Part 13
# بقلم_ملاك
تتلاقا مريم مع سديم في الجامعة ومعاهك إسراء هي طفلة كيوت وكالم وتلبس الحجابات الشرعية __ البنات عندي بروبلام ومالقيتش احسن منكم ندي رايهم ، انا حابة نلبس نقاب لكن مالقيتش كيفاه نقنع ماما وماعلاباليش كيفاه ندير؟ __ شوفي النقاب كيما قلت لسديم هو مش واجب علينا ومدامك حابة هذي حاجة مليحة وتزيدك مرتبة عند ربي وتأكدس من نفسك حابة ديريه برك ولا حديريه على جال الأجر وثواب عند ربي ، اما بنسبة لنصيحة شوفي انا نفضل تقوليلها يا ماما مش حابة واحد يشوف جمالي غير زوجي مستقبلي .. ضحكت سديم وإسراء عليها وكملت .. وقوليلهل ماما انا حنرضي ربس وانا حابة نتشبه وأم مؤمنين به ندخل معاهم للجنة ، وزيد اصدقي الله يصدقك واش تعني كي تكون نيتك صادقة وخالصة لوجه ربي رايح يسرهالك وزيد ادعي وكثري دعاء.. علابالك والله فكرتيني في أول نهار ليا كي جيت رايحة نلبسو كان خويا مش حاب وبقا يضحك عليا ويقولي وليتي زي بدنجالة و صندوق كحل وبزاف هدرات وخويا صغير ولا يخاف مني في لول ومن بعد والف وتحاسبت في لول وليت نتخنق وكلش مي من بعد والفت الحمد لله وهذوك كانو مجرد اختبار من ربي به يشوف صبرك وصدق تاعك ومدى تحمل تاعك ولا نقولك قوليلها انا حابة نحافظ على روحي بنقاب __ قتلها هذي من قبل وقاتلي راكي لابسة حجاب شرعي وفضفاض وماهوش ضيق وراكي خير من البنات لوخرين __ نقدر نقولك رايي انا __ ايه تفضلي سديم __ قوليلها ماما انا صح نلبس الواسع ومش ضيق وحوايجي خير من تاع البنات لوخرين لكن كاين حاجة احسن من الحوايج تاعي وانا حابة نطور للاحسن مش نبقا في بلاصتي ونشوف البنات يوليو احسن مني فهمتي قصدي؟ يعني حوايجك ملاح وكاين خير منها __ ايه فهمت عجبتني فكرة هذي . سمعو صوت آذان ضهر __ هي روحو للمسجد تع كلية نصليو __ ايه هيا . راحو يصليو ، وكملو محاضرات تعهم وتفرقو كل واحد لوين .
صونا ثليفون يوسف __ ألو اسلام كيف الاحوال __ لاباس الحمد لله ، قول السلام عليكم احسن من الو وينك درك؟ __ عندي طريق __ يعني نفهم ماكش جاي للجامعة __ كي نخلص طريق أني نجي __ صحا مالا ربي يعينك __ تعيش . كوبا ، بقا اسلام يتسائل يادرا وين راح يوسف ومعمن راه ماشي درك عيطلو به يعدي عليه للجامعة ويديه معاه للمسجد يصليو راح يصلي وحدو في المسجد دخل صلى وخرج وهو راجع لجامعة صونا ثليفونو لقاه يوسف هز عليه __ السلام عليكم يوسف __ وعليكم السلام وينك درك اني قدام باب تع جامعة لاتجي نحتاجك __ اني قريب ليها اني جاي . كوباو وراح يزارب في طريق به يوصل عندو __ شبيك يوسف؟ هدرها وهو يلهث __ شبيك تجري في طريق ، اركب في طنوبيل . ركبو وديمارا للمول __ وين رايحين ايوسف __ قريب نوصلو . حبس طنوبيل قدام المول دخلو لحانوت تع الملابس الرجاال ، دخلو __ اسلام خيرلي لبسة نجي بيها للعرس تع اختك وتكون مليحة __ هذا مكان درك نخيرلك المخيرة فيهم . تبسم معاه وراح بدا يخير ليه حتى لقا لبسة شابة وتخرج عليه __ شوف هذي طير العقل ههههه طايح كثر من نايض , ضحك عليه يوسف وعلى هدرتو __ خلاص مالا روح قيسها لا تجيك به نديوها __ كيفاه مافهمتش وانا لاه ياك نت لي رايح تشري
أنت تقرأ
ولنا في الحلال لقاء
Romanceتحكي عن شاب انحرف عن طريق الله وعنده صديق يحاول أنه يرجعه لطريق الصحيح السوي حتى يلتقي بفتاة لم يرا من جسمها سوى عينيها فوقعة في حبها و ارادها فتاب مم أجلها لكن تلك الفتاة تسافر فهل يا ترا يجمعهم القدر ؟ هل يستمر على توبته ؟ نعرف الأحداث داخل القصة...
