة على شكرك يا رب .... تعلم يا رب اني لم انرك سجدة واحدة الا وهو يأخد اكبر نصيب من دعائي ..... تعلم يا رب ان اول دعوة دعوتها عندما وقفت امام بيتك الم حرم هي أن تهديه و تجعله امام يقودني اليك و ان تجعله من الدعاة اليك و الي دينك يبلغ عنك و عن حبيبك في مشارق الارض و مغاربها ..... اشهدك يا رب ان سأكون له تلك الزوجة صالحة حتى ترضى عني ....."
كملت صلاتها و خرجت باش تحوس عليه .... قربت من بيتو لقاتو قاعد على ركايبو و رافد يديه لسما و يدعي في ربي : .... مقدرتش تسمع واش يقول قاعة تسمع غير شهقاتو لي كانت مكتومة داخلو.....
حس بيها يوسف زرب مسح دموع و ناض ليها بعد مكمل دعائه شد يدها حس ببرودة مشات في جسمها ..... طلعت راسها و طاحت عينها في عينو قاتلو _ نوعدك راح نكون ليك كيما تحب .. باس يديها و عاود خزر فيها __ نوعدك بلي راح نكون سند ليك و رفيق دربك و حبيبك .... بصح بلاكي قلبك يحبني غير انا و ديري في بالك ياأميرتي بالي ربي يغار على قلوب عباده و عندو حق باش يغار .... إدا حسيتي بالي حب دنيا و حبي ملا قلبك اهربي ربي مني و من دنيا كامل .... بسكو ربي هو لي يبقى و ميغيبش و هو الكريم لي ميرجعك قلب سهى عن حبه و ذكره و متنسايش بالي كل عفسة راح تروح من غير ربي يبقى موجود ... قاعد تشوف معاه تسمع و دموع طيح من عينيها قرب ليها و مسحلها دموعها و باس يديها شافت فيه و قالت __ يوسف اوعدني متبعدش عليا _ كاين واحد يقدر يبعد على روح تاعو.. حشمت و وجها ولا حمر .... رفدلها وجها بيديه و باسلها راسها و هي راحت في عالم وحداخر _ ارواحي نصلو زوج ركعات ....
فات على زواجهم 8 اشهر و يوسف معا لخدمة صباح فشركة تاعو لي بدا فيها بعد ما استقال باباه بعدها اعمالو الدعاوية معا صلاة العصر ....حست رتيل بغيرة تقتلها هو معاها و ماشي معاها .... واحد ليوم دخل يوسف لدار لقى رتيل ماشي على عادتها ..._ السلام عليكم و رحمة الله و بركاته؟ _ و عليكم السلام _ ستغرب لانو رتيل غير عادتها _ واشبيك رتيل كاشما صرالك _ خزرت فيه خزة فيها غيرة _ راني نشوفك ماشي مهتم ڨاع بيا و لاتي غير بخدمتك و فليل نشوفك من لجامع لجامع و انا صابرة و ساكتة حتى ليوم عطلة تاعك منشوفكش انا حقي وين راهو و كل يوم تعيطلي وحدة تقولي بالي عجبها درس لي درتو حتى كي نكون معاك قاع يشكرو فيك هدا الحاجة ڨاع على جهة و كلامك على الحب في جهة تانية علاش تزوجت كي تميل بزاف ليهم ...حس يوسف بالغيرة لي تملكت رتيل و هو فرحان بصح مكتملتش فرحتو كي سمعها قاتلو _ طلقني يوسف طلقني كي مبقيتش نهمك طلقني و روح للحور تاعك... طرطق يوسف بضحك _ نساء هادو خدامين عندك فجنة و نتي الملكة تاعها_ بصح علاش خليت الملكة و راك لاتي معا خدامينها _ لانو نتي مزالكي كي دودة مزال موليتيش فراشة _ انا دودة يوسف طلقني طلقني...حكمها من يديها و هبط عند وذنها _ نتي واش راكي حابة تحكمي عليا بلإعدام ياك علبالك بالي نتي لهوء لي نتنفسو منقدرش نخمم في وحدة غيرك .... وجها ولا حمر و حشمت _ سمحيلي انا قصرت معاك هادي لخطرة بصح راح نعوضكم على كل حاجة و راني موجدلك مفاجأة_ واش هي مفاجأة _ راح نروحو الحج لعام هادا...قلبها ولا يرفرف و بدات تبكي من قوة الفرحة _ راح نبقى طول عمري نحبك حتى نموت _ بعيد شر عليك...وعنقها _ حست رتيل بالي ملكت لعالم بين يديها .......
خلولي جام 👍
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
